,,Þegar leiðin liggur til framandi menningarheima er ómissandi að fararstjórarnir séu starfi sínu vaxnir. Við fórum til Egyptalands í fyrra með Trausta og Rún. Þau stóðu sig óaðfinnanlega og leystu úr hvers manns vanda hratt og örugglega, enda fagfólk með áratuga reynslu. Við hlökkum til að ferðast með þeim í framtíðinni.”

Elín Albertsdóttir og Ásgeir Tómasson, ferð til Egyptalands í mars 2023

„Að fara til Grænlands er stórfengleg upplifun. Undir vel skipulagðri og traustri fararstjórn Trausta og Rúnar var hver dagur nýtt ævintýri þar sem við sigldum um stórbrotið landslag, heimsóttum sleðahunda og gengum á jökul. Við mælum heilshugar með þessari ferð.”

,,Ferðin gekk mjög vel, nutum okkar í botn og skemmtum okkur frábærlega. Fararstjórarnir okkar Rún og Trausti stóðu sig frábærlega og leystu af ljúfmennsku hvers manns vanda og sýndu snilli sína í mannlegum samskiptum. Sérstakar þakkir fyrir frábæra þjónustu og vonandi eigum við eftir að njóta leiðsagnar þeirra aftur á framandi slóðum.”  

Guðmundur Haukur, ferð eldri borgara til Marokkó í nóvember 2023

„Við hjónin mælum heilshugar með fararstjórn Rúnar og Trausta. Síðasta sumar ferðuðumst víða um eyjuna Tenerife á þeirra vegum og fórum um eyjuna m.a. í rútu, á bíl og fótgangandi og allt gekk eins og í sögu, vel ígrundað, skipulagt og skemmtilegt. Þau voru alltaf með vellíðan og öryggi okkar í huga og maður fann það sterkt. Það besta við ferðina með þeim var hversu fróð þau voru um staðhætti og sögu staðarins, sögðu skemmtilega frá og kynntu fyrir manni matsölustaði innfæddra, leyndar perlur eyjarinnar og náttúruna.“

Eva Rós og Jóhannes, kennaraferð til Tenerife júní 2023

,,Ég fór í ferð til Egyptalands í fyrra, þar sem Trausti og Rún voru fararstjórar í ferðinni. Ég mæli heilshugar með þeim. Traust, skemmtileg og hlý eru lýsingarorð sem koma til mín þegar ég hugsa til þeirra.”

Martha Ernstdóttir, ferð til Egyptalands í mars 2023

,,Mæli með þessari ferð 100%”

Helen Sif Halldórsdóttir, ferð til Grænlands 2024

,,Takk, takk elsku Rún og Trausti, þið stóðuð ykkur frábærlega! Ég hef nokkrum sinnum komið til Tenerife en aldrei kynnst eyjunni eins og ég gerði í þessari ferð með ykkur. Ég fór í frábærar ferðir, þar sem allt skipulag var til fyrirmyndar og á meðan ekið var um eyjuna fengum við allskonar skemmtilegan fróðleik, sem notalegt var að hlusta á. Takk kærlega fyrir mig, pottþéttir fararstjórar sem ég mæli með. Hlakka til að fara með ykkur aftur í ferð! “

Magnea Guðný Hjálmarsdóttir, kennaraferð til Tenerife í júní 2023.

,,Dásamleg ferð sem lengi verður lifað á.“”

Margrét Jónsdóttir, heilsuferð til Tenerife 2024

,,Við hjónin viljum þakka Rún & Trausta fyrir leiðsögnina um hinar forn-egypsku slóðir með miklum glæsibrag. Á þessum tíma brutust út átök á milli Hamas og Ísrael og var mikil öryggisgæsla, sem krafðist mikils af fararstjórum okkar m.a. í ýmsum samskiptum við löggæslu og staðarleiðsögumenn, sem þau leystu af lipurð. Þau eiga þakkir skilið fyrir hve vel þau héldu utan um hópinn og gerðu alla upplifun af ferðinni ánægjulegri. En þar sem þetta er ekki fyrsta ferð okkar, þar sem þau Rún og Trausti eru við fararstjórn, kom það okkur ekki á óvart hversu ágætir fararstjórar þau eru. Takk fyrir okkur.”

Óli og Sigrún, ferð til Egyptalands í október 2023

,,Vorið 2023  fór ég í námsferð til Tenerife ásamt hópi fólks.  Ferðin var mjög vel skipulögð og allar áætlanir stóðust eins og kostur var. Fararstjórnin einkenndist af léttu andrúmslofti, mikilli þekkingu á staðháttum, gleði, öryggi og góðri þjónustulund. Kærar þakkir fyrir mig.”

Svava Aðalbjörg Kristjánsdóttir, kennaraferð til Tenerife í júní 2023.

,,Ferðin til austurstrandar Grænlands var í senn mjög svo áhugaverð og skemmtileg og skipuögð í þaula. Allt gekk eins og í sögu undir styrkri stjórn Rúnar og Trausta. Við gengum yfir og undir jökul, veiddum þorsk og fræddumst um lífið á Grænlandi, sem er allt annað en auðvelt. Ferð sem ekki má missa af. Frábær ferð, bæði áhugaverð og skemmtileg og þið eruð 100% meðetta!”

Pálmi V. Jónsson, Grænlandsferð 2024.

,,Allt upp á 10,5! Allt skipulag stóðst 100%. Við vorum mjög sátt, frábærar aðstæður!“ 

Ágúst Þór Jóhannsson, þjálfari meistaraflokks kvenna hjá Val

,,Frábært skipulag í virkilega góðri æfingferð. Æfingasalurinn sá besti sem ég hef æft í. Við vorum mjög sátt, frábærar aðstæður og bærinn virkilega hentugur fyrir svona hópa. Þetta er líklega besta æfingaferð sem við höfum farið í, hún var algjörlega uppá 10…þúsund fet!“ 

Einar Jónsson, þjálfari meistaraflokks karla hjá Fram

,,Þetta var frábær ferð. Höllin er algjörlega til fyrirmyndar, lyftisalurinn mjög fínn og hótelið frábært. Öll aðstaðan var til fyrirmyndar og við vorum hrikalega ánægð með allt og mælum heilshugar með ferðinni!”

Sólveig Lára Kjærnested, þjálfari meistaraflokks kvenna hjá ÍR

,,Vá, þetta var dásamleg ferð og mikil upplifun! Takk fyrir okkur.”

Kristín, ummæli af samfélagsmiðlum.

,,Þið eruð bestu fararstjórar sem við höfum haft, hugsaði oft hve örugg þið voruð, það toppar ykkur enginn.”

Þóra og Sigurjón Ari, ummæli af samfélagsmiðlum. 

,,Þessi æfingaferð var frábær! Höllin og lyftingaaðstaðan frábær. Trausti og Rún hjá Tíu þúsund fetum voru mjög liðtæk við að hjálpa okkur eða að aðstoða okkur þegar það þurfti að gera einhverjar breytingar. Okkar upplifun var virkilega góð og allir rosalega ánægðir!“

Jón Brynjar Björnsson, þjálfari meistaraflokks kvenna hjá Aftureldingu

,,Hótelið var frábært og allt skipulag stóðst uppá 10. Frábær æfingaaðstaða og bærinn hentar mjög vel með allt í göngufæri. Takk kærlega fyrir okkur!”

Sigurjón Friðbjörn Björnsson, þjálfari meistaraflokks kvenna hjá Gróttu

Mér fannst þetta virkilega vel heppnuð ferð, með frábærum farastjórum, sem höfðu kynnt sér land og sögu vel og áttu einstaklega auðvelt með að koma þeim fróðleik til skila”

Haraldur Arngrímsson, Grænlandsferð 2024.

,,Við þökkum kærlega fyrir okkur, góðan félagsskap og frábæra leiðsögn á áberandi fallegu máli.”

Ingibjörg, ummæli af samfélagsmiðlum.

,,Kærar þakkir fyrir þessa frábæru daga. Sjáumst að ári.”

Sólveig Hallgrímsdóttir, heilsuferð á Tenerife 2024

,,Þið eruð frábær.”

Skúli, ummæli af samfélagsmiðlum.

,,Þið eruð einfaldlega best. Tenerife verður ekki eins án ykkar.”

Rósa, ummæli af samfélagsmiðlum.

,,Takk fyrir okkur, ég mun sannarlega koma aftur, þið stóðuð ykkur með mikilli prýði”

Margrét, ummæli af samfélagsmiðlum.

,,Takk kærlega fyrir mig. Þetta var frábær ferð.”

Ásdís Sigrún Ingadóttir, heilsuferð á Tenerife 2024

,Stórkostleg ferð”

Sigrún Brynja, ummæli af samfélagsmiðlum.

Hvílíkt ævintýri! Mig langar aftur til Grænlands! Nú lét ég verða af því að fara þangað, var alltaf á leiðinni. Þegar bauðst ferð með ferðaskrifstofunni tíu þúsund fetum sló ég til og varð sko ekki fyrir vonbrigðum. Allt stóðst eins og stafur á bók frá fararstjórum og þegar við vorum veðurteppt í einn dag var öllu reddað. Náttúrufegurð Grænlands er ólýsanleg, jöklar og há fjöll hvert sem augað eigir, gömul notaleg hús og blátt hafið og himinn. Skriðjökullinn var einstaklega flottur. Í ferðinni var farið í veiðiferð og aflinn eldaður og borðaður á steini! Við fórum í íshelli, skoðuðum gamalt þorp sem í búa aðeins örfáir einstaklingar, skoðuðum safn um vinnubrögð fyrr og nú, hittu sleðahunda, fórum í Blómadalinn, sigldum innan um ísjaka og fleira og fleira. Ferðafélagar ljúfir, þéttur hópur. Bara geðveikt gaman. Takk fyrir mig!”

Ása H. Proppé Ragnarsdóttir, Grænlandsferð 2024

,,Virkilega skemmtileg ferð. Takk fyrir okkur.”

Guðbjörg Elín, ummæli af samfélagsmiðlum.

,,Einstaklega skemmtileg og fjölbreytt ferð í frábærri fararstjórn Trausta! Mæli eindregið með!”

Lilja, ummæli af samfélagsmiðlum.

,Fórum 13 manna vinahópur í þessa skemmtilegu og fróðlegu ferð í dag. Rún var frábær fararstjóri og allir hæstánægðir með daginn. Takk fyrir okkur.”

Steinunn, ummæli af samfélagsmiðlum.

„Einstaklega góð blanda af fræðslu, slökun, skemmtun og mat.

Sigríður, ummæli af samfélagsmiðlum.

>„Frábær fararstjórn, húrra fyrir Rún og Trausta.”

Róbert, ummæli af samfélagsmiðlum.

,,Takk fyrir frábæra frammistöðu. Það er dýrmætt að vera vel upplýstur. Vonandi sjáumst við sem fyrst.”

Helga, ummæli af samfélagsmiðlum.