Gæðagolf í Katalóníu

Brottfor: 25. apríl, 2027

Heimkoma: 2. maí, 2027

Frá 399.900 kr.

á mann

Gæðagolf – Glæsileg golfferð og golfskóli í Katalóníu

Tíu þúsund fet bjóða upp á glæsilega golfferð í samstarfi við Gæðagolf með Nökkva Gunnarssyni og öðrum reyndum golfkylfingum. Þetta er ferð fyrir golfara, sem kunna að meta gæði og góða þjónustu á frábærum golfvöllum, í fögru umhverfi nærri hinni líflegu strandborg Katalóníu, Barcelona.

Hér er frábært tækifæri til að upplifa háklassa golfmenningu og njóta þess að spila og læra golf á sólríkum og fallegum slóðum með reyndum golfkylfingum, sem bjóða upp á frábæra leiðsögn í þessari vinsælu íþrótt. Góð leið til að njóta skemmtilegra stunda, kynnast nýju fólki, fá góða þjálfun og bæta leikni í golfi með öðrum íslensku golfurum við fyrsta flokks aðstæður.

Í þessari frábæru golfferð munu fararstjórar ferðarinnar sjá til þess að golfkylfingar njóti sín til fulls, þar sem golfvöllurinn býður upp á allar aðstæður til að spila skemmtilegt golf ásamt því að bjóða upp á golfkennslu, þar sem byrjendur jafnt sem lengra komnir geta fengið leiðsögn.

Í alla staði meiriháttar ferð fyrir áhugasama golfara!

Ferðalýsing

Tíu þúsund fet kynna meiriháttar golfferð á frábæran golfvöll í nágrenni Barcelona, hinnar ljúfu strandborgar Katalóníuhéraðs á Spáni. Flogið er beint til Barcelona með Icelandair og fararstjórar taka á móti hópnum á flugvellinum. Dvalið er á huggulegu 4* hóteli með hálfu fæði.

Margt innifalið í ferðinni. Flug með Icelandair, rútuferðir til og frá golfvelli í Katalóníu, flutningur á golfsetti, íslensk fararstjórn, ótakmarkað golf með golfbíl og hálft fæði; morgun- og kvöldverður. Sjálfsafgreiðsla með drykkjum yfir daginn á bar hótelsins. Gist er á La Mola hótelinu sem er steinsnar frá klúbbhúsinu í svokölluðum deluxe herbergjum.

Tíu þúsund fet, í samstarfi við Gæðagolf, bjóða upp á einvala lið, golfteymi sem mun veita frábæra kennslu í golfskóla sem fram fer fyrir hádegi alla dagana. Skólinn er valfrjáls og þeir sem fara í kennslu spila svo golf eftir hádegi.

Margfaldir Íslandsmeistarar í golfi halda utan um golfkennsluna í skólanum okkar, þau Guðrún Brá Björgvinsdóttir, Magnús Máni Kjærnested og Nökkvi Gunnarsson.

Hápunktar ferðarinnar

Meiriháttar golfvöllur!
Golfskóli!
Vandaðir, góðir og reynslumiklir golfkennarar!
Tveir 18 holu golfvellir!
Einn 9 holu golfvöllur!
Notalegt hótel í fallegu umhverfi!
Hótel stutt frá golfvelli!
Glæsilegt spa!
Golfverslun í golfskála!
Góður matur!
Mikið innifalið!
Golfbílar innifaldir!
Einstaklega fallegt umhverfi!
Stutt í sögufræga borg, Barcelona!

Golfvöllurinn

Á þessu frábæra og fjölbreytta golfsvæði bjóðum við ferðir fyrir kylfinga á öllum getustigum. Á svæðinu eru tveir 18 holu vellir og einn 9 holu völlur. Hægt er að bóka ferð með eða án golfskóla. Frábært fyrir þá sem eru að stíga fyrstu sporin eða lengra komna sem vilja bæta sig enn frekar undir leiðsögn okkar frábæra teymis.

Einungis er um 30 mínútna akstur til miðborgar Barcelona.

El Prat er einn elsti golfklúbbur Spánar stofnaður árið 1912. Klúbburinn hafði upphaflega aðsetur við flugvöllinn í Barcelona en flutti sig um set þegar stækka þurfti flugvöllinn vegna Ólympíuleikanna árið 1992. Vellirnir eru hannaðir af Greg Norman og þykja með allra bestu völlum Spánar. Klúbburinn hefur staðið fyrir yfir 200 stórum mótum í gegnum tíðina, þar á meðal opna spænska mótinu 12 sinnum.

Dagskráin í hnotskurn

Laugardagur

Ferðadagur: Keflavík – Barcelona

Sunnudagur

Ótakmarkað golf með golfbíl

Golfsskóli Gæðagolfs

Mánudagur

Ótakmarkað golf með golfbíl

Golfsskóli Gæðagolfs

Þriðjudagur

Ótakmarkað golf með golfbíl

Golfsskóli Gæðagolfs

Miðvikudagur

Ótakmarkað golf með golfbíl

Golfsskóli Gæðagolfs

Fimmtudagur

Ótakmarkað golf með golfbíl

Golfsskóli Gæðagolfs

Föstudagur

Ótakmarkað golf með golfbíl

Golfsskóli Gæðagolfs

Laugardagur

Ferðadagur: Barcelona – Keflavík

Ferðalagið

Gisting

Í golfferðinni verður gist á 4* hótelinu La Mola Golf Hotel með hálfu fæði inniföldu ásamt drykkjum með morgunmat og ótakmörkuðum drykkjum í sjálfsafgreiðslu á bar hótelsins yfir daginn. Gist er á deluxe herbergjum hótelsins, sem eru með svölum og fallegri garðsýn.

La Mola er bæði fallegt og snyrtilegt golfhótel staðsett í friðsælu skóglendi í aðeins fárra mínútna fjarlægð frá hinum glæsilega golfvelli Real Club de Golf El Prat. Hótelið er stílhreint og umhverfi þess afar friðsælt og hentar því sértaklega vel fyrir golfara sem vilja njóta rólegheita og góðrar hvíldar eftir hreyfingu dagsins.

Þó hótelið sé umvafið glæsilegum golfvelli og friðsælli náttúru, þá er einnig stutt til hinnar sögufrægu borgar Katalóníu, Barcelona, þar sem einstök menning og saga ríkir ásamt fjölskrúðugu mannlífi með skemmtilegum verslunum og fjölbreyttum og góðum veitingastöðum.

La Mola býður upp á:

Ljós og rúmgóð herbergi með nútímalegum innréttingum
Spa & heilsulind, með innanhúss- og útisundlaug, gufuböðum og nuddi.
Veitingastað og bar með áherslu á ferska, staðbundna matargerð.
Rúmgóðar setustofur og útisvæði sem henta vel fyrir hópa og ferðalanga sem vilja slaka á eftir golfhringi.
Æfingaaðstöðu og þjónustu sem miðar að því að gera dvöl golfara sem besta.

Hótelið La Mola hefur í raun upp á allt að bjóða, en rúsínan í pylsuendanum verður að teljast nálægð þess við einn besta golfvöll Spánar.

Hér er allt á sama stað fyrir golfarann!

Vinsamlega athugið að ljósmyndir af gististöðum, sem birtar eru á heimasíðu Tíu þúsund feta, eru fengnar frá gististöðunum. Þær eru aðeins til þess að gefa hugmynd um útlit þeirra. Tíu þúsund fet bera ekki ábyrgð á því ef eitthvað hefur breyst á gististöðunum frá því að ljósmyndir voru teknar. Tíu þúsund fet stjórna ekki staðsetningu farþega innan gististaða. Athugið einnig að gististaðir geta breyst en þá er ávallt boðið upp á sambærilega gististaði eða betri.

Teymið okkar

Nökkvi Gunnarsson

PGA golfkennari og tvöfaldur Íslandsmeistari 35 ára og eldri.

Nökkvi er einn fremsti golfkennari landsins. Síðustu ár hefur hann sótt fjöldann allan af námskeiðum utan landsteinanna og aukið þannig við þekkingu sína ásamt því að gefa út kennslubækurnar Gæðagolf á liðnum árum.

Nökkvi mun sjá til þess að farþegar upplifi og njóti sín til fulls í þessari drauma golfferð á Prat golfvellinum, þar sem gæðagolf og umfram allt skemmtileg upplifun verður sett í forgang.

Umsagnir um Nökkva, kennsluna hans og bækur;

„Nökkvi Gunnarsson er einn af bestu golfkennurum í leiknum í dag. Tileinkaðu þér það sem hann hefur fram að færa og leikur þinn mun taka stakkaskiptum til hins betra.“
Chris O´Connell, á lista Golf Magazine yfir 100 bestu golfkennara í Ameríku 2013-2017.

„Bókin er skrifuð af frábærum kylfingi sem er orðinn einn af fremstu golfkennurum heims. Trúðu hverju orði Nökkva því það mun gera þig að betri kylfingi.“
Jim Hardy, kennari ársins í Ameríku 2007. Höfundur metsölubókarinnar Plane Truth for Golfers. Númer 9 á lista Golf Digest yfir fremstu golfkennara Ameríku 2017-2018.

Magnús Máni Kjærnested

PGA golfkennari og fyrrum klúbbmeistari Nesklúbbsins. Magnús Máni útskrifaðist sem PGA golfkennari nú í vor og er fyrrum klúbbmeistari Nesklúbbsins. Þrátt fyrir ungan aldur hefur Maggi mikla reynslu sem golfkennari og byrjaði aðeins 14 ára gamall að þjálfa hjá Nesklúbbnum þar sem hann hefur starfað síðastliðin 8 ár.

Guðrún Brá Björgvinsdóttir

Margfaldur og ríkjandi Íslandsmeistari kvenna og atvinnukylfingur á Evrópumótaröð kvenna. Guðrún Brá verður okkur innan handar í einhverjum ferðum. Hún er margfaldur og ríkjandi Íslandsmeistari kvenna og atvinnukylfingur á Evrópumótaröð kvenna. Frábær fyrirmynd allra kylfinga og með mikla reynslu af þjálfun og golfkennslu.

Hvað veistu um áfangastaðinn?

Barcelona

Barcelona er spænsk strandborg í Katalóníu-héraði. Þar búa um 1,7 milljón manna, sem gerir hana að annarri fjölmennustu borg Spánar á eftir höfuðborginni Madrid. Borgin er staðsett við strendur Miðjarðarhafsins í um það bil 120 km sunnan við Pýreneafjöllin og franska héraðið Occitanie. Yfir 12 milljónir ferðamanna heimsækja borgina ár hvert en hún er sú vinsælasta meðal erlendra gesta.

Sögu Barcelona má rekja aftur um 4.000 ár, þar sem arfleiðin hefur orðið fyrir m.a. íberískum, rómverskum, múslimskum og kristnum áhrifum.

Borgin er höfuðborgin Katalóníu og er hún rík af sögu, menningu og listum, íþróttum og fjölbreyttri afþreyingu. Þar eru haldnir ýmsir alþjóðlegir viðburðir eins og Ólympíuleikarnir árið 1992. Þá er þar að finna fjölda merkra sögulegra bygginga, garða, torga og skemmtilegra markaða. En þeir sem leggja leið sína til borgarinnar verða m.a. að heimsækja almenningsgarðinn Guell, sem var hannaður af Antoni Gaudí en sá garður hefur verið settur á heimsminjaskrá UNESCO. Þá fer enginn frá Barcelona án þess að berja kirkjuna Sagrada familia augum, sem sýnir stórkostlega byggingarlist sem hefur einnig verið sett á heimsminjaskrá UNESCO.

Miðborgin hefur að geyma skemmtileg þröng og breið stræti, þar sem allt iðar af mannlífi og því er auðvelt að gleyma sér innan um götulistamenn, fjölbreyttar verslanir að ógleymdum veitingastöðum, sem bjóða m.a. upp á þjóðlega og ljúffenga tapas-rétti. Þá er auðvelt að sækja ýmsa skemmtun, þar sem úrval safna og leikhúsa er að finna í borginni.

Strendurnar fullkomna síðan borgina, en þar er fullkominn staður til að njóta sólar og slökunar eftir ævintýri í iðandi borgarlífinu.

Viltu vita meira?

Nokkrar staðreyndir um golf!

Golf var bannað í Skotlandi um miðja 15. öld, það þótti vera einskis nýt íþrótt og taka athygli frá hermönnum!
Alan Shepard spilaði golf á tunglinu árið 1971, þegar hann sló tvo bolta með golfkylfu!
Nútíma golfkúla er með tæplega 400 holum og stýrist flugeiginleiki boltans eftir lögun holanna á honum, hring-, sexhyrnings-, fimmhyrningslaga o.s.frv.!
Yngsti golfkylfingur, sem hefur náð holu í höggi, var hinn fimm ára Coby Orr árið 1975!
Lengsta púttið er 140 metrar, þar sem kylfingurinn Matthew Vadim Scharff náði boltanum með einu pútti ofan í holu árið 2024… tók hann reyndar 7 klukkutíma að ná þessu!
Golfíþróttin er góð leið til að brenna kaloríum en með því að ganga 18 holu golfvöll er hægt að brenna yfir 1000 kaloríum!
Upphaflega voru golfkúlur búnar til úr leðri og vafðar fjöðrum!
Líkurnar á að hitta tvisvar sinnum holu í höggi í sama golfhringnum eru einn á móti 67 milljónum!