,,Að halda upp á 10 ára afmæli Sahara með árshátíðarferð til Sahara var fyrir okkur meira en bara ferð, þetta var draumur sem varð að veruleika. Upplifunin var einstök í alla staði og skipulagið frá Tíuþúsund fet ferðaskrifstofunni til fyrirmyndar. Skipulagið var skýrt, samskiptin góð og við fengum frábæran stuðning frá upphafi til enda. Ferðin sjálf gekk einstaklega vel, allt small saman og við gátum notið þess að vera saman sem teymi án þess að hafa áhyggjur af neinu. Við getum heilshugar mælt með Tíuþúsund fet fyrir fyrirtæki sem vilja setja upp vel heppnaða og eftirminnilega ferð."

,,Við í Oddfellow stúkunni Nirði í Reykjanesbæ fórum í afmælisferð til Kaupmannahafnar um mánaðarmótin apríl/maí s.l. Undirritaður hafði umsjón með ferðinni og til að gera mér þetta sem auðveldast hafði ég samband við 10000 fet. Verð að segja að þjónustan stóðst væntingar og rúmlega það. Bókanir í flug upp á tíu og val á hóteli upp á 100. Þegar ferð er ákveðin með tæplega árs fyrirvara þá verða alltaf einhverjar breytingar á bókunum og fjölda þeirra sem fara með í ferðina. Aldrei neitt vesen hjá þeim hjónum að bregðast við okkar óskum. Og ekki nóg með það, heldur var veðrið líka geggjað eins og þau lofuðu! Þannig að útgangspunkturinn er að 10000 fet fær meðmæli uppá 10000”

,,Ferðin til Japans var algjörlega ógleymanleg. Við skoðuðum tignarleg hof, hallir og helgidóma. Upplifðum hvernig ævafornar hefðir fléttast saman við nútímasamfélag þar sem agi og gagnkvæm virðing ráða ríkjum. Það var heillandi að kynnast nýjum menningarheimi, allt frá framandi matargerð til einstakra siða. Skipulag ferðarinnar var til fyrirmyndar og fararstjórarnir stóðu sig frábærlega.“

,,Kærar þakkir fyrir vel skipulagða ferð og frábæra fararstjórn. Nutum þess í botn og erum enn að melta þessa frábæru ferð”

,,Þegar leiðin liggur til framandi menningarheima er ómissandi að fararstjórarnir séu starfi sínu vaxnir. Við fórum til Egyptalands í fyrra með Trausta og Rún. Þau stóðu sig óaðfinnanlega og leystu úr hvers manns vanda hratt og örugglega, enda fagfólk með áratuga reynslu. Við hlökkum til að ferðast með þeim í framtíðinni.”

,,Við hjónin mælum heilshugar með fararstjórn Rúnar og Trausta. Við ferðuðumst um eyjuna m.a. í rútu, á bíl og fótgangandi og allt gekk eins og í sögu, vel ígrundað, skipulagt og skemmtilegt. Þau voru alltaf með vellíðan og öryggi okkar í huga og maður fann það sterkt. Það besta við ferðina með þeim var hversu fróð þau voru um staðhætti og sögu staðarins, sögðu skemmtilega frá og kynntu matsölustaði innfæddra, leyndar perlur eyjarinnar og náttúruna."

„Takk fyrir frábæra ferð! Mæli svo sannarlega með 10.000 fetum – allt skipulag, þjónusta og upplifun til fyrirmyndar. Sérstakar þakkir fyrir að halda svona vel um hópinn – algjörlega ógleymanleg ferð.”

,Þessi ferð var dásamleg, gleði og gaman út í eitt. Fullt af frábærum og skemmtilegum konum sem höfðu engar áhyggjur þó Play hætti rétt eftir að við komum út. Enda voru Rún og Trausti búin að redda okkur fari heim á núll einni. Mæli 100% með Tíu þúsund fetum. Væri svo til í að fara í aðra svona ferð”

,Innilegar þakkir fyrir okkur. Ferðin var æði og þið frábærir fararstjórar. Uppfull af fróðleik og skemmtilegheitum. Við eigum sko eftir að fara með ykkur í fleiri ferðir og mælum með ykkur við vini og vandamenn”

,,Allt upp á 10,5! Frábært skipulag í virkilega góðri æfingferð. Æfingasalurinn sá besti sem ég hef æft í. Við vorum mjög sátt, frábærar aðstæður og bærinn virkilega hentugur fyrir svona hópa. Þetta er líklega besta æfingaferð sem við höfum farið í, hún var algjörlega uppá tíu þúsund fet!”

,,Ferðin til austurstrandar Grænlands var í senn mjög svo áhugaverð og skemmtileg og skipuögð í þaula. Allt gekk eins og í sögu undir styrkri stjórn Rúnar og Trausta. Við gengum yfir og undir jökul, veiddum þorsk og fræddumst um lífið á Grænlandi, sem er allt annað en auðvelt. Ferð sem ekki má missa af. Frábær ferð, bæði áhugaverð og skemmtileg og þið eruð 100% meðetta”

,,Frábær ferð. Hver dagur var nýtt ævintýri með ótrúlega skemmtilegum og jákvæðum farastjórum og göngugörpum. Farastjórarnir stóðu sig einstaklega vel og gerðu ferðina ógleymanlega með frábæri þekkingu, húmor og fagmennsku. Hlakka til næstu ferðar og tíu þúsund þakkir fyrir mig” 

,,Ég sé ekki eftir því að hafa leitað til Rún og Trausta við skipulag árshátíðar okkar. Ég mæli hiklaust með Tíuþúsund fetum fyrir fyrirtæki og hópa sem vilja fá vandaða, áreiðanlega og persónulega þjónustu í ferðaplönum.

,,Ferðin gekk mjög vel, nutum okkar í botn og skemmtum okkur frábærlega. Fararstjórarnir okkar Rún og Trausti stóðu sig frábærlega og leystu af ljúfmennsku hvers manns vanda og sýndu snilli sína í mannlegum samskiptum. Sérstakar þakkir fyrir frábæra þjónustu og vonandi eigum við eftir að njóta leiðsagnar þeirra aftur á framandi slóðum.”