Ævintýraveröld Nepal & Bútan

Tíu þúsund fet kynna meiriháttar ævintýraferð um Bútan og Nepal, þar sem hver sögu- og náttúruperlan rekur hver aðra. Dvalið er á huggulegum hótelum, þar sem vel fer um farþega. 

Þetta magnaða ferðalag byrjar í höfuðborg Mongólíu í 1.300 metra hæð yfir sjávarmáli, borg sem var stofnuð af búddískum hirðingja árið 1639, síðan tekur hvert ævintýrið við af öðru þar sem keyrt verður á mótorhjólum um eyðimerkursléttur Mongólíu þar sem einstök villt náttúran er allt um vefjandi, eyðimerkursandar, vatnsuppsprettur, fjöll, gljúfur og ár, framandi gróður og villt dýr. Hirðingjafjölskyldur heimsóttar, fylgst með villtum hestum og dádýrum í sólarlaginu og áhugaverðir þjóðgarðar heimsóttir þar sem hundruð plöntu- og fuglategunda er að finna ásamt tugi tegunda spendýra, flétta, mosa og sveppa.

Eftir óviðjafnanlega heimsókn til Mongólíu verður flogið til Peking í Kína, þar sem gefst tími til að skoða merka staði borgarinnar eins og hlið hins himneska friðar og heimsókn til hinnar forboðnu borgar, sem á sér fimmhundruð ára sögu allt frá því að hún var keisarahöll með aðeins 999,5 herbergjum! Þá verður að sjálfsögðu tekinn göngutúr á Kínamúrnum, sem er einn af sjö undrum veraldar! 

Frá Peking verður flogið til Chengdu, borgar risapöndunnar, þar sem keyrt verður í einstöku umhverfi borgarinnar, þar sem framandi byggingarstíll ber fyrir augum og kínversk tehús á hverju horni. Rúsínan í pylsuendanum verður svo án efa fjallaferð, þar sem við heilsum upp á risapöndur. Í grenndinni eru þægilegar gönguleiðir innan um falleg fjöll, dali og falleg þorp Tíbet sem einkennast af hofum með gylltum þökum og hvítlitum húsum Tíbeta. 

Þetta er einfaldlega heimshluti sem er stórkostlegt að heimsækja!

Sannkölluð póstkortaferð!

• Hæstu fjallstindar heims!
• Everest!
• Gist í grunnbúðum Everest!
• Stórmerkilegar stúpur af öllum stærðum og gerðum!
• Stórbrotið landslag og náttúra!
• Nepal!
• Vetrardvalarstaður Dalai Lama!
• Hundruð þúsunda Búddalíkneskja!
• Risastórar Búddastyttur!
• Kathmandu!
• Fjöldi villtra dýra!
• Þjóðdansar!
• Jeppasafarí!
• Kanósigling!
• Gönguferðir!

Bútan

Bútan er lítið land í Suður-Asíu með landamæri að Indlandi og Kína (Tíbet) en það liggur að austurenda Himalaya-fjallanna og í vestri og suðri skilja indversk héruð landið frá löndunum Nepal og Bangladess. 

Bútan er þekkt fyrir einstaka menningu, töfrandi landslag og náttúru, ljúffengan mat, lifandi listir, heillandi hefðir og forna sögu. 

Bútanir eru þekktir fyrir hlýleika, gestrisni, hjálpsemi og samstöðu en meirihluti þeirra iðkar Búddisma, sem endurspeglar daglegar athafnir þeirra. Hefðir í menningu Bútana birtast í gegnum ýmiskonar listir, dans og tónlist og hátíðir eins og hina frægu Paro Tsechu-hátíð sem er haldin ár hvert í Bútan, þar sem tónlist, litríkir búningar og grímur eru áberandi og andanum lyft upp í hæstu hæðir í borginni Paro í konungsríki Bútan. Arkitektúr heimamanna gegnir líka lykilhlutverki í menningu Bútan, þar sem þeir eru m.a. þekktir fyrir glæsileg virki og klaustur. 

Náttúran og landslagið í Bútan er afar heillandi, snæviþaktir háir fjallstoppar sem sumir hverjir ná upp í 7.000 m yfir sjávarmál, gróðursælir dalir, tærar ár og fjölbreytt plöntu- og dýralíf. Landið er einnig þekkt fyrir ríka umhverfisvernd, þar sem yfir 70% af landinu er þakið skógum og er mikil áhersla lögð á að viðhalda sterkri stefnu í umhverfismálum. Í Bútan er að finna ótal þjóðgarða, þar sem áhersla er lögð á að vernda búsvæði og viðhalda dýrastofnum sem eru í útrýmingarhættu eins og Bengal-tígrisdýrin og fuglategundina black necked-crane.

Matargerð í Bútan er þekkt fyrir að hafa matinn bragðsterkan og notkun á rauðum hrísgrjónum, bókhveiti og maís. Vinsælasti maturinn einkennist af chili-ostastöppu, svínakjöti með rauðum chili og soðbrauði. Þá er þjóðardrykkur þeirra án efa hið svokallaða smjörte.

Bútan er einnig þekkt fyrir ríkar hefðir í handverki og listum, þar sem Bútanir skera ýmsa listmuni út í við, vefa körfur og mála Búdda-listaverk á bómullarefni. Þá eru þeir snillingar í grímugerð!

Nepal 

Nepal er um 800 km langt land og 200 km breitt og á landamæri að Kína (Tíbet) í norðri og Indlandi í austri, vestri og suðri. Meirihluti landsins er í Himalaya-fjöllunum en þar má finna átta af tíu hæstu tindum heims, þar á meðal Everest, hæsta fjall heims. 

Nepal er þekkt fyrir einstaka menningu, töfrandi landslag og náttúru, ljúffengan mat, fjölbreyttar listir, heillandi hefðir og forna sögu. 

Meirihluti íbúa í Nepal eru hindúar en trú þeirra er mjög samofin búddisma. Íbúarnir þykja einstaklega gestrisnir og vinalegir í garð gesta, þar sem þeir bjóða ferðamönnum gjarnan sitt einstaka te eða bjóða jafnvel með sér í mat. 

Nepalir eru þekktir fyrir litríka menningu þar sem þjóðleg tónlist og dansar leika stórt hlutverk. Þeir halda reglulega hátíðir sem tengjast hefðum trúarbragðanna í landinu eins og uppskeruhátíðina Dashain, hina litríku Tihar-hátíð þar sem lögð er áhersla á að heiðra tilveru dýra og minna á kærleika og góðmennsku og kvennahátíðina, Teej. En Nepalir vita fátt skemmtilegra en að koma saman og fagna og gera það af miklum eldmóði.

Landslagið í Nepal einkennist einkum af gríðarlegri fjallafegurð Himalaya-fjallanna, þar sem snæviþakið Everestfjall trónir þeirra hæst í 8.849 m hæð yfir sjávarmáli. En í landinu má finna sjö önnur fjöll sem fara yfir 8.000 m í hæð. Það má í raun skipta landinu í þrjú landfræðileg belti, Himal, Pahad og Terai. Á norðurhluta landsins er Himal, þar sem hæstu fjöllin má finna og eru þau öll snæviþakin allt árið um kring. Þá taka við fjallahéruð þar sem fjöllin eru frá 800 m til 4.000 m há og þar er ekki snjór allt árið. Syðst í landinu við landamæri Indlands er svo láglendið Terai, þar sem finna má m.a. dýpstu gjár heims og gróðursælar sléttur. 

Matargerð í Nepal er fjölbreytt, þar sem fólkið í landinu býr á afar ólíkum svæðum, hvert hérað hefur sinn matarstíl. En dæmigerður matur væri t.d. linsubaunasúpa með hrísgrjónum. Þá er hrísgrjóna- og soðbrauð afar vinsælt en með því er oft borið fram alls konar sultur og kryddmauk en þar eru krydd eins og kúmen, kóríander og túrmerik vinsælust. 

Nepalir hafa gaman af alls kyns listum og eru einna þekktastir fyrir trúarleg málverk, sem þeir mála t.d. á bómul og silki. Þá eru þeir snillingar í tréútskurði, þar sem þeir skera út fíngerðar myndir til skreytingar á m.a. byggingum en í landinu má finna ótal fallega skreytt hof, hallir og stúpur.

Nokkrar staðreyndir um Bútan:

• Bútan er landlukt land.
• Landið þekur rúmlega 38 þúsund ferkílómetra.
• Þar búa tæplega 800 þúsund íbúar og er þar með næst fámennasta ríki Suður-Asíu. 
• Í Bútan er töluð dsongka.
• Höfuðborgin heitir Timfú og er sú stærsta í landinu.
• 94% þjóðarinnar telur sig vera hamingjusama.
• Landið var fyrst opnað erlendum ferðamönnum á 8. áratugnum.
• Þess er vandlega gætt að fornum siðum landsins sé ekki ógnað.
• Innandyra er ekki leyfilegt að vera með hatt, vera í stuttbuxum eða stuttermabolum og sandölum.
• Reykingar og sala á tóbaki er bönnuð í Bútan, en ferðamenn mega taka 200 sígarettur með inn í landið en mega búast við því að borga háan toll af þeim.
• Í Bútan er Gangkhar Puensum hæsti tindur landsins 7.570 m.y.s. en hann er jafnframt hæsti tindur heims, sem ekki hefur verið klifinn af mönnum. 
• Hinn heimsfrægi Silkivegur liggur um Bútan.
• Sjónvarp og internet var bannað í landinu til ársins 1999.
• Húðflúr fer fram í undirheimunum.

Nokkrar staðreyndir um Nepal:

• Nepal er landlukt land.
• Landið þekur rúmlega 147 þúsund ferkílómetra.
• Þar búa ríflega 30 milljónir manna.
• Í Nepal eru töluð yfir 120 tungumál en nepalska er hið opinbera tungumál þeirra og hefur aðeins tæpur helmingur íbúanna það að móðurmáli.
• Höfuðborgin heitir Katmandú og er hún jafnframt stærsta borg landsins.
• Fornleifar benda til þess að búseta manna á Himalaya-svæðinu sé frá 11.000 árum!
• Kýr eru heilagar í Nepal.
• Nepal er eina landið í heiminum sem er ekki með rétthyrndan fána.
• Siddhartha Gautama, sem seinna var þekktur sem Búddha fæddist í Nepal.
• Nepalir notast við sitt eigið tímatal.

Dagskrá ferðinnar er í smíðum og verður birt hér innan tíðar. Við lofum ykkur því að hún verður full af upplifunum og ævintýrum að hætti Rúnar og Trausta þar sem fróðleikur, náttúrufegurð, menning, byggingalist, matur, drykkir og almenn skemmtilegheit verða í fyrirrúmi.

Gist er í tjaldbúðum, gistiheimilum og á hótelum. Á gistiheimilum og hótelum er gist í tvíbýli, nema þess sé óskað sérstaklega að vera í einbýli. 

Vinsamlega athugið að ljósmyndir af gististöðum, sem birtar eru á heimasíðu Tíu þúsund feta, eru fengnar frá gististöðunum. Þær eru aðeins til þess að gefa hugmynd um útlit þeirra. Tíu þúsund fet bera ekki ábyrgð á því ef eitthvað hefur breyst á gististöðunum frá því að ljósmyndir voru teknar. Tíu þúsund fet stjórna ekki staðsetningu farþega innan gististaða.

Í þessari ferð er mikilvægt að fólk sé heilsuhraust, bæði líkamlega og andlega og sé tilbúið að gista stundum í framandi umhverfi og aðstæðum. Salerni eru víða ekki eins og við eigum að venjast og því gott að vera búin undir hvað sem er. Það getur þýtt að dagskrá getur breyst eða tafist og því mikilvægt að ferðafélagar séu tilbúnir að sýna hver öðrum skilning og takast á við óvænta hluti með jafnaðargeði.

Í hringferð Tíu þúsund feta fara þaulreyndir íslenskumælandi fararstjórar með í ferðirnar. Rún og Trausti hafa starfað við margs konar ferðaþjónustu í 25 ár ásamt því að ferðast um víða veröld.

Rún og Trausti munu sjá til þess að farþegar upplifi og njóti sín til fulls í þessari draumaferð, þar sem fræðsla og umfram allt skemmtileg upplifun verður í fyrirrúmi.

Flug

• Flug fam og tilbaka
• Flugvallagjöld og skattar.

Innanlandsflug

• Kathmandu

Farangur

• Ferðataska 23 kg
• Handfarangur 8 kg

Hótel

• 4* Gisting á öllum áfangastöðum ferðarinnar

Fæði – Drykkir

• Hálft fæði, nema á flugdögum

Akstur

• Akstur til og frá flugvöllum ytra.
• Rútuferðir í öllum skoðunarferðum.

Skoðunarferðir

• Allar skoðunarferðir með íslenskri fararstjórn

Fararstjórn

• Vönduð íslensk fararstjórn tveggja þaulreyndra fararstjóra Tíu þúsund feta.
• Þjónusta staðarleiðsögumanna.

Í nafni náttúrunnar

• Gróðursetning á trjám á Íslandi fyrir hvern farþega sem fer í ferðina.

EKKI INNIFALIÐ

• Hádegisverður, nema þar sem það er tekið fram
• Drykkir með hádegis- og kvöldverði, nema þar sem það er tekið fram
• Valfrjálsir dagskrárliðir sem ekki eru tilgreindir sem innifaldir
• Gistináttaskattur
• Vegabréfsáritanir
• Ferðatryggingar
• Þjórfé

• Áfangastaðir eru margir og því mælum við með að ferðalangar ferðist með eins lítinn farangur og mögulegt er. Athugið þó að trússbílar sjá um að ferja farangur á milli staða.
• Betra að hafa ferðatösku úr mjúku efni, t.d. bakpoka eða íþróttatösku.
• Lás fyrir farangur.
• Lítill bakpoki fyrir dagsferðir.
• Hlífðarfatnaður og skór. 
• Þægilegir gönguskór.
• Fatnaður sem hæfir alls konar veðri.
• Pakka með það í huga að dagar geta verið heitir og kvöld og morgnar kaldir. Hlý undirföt geta komið sér vel.
• Auka sokkar og skór
• Inniskór
• Stuðningssokkar geta komið sér vel fyrir langt flug, en þeir geta minnkað líkur á bjúg og blóðtappa í fótum. 
• Vatnsflaska.
• Sólarvörn (einnig fyrir varir) 
• Sólgleraugu. 
• Sólhattur.
• Vaðskór.
• Handklæði.
• Sápustykki
• Eyrnatappar.
• Sjónauki
• Innanklæðaveski.
• Flauta
• Nál og tvinni
• Kúlupenni
• Höfuðljós eða vasaljós
• Áttaviti
• Útprentað kort af leiðinni.
• Tvær passamyndir
• Reiðufé í dollurum fyrir VISA í Mongólíu, Kína og Nepal.
• Þjórfé
• Hleðslubanki fyrir síma getur verið sniðugur og gott að búa til pláss fyrir myndir á minniskubbi myndavélar. 
• Plástur, hælsærisplástur, sótthreinsikrem og handspritt. 
• Steinefnatöflur, verkjatöflur og pappírsþurrkur. (Salernispappír getur komið sér vel í bakpoka)
• Skordýrafælandi efni til að verjast moskítóbitum og ekki vitlaust að vera með höfuðnet. Þá er mælt með því að taka B12 vítamín nokkrum vikum fyrir brottför og fyrir þá sem eru með sterk ónæmisviðbrögð vegna skordýrabita gætu þurft að huga að því að taka viðeigandi ofnæmistöflur. 
• Varðandi vegabréf, þá þurfa ferðalangar ekki að hafa áhyggjur af VISA, það verður séð um það á ferðalagi Tíu þúsund feta. Athugið þó að það er á ábyrgð farþega að ná sér í VISA fyrir þau lönd sem flogið er til á leiðinni, til og frá Íslandi. 
• Gæta þarf að gildistíma vegabréfs sums staðar þarf gildistíminn að vera 6 mánuðir frá komu til landsins. 
• Gjaldmiðlarnir eru nokkrir og hægt að nálgast þá í viðkomandi löndum. Mælum með að fólk hafi einnig evrur og dollara, þar sem víða er tekið við þeim gjaldmiðlum og auðvitað greiðslukort. 
• Gjaldmiðillinn í Mongólíu er Tögrög, í Kína kínverskt Yuan Renminbi, í Nepal nepalskt Rupee og í Bútan bútanskt ngultrum.
• Afrit og ljósmynd af vegabréfi.
• Útprentaður flugmiði og afrit af honum.
• Alþjóðlegt ökuskírteini og afrit af því. Hægt að sækja um skírteinið hér:

https://www.fib.is/is/ferdalog/althjodlegt-okuskirteini

• Heilsufarsskírteini og afrit af því.
• Einnig þarf að taka með bólusetningaskírteini og gæta þess að vera með allar bólusetningar sem þarf, en mælt er með bólusetningu eigi seinna en 6 vikum fyrir áætlaða brottför, hér er t.d. hægt að finna nánari upplýsingar um bólusetningar og góð ráð fyrir ferðalagið: 

https://www.vinnuvernd.is/bolusetningar-ferdalog og 

https://www.heilsuvera.is/efnisflokkar/lyf-og-bolusetningar/bolusetningar-fullordinna/bolusetningar-ferdamanna/ 

• Í Nepal, Tíbet og Kína er malaría landlæg og því ráðlagt að taka malaríutöflur. 
• Þeir sem eru viðkvæmir í maga ættu að huga að töflum sem eru góðar fyrir þarmaflóruna. 
• Þá þarf að huga að ferðatryggingum tímanlega. Mælum með góðum tryggingu og taka afrit af gögnum. (ekki innifalið)
• Þeir sem ferðast með lyf, ættu að hafa þau í upprunalegum pakkningum. 
• Sums staðar er gott að vera með millistykki til þess að stinga raftækjum í samband.
• Við mælum með því að fólk skilji alla skartgripi eftir heima og taki sem minnst af verðmætum með sér.

Athugið að listinn er ekki tæmandi og aðeins til viðmiðunar.