Æfingaferð á Tenerife – Fótbolti

Tíu þúsund fet kynna æfingaferð til Tenerife fyrir karla- og kvennalið í knattspyrnu. Ferðin hentar vel til þess að æfa við toppaðstæður og hrista hópinn vel saman. Miðað er við beint flug frá Keflavíkurflugvelli. 

Dvalið er í huggulegum strandbæ á suðurhluta eyjarinnar fögru þar sem finna má allt til alls fyrir sólþyrsta ferðalanga. Æfingaaðstaðan er mjög góð, jafnt á góðum knattspyrnugrasvelli sem og í flottri líkamsræktarstöð. Á svæðinu er einnig hægt að fá afnot af fundarherbergjum ásamt heitum og köldum pottum.

Hér er frábært tækifæri til að æfa við bestu aðstæður og njóta óþrjótandi afþreyingarmöguleika á sólríkum slóðum. Þú finnur ekki betri leið til að hrista hópinn saman og æfa liðið fyrir komandi keppnir á Íslandi.

• Skemmtilegt og líflegt strandsvæði á eyjunni fögru
• Fyrirmyndar æfingaaðstaða
• Vönduð og vel útbúin líkamsrækt, bæði inni og úti
• Cross-fit svæði
• Padel-vellir
• Strandblaksvæði
• Heitir og kaldir pottar
• Góður 4* gististaður
• Fínn matur
• Heilsulind og líkamsrækt á hóteli
• Óþrjótandi afþreyingarmöguleikar

Tenerife er stærsta og fjölsóttasta eyjan af þeim átta eyjum sem tilheyra Kanaríeyjunum. Hún er staðsett mitt á milli eyjanna Gran Canaria, La Gomera og La Palma. Tenerife er eldfjallaeyja sem talin er að hafi myndast fyrir 8 milljónum ára. Hún er í u.þ.b. 300 km fjarlægð frá meginlandi Afríku og í u.þ.b. 1300 km frá meginlandi Spánar. Eyjan er 2.034 ferkílómetrar að flatarmáli og er eins og þríhyrningur í laginu og fer hún hækkandi eftir því sem nær dregur miðju og nær hámarki með Pico del Teide sem er hæsta fjall Spánar í 3.718 m hæð yfir sjávarmáli. Santa Cruz er höfuðborgin þar sem búa um 250.000 íbúar en á eyjunni búa tæplega milljón manns. 

Meðalhiti á Tenerife er í kringum 22-25 °C en athugið að hitastigið getur verið lægra upp til fjalla.

Á Tenerife er veðrið einfaldlega gott allan ársins hring. Meðalhiti er um 20-22 gráður, á svalari dögum fer hitinn vart undir 15 gráður en sjaldan yfir 30 gráður í sumarhitum. Árstíðirnar koma og fara án þess að nokkur maður taki eftir því. Á suðurhluta Tenerife er eitthvert stöðugasta og besta loftslag á jörðinni – sól og blíða allan ársins hring.

Eyjan býður upp á fjölbreytta afþreyingu, þar sem m.a. er að finna stærstu go-kart braut í Evrópu ásamt einum allra glæsilegasta vatnsrennibrautagarði heims, Siam Park. Við ströndina er hægt að finna ýmsa afþreyingu; s.s. sjóskíði, bananabáta, siglingar og köfun.

Í gamla fiskimannabænum Los Cristianos ríkir skemmtileg stemning frá morgni til kvölds, en þar er að finna margar göngugötur með fullt af litlum verslunum, veitingastöðum og fleiru, sem skemmtilegt er að skoða. Svo tekur Playa de las Américas strandbærinn við með stór hótel, margar verslanir auk verslunargötu. Hér eru veitingastaðir sem bjóða fjölbreyttan mat, t.d. kínverskan, indverskan og að sjálfsögðu spænskan. Þá er hér að finna fjölskrúðugt næturlíf með mörgum börum og dansstöðum.

Playa de las Américas, strandsvæði sem oft er kallað Las Américas eða Ameríska ströndin, er ein af vinsælustu áfangastöðum Tenerife, staðsett á suðurhluta eyjarinnar. Svæðið er þekkt fyrir iðandi mannlíf, skemmtilegar verslanir, afslappað andrúmsloft, fallegar strendur, fjölbreytta afþreyingu og frábæra veitingastaði. Las Américas er frábær staður fyrir þá sem leita að skemmtun, afslöppun og fjölbreyttum afþreyingarmöguleikum á Tenerife!

Fimmtudagurinn

Ferðadagur (Flug kl. 09:10)

Föstudagurinn

Æfingar & þjálfun. 

Laugardagurinn

Æfingar & þjálfun.  

Sunnudagurinn

Frjáls dagur

Mánudagurinn 

Æfingar & þjálfun.  

Þriðjudagurinn

Æfingar & þjálfun. 

Miðvikudagurinn

Æfingar & þjálfun.  

Fimmtudagurinn

Ferðadagur (Flug kl. 15:50)

Langar þig til að hrista hópinn saman og æfa við toppaðstæður á eyjunni fögru? Vilt þú dvelja á góðu hóteli þar sem stutt er í alla þjónustu? Ef svarið er JÁ, þá er þetta rétta ferðin fyrir þig. 

Íþróttasvæðið býður uppá flottar æfingaaðstæður fyrir knattspyrnu þar sem lið víða að hafa vanið komið sínar til æfinga. Æfingasvæðið býður uppá góða grasvelli og öllu sem tilheyrir æfingum, bolta, keilur, vatnsbrúsa, kælikassa, boltapumpu o.s.frv.

,,Þessi ferð var bara tíu stig. Eða jafnvel tíu þúsund stig. Hér var bara allt upp á tíu, maturinn, hótelið og staðsetningin. Æfingasvæðið eitt af því betra sem maður hefur æft á og öll aðstaða og þjónusta góð. Svo var þjónustan hjá okkar mönnum hjá Tíu þúsund fetum alveg stórkostleg. Við vorum hrikalega ánægðir með þetta og komum pottþétt til með að koma aftur að ári.„

Hermann Hreiðarsson, þjálfari meistaraflokks karla hjá HK

,,Við erum búnar að vera ótrúlega ánægðar. Hér eru hvílíkt góðar aðstæður og grasið með því betra sem ég hef spilað á. Toppaðstæður og hótelið líka frábært þar sem stutt er í allt. Ég gæti ekki verið sáttari og mæli mikið með.“

Kristrún Ýr Hólm, fyrirliði meistaraflokks kvenna hjá Keflavík

,,Þetta er besta ferð sem ég hef verið í. Hótelið frábært og herbergin bæði stór og frábær. Maturinn ótrúlega góður. Æfingasvæðið var algjör toppur og grasið alveg geðveikt. Svo er bara frábært veður hérna á Tenerife. Svo er allt til alls hérna og allt ótrúlega nálægt frá hótelinu. Ég gef þessu bara toppeinkunn, tíu af tíu mögulegum.„

Kristján Snær Frostason, leikmaður meistaraflokks karla hjá HK

,,Þetta er með betri stöðum sem við höfum farið á í æfingaferð. Æfingaaðstaðan er frábær og hótelið er ótrúlega flott. Fararstjórnin var geggjuð. Við mælum hiklaust með og munum örugglega koma aftur.“

Guðrún Jóna Gunnarsdóttir, þjálfari meistaraflokks kvenna hjá Keflavík

,,Við erum búin að vera hér á Tenerife síðustu vikuna með Tíu þúsund fetum og allt upp á tíu. Æfingaaðstaða frábær, öll áætlun gekk upp, rútur voru tímanlegar, hótelaðstaðan góð og maturinn flottur. Í raun allt upp á tíu!“

Jóhannes Karl Sigursteinsson, þjálfari meistaraflokks kvenna hjá Stjörnunni

,,Við stelpurnar erum búnar að vera hér á Gara Suites hótelinu í viku með Tíu þúsund fetum og það er búið að vera frábær upplifun, geggjað veður, frábærir vellir, búið að ganga mjög vel og hótelið gott. Allt upp á tíu!“

Anna María Baldursdóttir, fyrirliði meistaraflokks kvenna hjá Stjörnunni

,,We just finished a fantastic training trip in Tenerife with Rún and Trausti at Tíu þúsund fet. I cant recommend it higly enough. The training facilities are fantastic and the weather beautiful. Everything from top to bottom has been absolutely first class. Not only do we want to say thank you very much and recommend it but we hope to be meeting you guys again. Thank you so much for your hospitality, takk fyrir og adios!“

John Andrews, þjálfari meistaraflokks kvenna hjá Víkingi

,,Þetta er búin að vera geggjuð ferð. Umgjörðin öll frábær og fótboltavellirnir frábærir.  Geggjuð þjónusta hjá Tíu þúsund fetum, þannig við munum klárlega nýta okkur ykkur aftur. Bara allt uppá tíu. Við mælum með!“

Selma Dögg Björgvinsdóttir, fyrirliði meistaraflokks kvenna hjá Víkingi

,,Við vorum í ferð með Tíu þúsund fetum. Toppaðstæður. Ferðin er búin að vera frábær í alla staði. Fararstjórarnir eru búnir að vera framúrskarandi. Það skiptir okkur líka máli að það sé vel haldið utan um hópinn og að maður geti leitað til góðs fólks þegar eitthvað bjátar á. Það er mjög dýrmætt.“

Elías Hlynur Lárusson, aðstoðarþjálfari meistaraflokks kvenna hjá Fylki

,,Okkur hefur öllum fundist alveg ótrúlega gaman. Ferðin hefur verið virkilega vel heppnuð. Allt í kringum þetta hefur verið frábært, æfingaaðstaðan mjög góð og mjög gott að hafa styrktarsalinn á svæðinu. Hótelið er ótrúlega fínt og mjög góð staðsetning á því. Svo hefur verið geggjað að fararstjórarnir eru alltaf til taks sem er virkilega gott, þau voru bara alltaf mætt þegar á þurfti að halda. Við erum allar alveg ótrúlega sáttar og Tíu þúsund fet fá tíu þúsund hrós frá okkur.“

Signý Lára Bjarnadóttir, fyrirliði meistaraflokks kvenna hjá Fylki

,,Ég get sagt það að ég hef farið á fjölda staða á mínum ferli, bæði sem leikmaður og þjálfari, og þetta er með því betra sem ég hef upplifað. Æfingasvæðið er alveg uppá tíu. Vellirnir eru frábærir og öll aðstaðan til fyrirmyndar. Hægt að fara í heitt og kalt, sauna og ýmislegt annað. Við vorum aðeins frá æfingasvæðinu á hóteli en hótelið var aftur á móti mjög gott líka með fyrirmyndar aðstöðu og maturinn fínn. Svo ef það var eitthvert vesen þá gátum við bara hringt í töfranúmerið 888 2929 og hlutunum var reddað strax.“

Haraldur Freyr Guðmundsson, þjálfari meistarflokks karla í fótbolta hjá Keflavík

,,Við fórum í æfingaferð hjá Tíu þúsund fetum. Ég gef þessu þá einkunn, og við erum allir búnir að vera að tala um það, að þetta er ábyggilega besta æfingaferð sem ég hef farið í. Frábærar aðstæður og æfingasvæðið frábært sem við hefðum jafnvel átt að nýta betur. Allt bara tipp topp hérna hjá ykkur.“ 

Gist er á 4* hótelinu Gara Suites Golf & Spa með fullu fæði.

Hótelið er huggulegt og vel staðsett á Amerísku ströndinni, Playa de las Americas. Æfingaaðstaðan er í 10 mín. akstursfjarlægð frá hótelinu en rútur sækja fótbolta lið og keyra á svæðið og sækja að loknum æfingum.

Herbergin eru björt og snyrtileg. Sameignarsvæði hótelsins er fallegt og innréttað í notalegum stíl. Veitingastaður og hótelbar eru með snyrtilegasta móti. Móttakan er opin allan sólarhringinn.

Á hótelinu er huggulegt sundlaugarsvæði þar sem gestir fá úrvals aðstöðu til þæginda, hvíldar og sólbaða. 

Hótelið býður upp á gjaldfrjálsa Wi-Fi tengingu en vert er að taka fram að internetsamband á hótelum getur verið hægt á álagstíma.  

Á hótelinu er að finna þvottaaðstöðu, þar sem leikmenn geta bæði þvegið og þurrkað íþróttafatnað gegn vægu gjaldi.

Við hótelið er að finna flottan 18 holu golfvöll og því geta leikmenn auðveldlega skroppið í golf að æfingum loknum.

Rétt hjá hótelinu er einnig að finna stóran verslunarkjarna, SIAM MALL og hinn vinsæla vatnsleikjagarð, SIAM PARK.

Vinsamlega athugið að ljósmyndir af gististöðum, sem birtar eru á heimasíðu Tíu þúsund feta, eru fengnar frá gististöðunum. Þær eru aðeins til þess að gefa hugmynd um útlit þeirra. Tíu þúsund fet bera ekki ábyrgð á því ef eitthvað hefur breyst á gististöðunum frá því að ljósmyndir voru teknar. Tíu þúsund fet stjórna ekki staðsetningu farþega innan gististaða. Athugið einnig að gististaðir geta breyst en þá er ávallt boðið upp á sambærilega gististaði eða betri.

Flug:

• Flug fram og tilbaka með Play.
• Flugvallagjöld og skattar.

Farangur:

• Ferðataska 20 kg
• Persónulegur hlutur sem kemst undir flugsæti.

Hótel:

• Gisting á 4* hóteli í 7 nætur á Amerísku ströndinni.

Fæði:

• Fullt fæði á hóteli. 

Æfingar

• 5-6 æfingar á viku, 1×90 mínútur í senn. Náttúrulegur grasvöllurinn uppfyllir FIFA-staðla (90m x 60m)
• Aðgangur að líkamsrækt (bæði inni og útiaðstaða)
• CrossFit æfingasvæði
• Búningsklefar fyrir þjálfara og leikmenn
• Nuddherbergi með skyndihjálparbúnaði
• Hvíldaraðstaða með tyrknesku gufubaði, sauna og jacuzzi.
• Nike keppnisboltar, Adidas Pro keppnisbolta, keppnismörk, lítil mörk, 7×7 mörk, færanleg mörk, keilur, diskar, hindranir, skrefastigi, dýnur, segultafla, o.fl. 1 handklæði á leikmenn fyrir hverja æfingu.
• Vatnsáfyllingaraðstaða fyrir brúsa.

Akstur

• Akstur til og frá flugvelli á Tenerife.
• Akstur til og frá hóteli á æfingasvæði.

Í nafni náttúrunnar

• Gróðursetning á trjám á Íslandi fyrir hvern leikmann sem fer í ferðina.  

EKKI INNIFALIÐ

• Drykkir
• Valfrjálsir dagskrárliðir og afþreying sem ekki er tilgreint sem innifalið
• Ferðatryggingar
• Gistináttaskattur
• Þjórfé