Brottfor: 4. maí, 2027
Heimkoma: 11. maí, 2027

Langar þig til að upplifa stórkostlega 5* golfferð á einu besta golfsvæði Spánar sem hýsa mun Ryder-bikarinn 2031? Sendu okkur þá línu á [email protected]

Deildu þessari ferð

  • Fyrir nánari upplýsingar

    +354 888 2929
    Mán - Fös 9.00 - 16.00

Gæðagolf – Glæsileg 5* Ryder-golfferð í Katalóníu

Maí 2027
8 dagar
Lágmarksfjöldi 20+
maí
Hámarksfjöldi 24

Tíu þúsund fet bjóða upp á glæsilega golfferð í samstarfi við Gæðagolf með Nökkva Gunnarssyni og öðrum reyndum golfkylfingum. Þetta er ferð fyrir golfara, sem kunna að meta gæði og góða þjónustu á frábærum golfvöllum, í fögru umhverfi nærri hinni líflegu strandborg Katalóníu, Barcelona.

Hér er frábært tækifæri til að upplifa háklassa golfmenningu og njóta þess að spila og læra golf á sólríkum og fallegum slóðum með reyndum golfkylfingum. Góð leið til að njóta skemmtilegra stunda, kynnast nýju fólki, fá góða þjálfun og bæta leikni í golfi með öðrum íslensku golfurum við fyrsta flokks aðstæður.

Í þessari frábæru golfferð munu fararstjórar ferðarinnar sjá til þess að golfkylfingar njóti sín til fulls, þar sem golfvöllurinn býður upp á allar aðstæður til að spila skemmtilegt golf ásamt því að bjóða upp á golfkennslu, þar sem byrjendur jafnt sem lengra komnir geta fengið  leiðsögn.

Í alla staði meiriháttar ferð fyrir áhugasama golfara!

Ferðalýsing

Tíu þúsund fet kynna meiriháttar golfferð á frábæran golfvöll í nágrenni Barcelona, hinnar ljúfu strandborgar Katalóníuhéraðs á Spáni. Flogið er beint til Barcelona með Icelandair og fararstjórar taka á móti hópnum á flugvellinum. Dvalið er á huggulegu 4* hóteli með hálfu fæði og völdum drykkjum á sjálfsafgreiðslubar hótelsins.  

Margt innifalið í ferðinni. Flug með Icelandair, rútuferðir til og frá flugvelli í Katalóníu, flutningur á golfsetti, íslensk fararstjórn, golf með golfbíl og hálft fæði; morgun- og kvöldverður ásamt völdum drykkjum. Gist er á Camiral 5* hótelinu sem er steinsnar frá klúbbhúsinu.

Tíu þúsund fet, í samstarfi við Gæðagolf, bjóða upp á einvala lið fararstjóra á staðnum.

Hápunktar ferðarinnar

  • Meiriháttar Ryder-golfvöllur!
  • Vandaðir, góðir og reynslumiklir golfkennarar!
  • Tveir 18 holu golfvellir!
  • Glæsilegt 5* hótel í fallegu umhverfi!
  • Hótel stutt frá golfvelli!
  • Glæsilegt spa!
  • Golfverslun í golfskála!
  • Góður matur!
  • Mikið innifalið!
  • Golfbílar innifaldir!
  • Einstaklega fallegt umhverfi!
  • Stutt í sögufræga borg, Barcelona!

Golfvöllurinn

Á þessu frábæra og fjölbreytta golfsvæði bjóðum við ferðir fyrir kylfinga á öllum getustigum. Camiral golfklúbburinn er einn flottasti golfklúbbur Spánar þar sem Ryder-bikarinn fer fram árið 2031. Á svæðinu eru tveir 18 holu glæsilegir vellir við hótelið. Frábært fyrir þá sem eru að stíga fyrstu sporin eða lengra komna sem vilja bæta sig enn frekar undir leiðsögn okkar frábæra teymis.

Einungis er um 40 mínútna akstur til miðborgar Barcelona.

Camiral Golf & Wellness, áður þekktur sem PGA Catalunya, er einn glæsilegasti golfáfangastaður Spánar og sannkölluð paradís fyrir golfáhugafólk. Golfsvæðið er staðsett í fallegu landslagi í Katalóníu, skammt frá Girona og í um klukkustundar akstursfjarlægð frá Barcelona.

Á svæðinu eru tveir glæsilegir 18 holu golfvellir, þar á meðal hinn rómaði Stadium Course, sem er þekktur fyrir krefjandi hönnun, stórbrotið landslag og hágæða vallarumhirðu. Völlurinn hefur hýst fjölmörg alþjóðleg atvinnumót og býður upp á spennandi áskorun fyrir kylfinga á öllum getustigum, sérstaklega þá sem vilja reyna á tækni, nákvæmni og leikskipulag.

Camiral er þó meira en aðeins golf. Þar sameinast náttúrufegurð, fyrsta flokks aðstaða, glæsileg gisting og framúrskarandi þjónusta í afslappaðri og fágaðri stemningu. Nálægðin við Girona og Costa Brava gefur jafnframt tækifæri til að njóta katalónskrar matargerðar, menningar og fallegra strandbæja.

Dagskráin í hnotskurn

Dagur 1

Ferðadagur: Keflavík – Barcelona

Dagur 2

Golf með golfbíl

Dagur 3

Golf með golfbíl

Dagur 4

Golf með golfbíl

Dagur 5

Golf með golfbíl

Dagur 6

Golf með golfbíl

Dagur 7

Golf með golfbíl

Dagur 8

Ferðadagur: Barcelona – Keflavík

Ferðalagið

Gisting

Í golfferðinni verður gist á 5* hótelinu Camiral Hotel með hálfu fæði inniföldu.

Camiral Golf & Wellness er glæsilegt fimm stjörnu lúxushótel sem sameinar einstaka gistingu, framúrskarandi þjónustu og fyrsta flokks golfupplifun í fögru umhverfi Katalóníu á Spáni. Hótelið er staðsett á hinu rómaða Camiral-golfsvæði, skammt frá Girona og í þægilegri akstursfjarlægð frá Barcelona og ströndum Costa Brava.

Hótelið býður upp á nútímalega og glæsilega hönnun þar sem náttúruleg efni, hlýlegur lúxus og rólegt andrúmsloft skapa einstaka heildarupplifun. Herbergin eru vönduð í alla staði og henta jafnt þeim sem vilja slaka á eftir góðan golfhring sem þeim sem vilja njóta afslappandi frís í glæsilegu umhverfi.

Aðstaðan er til fyrirmyndar, með heilsulind, vellíðunaraðstöðu, sundlaugum og veitingastöðum þar sem áhersla er lögð á gæði og góða matargerð. Hér geta gestir notið þess að láta líða úr sér eftir daginn á golfvellinum, dekrað við sig í heilsulindinni eða átt notalegar stundir með góðum mat og drykk.

Þó hótelið sé umvafið glæsilegum golfvelli og friðsælli náttúru, þá er einnig stutt til hinnar sögufrægu borgar Katalóníu, Barcelona, þar sem einstök menning og saga ríkir ásamt fjölskrúðugu mannlífi með skemmtilegum verslunum og fjölbreyttum og góðum veitingastöðum.

Camiral hótelið býður upp á:

  • Björt og rúmgóð herbergi með nútímalegum innréttingum

  • Spa & heilsulind, með innanhúss- og útisundlaug, gufuböðum og nuddi.

  • Veitingastað og bar með áherslu á ferska, staðbundna matargerð.

  • Rúmgóðar setustofur og útisvæði sem henta vel fyrir hópa og ferðalanga sem vilja slaka á eftir golfhringi.

  • Æfingaaðstöðu og þjónustu sem miðar að því að gera dvöl golfara sem besta.

Hótelið hefur í raun upp á allt að bjóða, en rúsínan í pylsuendanum verður að teljast nálægð þess við einn besta golfvöll Spánar.

Hér er allt á sama stað fyrir golfarann!

Vinsamlega athugið að ljósmyndir af gististöðum, sem birtar eru á heimasíðu Tíu þúsund feta, eru fengnar frá gististöðunum. Þær eru aðeins til þess að gefa hugmynd um útlit þeirra. Tíu þúsund fet bera ekki ábyrgð á því ef eitthvað hefur breyst á gististöðunum frá því að ljósmyndir voru teknar. Tíu þúsund fet stjórna ekki staðsetningu farþega innan gististaða. Athugið einnig að gististaðir geta breyst en þá er ávallt boðið upp á sambærilega gististaði eða betri.

Teymið okkar

Nökkvi Gunnarsson

PGA golfkennari og tvöfaldur Íslandsmeistari 35 ára og eldri.

Nökkvi er einn fremsti golfkennari landsins. Síðustu ár hefur hann sótt fjöldann allan af námskeiðum utan landsteinanna og aukið þannig við þekkingu sína ásamt því að gefa út kennslubækurnar Gæðagolf á liðnum árum.

Nökkvi mun sjá til þess að farþegar upplifi og njóti sín til fulls í þessari drauma golfferð á Camiral golfvellinum, þar sem gæðagolf og umfram allt skemmtileg upplifun verður sett í forgang.

Umsagnir um Nökkva, kennsluna hans og bækur;

„Nökkvi Gunnarsson er einn af bestu golfkennurum í leiknum í dag. Tileinkaðu þér það sem hann hefur fram að færa og leikur þinn mun taka stakkaskiptum til hins betra.“
Chris O´Connell, á lista Golf Magazine yfir 100 bestu golfkennara í Ameríku 2013-2017.

„Bókin er skrifuð af frábærum kylfingi sem er orðinn einn af fremstu golfkennurum heims. Trúðu hverju orði Nökkva því það mun gera þig að betri kylfingi.“
Jim Hardy, kennari ársins í Ameríku 2007. Höfundur metsölubókarinnar Plane Truth for Golfers. Númer 9 á lista Golf Digest yfir fremstu golfkennara Ameríku 2017-2018.

 

Magnús Máni Kjærnested

PGA golfkennari og yfirgolfkennari Nesklúbbsins. Magnús Máni útskrifaðist sem PGA golfkennari nú í vor og er fyrrum klúbbmeistari Nesklúbbsins. Þrátt fyrir ungan aldur hefur Maggi mikla reynslu sem golfkennari og byrjaði aðeins 14 ára gamall að þjálfa hjá Nesklúbbnum þar sem hann hefur starfað síðastliðin 8 ár.

Hvað veistu um áfangastaðinn?

Barcelona

Barcelona er spænsk strandborg í Katalóníu-héraði. Þar búa um 1,7 milljón manna, sem gerir hana að annarri fjölmennustu borg Spánar á eftir höfuðborginni Madrid. Borgin er staðsett við strendur Miðjarðarhafsins í um það bil 120 km sunnan við Pýreneafjöllin og franska héraðið Occitanie. Yfir 12 milljónir ferðamanna heimsækja borgina ár hvert en hún er sú vinsælasta meðal erlendra gesta.

Sögu Barcelona má rekja aftur um 4.000 ár, þar sem arfleiðin hefur orðið fyrir m.a. íberískum, rómverskum, múslimskum og kristnum áhrifum.

Borgin er höfuðborgin Katalóníu og er hún rík af sögu, menningu og listum, íþróttum og fjölbreyttri afþreyingu. Þar eru haldnir ýmsir alþjóðlegir viðburðir eins og Ólympíuleikarnir árið 1992. Þá er þar að finna fjölda merkra sögulegra bygginga, garða, torga og skemmtilegra markaða. En þeir sem leggja leið sína til borgarinnar verða m.a. að heimsækja almenningsgarðinn Guell, sem var hannaður af Antoni Gaudí en sá garður hefur verið settur á heimsminjaskrá UNESCO. Þá fer enginn frá Barcelona án þess að berja kirkjuna Sagrada familia augum, sem sýnir stórkostlega byggingarlist sem hefur einnig verið sett á heimsminjaskrá UNESCO.

Miðborgin hefur að geyma skemmtileg þröng og breið stræti, þar sem allt iðar af mannlífi og því er auðvelt að gleyma sér innan um götulistamenn, fjölbreyttar verslanir að ógleymdum veitingastöðum, sem bjóða m.a. upp á þjóðlega og ljúffenga tapas-rétti. Þá er auðvelt að sækja ýmsa skemmtun, þar sem úrval safna og leikhúsa er að finna í borginni.

Strendurnar fullkomna síðan borgina, en þar er fullkominn staður til að njóta sólar og slökunar eftir ævintýri í iðandi borgarlífinu.

Viltu vita meira?

Nokkrar staðreyndir um golf!

  • Golf var bannað í Skotlandi um miðja 15. öld, það þótti vera einskis nýt íþrótt og taka athygli frá hermönnum!
  • Alan Shepard spilaði golf á tunglinu árið 1971, þegar hann sló tvo bolta með golfkylfu!
  • Nútíma golfkúla er með tæplega 400 holum og stýrist flugeiginleiki boltans eftir lögun holanna á honum, hring-, sexhyrnings-, fimmhyrningslaga o.s.frv.!
  • Yngsti golfkylfingur, sem hefur náð holu í höggi, var hinn fimm ára Coby Orr árið 1975!
  • Lengsta púttið er 140 metrar, þar sem kylfingurinn Matthew Vadim Scharff náði boltanum með einu pútti ofan í holu árið 2024… tók hann reyndar 7 klukkutíma að ná þessu!
  • Golfíþróttin er góð leið til að brenna kaloríum en með því að ganga 18 holu golfvöll er hægt að brenna yfir 1000 kaloríum!
  • Upphaflega voru golfkúlur búnar til úr leðri og vafðar fjöðrum!
  • Líkurnar á að hitta tvisvar sinnum holu í höggi í sama golfhringnum eru einn á móti 67 milljónum!

Innifalið

Flug:

  • Flug með Icelandair fram og tilbaka
  • Flugvallagjöld og skattar

Farangur:

  • Ferðataska 23 kg
  • Handfarangur 8 kg
  • Golfsett

Hótel:

  • Gisting á 5* hóteli í 7 nætur

Fæði:

  • Hálft fæði á hóteli

Akstur

  • Akstur til og frá flugvelli í Barcelona

Golf

  • Daglegur golfhringur
  • Golfbíll

Fararstjórn

  • Vönduð íslensk fararstjórn

Í nafni náttúrunnar

  • Gróðursetning á trjám á Íslandi fyrir hvern farþega sem fer í ferðina.  

EKKI INNIFALIÐ

  • Valfrjálsir dagskrárliðir og annað sem ekki er tilgreint sem innifalið
  • Golfkennsla
  • Ferðatryggingar
  • Gistináttaskattur
  • Þjórfé

Myndasafn


Kort

No street name provided, No city provided, Cataluña 17455, Spánn
Bókaðu þessa ferð  


Deila

Gæðagolf – Glæsileg 5* Ryder-golfferð í Katalóníu