Mongólía í öllu sínu veldi

Tíu þúsund fet kynna meiriháttar ævintýraferð um Mongólíu þar sem hver sögu- og náttúruperlan rekur hver aðra. Dvalið er á huggulegum hótelum, þar sem vel fer um farþega. 

Þetta magnaða ferðalag byrjar í höfuðborg Mongólíu í 1.300 metra hæð yfir sjávarmáli, borg sem var stofnuð af búddískum hirðingja árið 1639, síðan tekur hvert ævintýrið við af öðru þar sem keyrt verður á mótorhjólum um eyðimerkursléttur Mongólíu þar sem einstök villt náttúran er allt um vefjandi, eyðimerkursandar, vatnsuppsprettur, fjöll, gljúfur og ár, framandi gróður og villt dýr. Hirðingjafjölskyldur heimsóttar, fylgst með villtum hestum og dádýrum í sólarlaginu og áhugaverðir þjóðgarðar heimsóttir þar sem hundruð plöntu- og fuglategunda er að finna ásamt tugi tegunda spendýra, flétta, mosa og sveppa.

Þetta er einfaldlega heimshluti sem er stórkostlegt að heimsækja!

Sannkölluð póstkortaferð!

• Mongólía!
• Hirðingjatjöld!
• Villihestar!
• Heimsókn til hirðingja!
• Stórmerkilegar stúpur af öllum stærðum og gerðum!
• Munkar!
• Munkaklaustur!
• Stórbrotið landslag og náttúra!
• Risastórar Búddastyttur!
• Fjöldi villtra dýra!
• Þjóðdansar!

Mongólía

Mongólía er í Miðaustur-Asíu með landamæri að Rússlandi í norðri og Kína í suðri, austri og vestri. 

Í landinu er löng hefð fyrir hirðingjalífi, þar sem meira en fjórðungur landsmanna eru hirðingar, sem eiga sér ekki fasta búsetu, heldur færa sig á milli landssvæða og dvelja í tjöldum. Þeir stunda mikið hrossarækt en hestar eru nánast jafnmargir og mannfólkið í Mongólíu. Ríkjandi trúarbrögð í landinu er Búddismi en annar stærsti hópurinn í landinu er trúlaus. Islam eru síðan önnur stærstu trúarbrögðin í Mongólíu. 

Mongólskir hirðingjar eru þekktir fyrir einstaka menningararfleifð sína, m.a. fyrir sérstakan ,,hálsasöng” en einnig fyrir þjóðlega tónlist, dans og aðrar listir. Þá er landið frægt fyrir þjóðarglímuna, bogfimi og kappreiðar.

Mongólía á sér langa sögu en landið var gert að stórveldi á þrettándu öld, þegar Djengis Khan sameinaði allar hirðingjaþjóðirnar og kom upp ósigrandi herjum. En þegar Mongólía var hvað stærst, náði landið m.a. yfir Kína og frá Víetnam að Ungverjalandi. Seinna tóku Rússland og Kína yfir landið en Mongólía hlaut sjálfstæði frá þeim árið 1921.

Landslagið í Mongólíu einkennist af gresjum, með Góbíeyðimörkina í suðri og fjöll í norðri. Í landinu er stundaður landbúnaður en þar eru einnig námur þar sem finna má kopar, kol og gull. 

Í náttúru landsins má finna fjölbreytt villt dýralíf eins og snæhlébarða, villta hesta og mongólsk kameldýr og hafa stjórnvöld gert mörg landsvæði að þjóðgörðum til verndunar á þessum dýrategundum.

Matarmenningin einkennist af lífi hirðingja og hrjóstrugri náttúru. Soðbrauð fyllt með kjöti bragðbættu með lauk og hvítlauk er t.d. vinsæll hátíðarmatur. Þá eru alls kyns núðluréttir og súpur algengar á borðum á köldum dögum og ýmiskonar kjötréttir sem eru eldaðir á sérstakan hátt á heitum steinum sem hafa verið staðsettir inni í líkama dýrsins sem var fórnað fyrir máltíðina. Þá er þjóðardrykkur þeirra án efa hið bragðgóða ,,saltmjólkurte”.

Nokkrar staðreyndir um Mongólíu

• Mongólía er stærsta landlukta land heims, sem á ekki strönd að innhafi.
• Mongólía er 1,5 milljón ferkílómetrar að stærð og er þar með um fimmtán sinnum stærra en Ísland!
• Í landinu búa tæpar 3,4 milljónir manna. 
• Mongólía er dreifbýlasta land í heimi!
• Flestir búa í höfuðborginni Ulaanbaatar eða um 700.000 íbúar..
• Í Mongólíu er opinbera tungumálið mongólska.
• Það eru næstum jafn margt fólk og hestar í Mongólíu.
• Meira en fjórðungur Mongóla lifir hirðingjalífi.
• Mongólía er búsvæði snæhlébarða.
• Ís þykir hið mesta lostæti á vetrum í Mongólíu.

Dagskrá ferðinnar er í smíðum og verður birt hér innan tíðar. Við lofum ykkur því að hún verður full af upplifunum og ævintýrum að hætti Rúnar og Trausta þar sem fróðleikur, náttúrufegurð, menning, byggingalist, matur, drykkir og almenn skemmtilegheit verða í fyrirrúmi.

Gist er í tjaldbúðum, gistiheimilum og á hótelum. Á gistiheimilum og hótelum er gist í tvíbýli, nema þess sé óskað sérstaklega að vera í einbýli. 

Vinsamlega athugið að ljósmyndir af gististöðum, sem birtar eru á heimasíðu Tíu þúsund feta, eru fengnar frá gististöðunum. Þær eru aðeins til þess að gefa hugmynd um útlit þeirra. Tíu þúsund fet bera ekki ábyrgð á því ef eitthvað hefur breyst á gististöðunum frá því að ljósmyndir voru teknar. Tíu þúsund fet stjórna ekki staðsetningu farþega innan gististaða.

Í þessari ferð er mikilvægt að fólk sé heilsuhraust, bæði líkamlega og andlega og sé tilbúið að gista stundum í framandi umhverfi og aðstæðum. Salerni eru víða ekki eins og við eigum að venjast og því gott að vera búin undir hvað sem er. Dagskrá getur breyst eða tafist og því mikilvægt að ferðafélagar séu tilbúnir að sýna hver öðrum skilning og takast á við óvænta hluti með jafnaðargeði.

Í hringferð Tíu þúsund feta fara þaulreyndir íslenskumælandi fararstjórar með í ferðirnar. Rún og Trausti hafa starfað við margs konar ferðaþjónustu í 25 ár ásamt því að ferðast um víða veröld.

Rún og Trausti munu sjá til þess að farþegar upplifi og njóti sín til fulls í þessari draumaferð, þar sem fræðsla og umfram allt skemmtileg upplifun verður í fyrirrúmi.

Flug

• Flug fram og tilbaka
• Flugvallagjöld og skattar.

Farangur

• Ferðataska 23 kg
• Handfarangur 8 kg

Hótel

• 4* Gisting á öllum áfangastöðum ferðarinnar

Fæði – Drykkir

• Hálft fæði, nema á flugdögum

Akstur

• Akstur til og frá flugvöllum ytra.
• Rútuferðir í öllum skoðunarferðum.

Skoðunarferðir

• Allar skoðunarferðir með íslenskri fararstjórn

Fararstjórn

• Vönduð íslensk fararstjórn tveggja þaulreyndra fararstjóra Tíu þúsund feta.
• Þjónusta staðarleiðsögumanna.

Í nafni náttúrunnar

• Gróðursetning á trjám á Íslandi fyrir hvern farþega sem fer í ferðina.

EKKI INNIFALIÐ

• Hádegisverður, nema þar sem það er tekið fram
• Drykkir með hádegis- og kvöldverði, nema þar sem það er tekið fram
• Valfrjálsir dagskrárliðir sem ekki eru tilgreindir sem innifaldir
• Gistináttaskattur
• Vegabréfsáritanir
• Ferðatryggingar
• Þjórfé

• Áfangastaðir eru margir og því mælum við með að ferðalangar ferðist með eins lítinn farangur og mögulegt er. Athugið þó að trússbílar sjá um að ferja farangur á milli staða.
• Betra að hafa ferðatösku úr mjúku efni, t.d. bakpoka eða íþróttatösku.
• Lás fyrir farangur.
• Lítill bakpoki fyrir dagsferðir.
• Hlífðarfatnaður og skór. 
• Þægilegir gönguskór.
• Fatnaður sem hæfir alls konar veðri.
• Pakka með það í huga að dagar geta verið heitir og kvöld og morgnar kaldir. Hlý undirföt geta komið sér vel.
• Auka sokkar og skór
• Inniskór
• Stuðningssokkar geta komið sér vel fyrir langt flug, en þeir geta minnkað líkur á bjúg og blóðtappa í fótum. 
• Vatnsflaska.
• Sólarvörn (einnig fyrir varir) 
• Sólgleraugu. 
• Sólhattur.
• Vaðskór.
• Handklæði.
• Sápustykki
• Eyrnatappar.
• Sjónauki
• Innanklæðaveski.
• Flauta
• Nál og tvinni
• Kúlupenni
• Höfuðljós eða vasaljós
• Áttaviti
• Útprentað kort af leiðinni.
• Tvær passamyndir
• Reiðufé í dollurum fyrir VISA í Mongólíu, Kína og Nepal.
• Þjórfé
• Hleðslubanki fyrir síma getur verið sniðugur og gott að búa til pláss fyrir myndir á minniskubbi myndavélar. 
• Plástur, hælsærisplástur, sótthreinsikrem og handspritt. 
• Steinefnatöflur, verkjatöflur og pappírsþurrkur. (Salernispappír getur komið sér vel í bakpoka)
• Skordýrafælandi efni til að verjast moskítóbitum og ekki vitlaust að vera með höfuðnet. Þá er mælt með því að taka B12 vítamín nokkrum vikum fyrir brottför og fyrir þá sem eru með sterk ónæmisviðbrögð vegna skordýrabita gætu þurft að huga að því að taka viðeigandi ofnæmistöflur. 
• Varðandi vegabréf, þá þurfa ferðalangar ekki að hafa áhyggjur af VISA, það verður séð um það á ferðalagi Tíu þúsund feta. Athugið þó að það er á ábyrgð farþega að ná sér í VISA fyrir þau lönd sem flogið er til á leiðinni, til og frá Íslandi. 
• Gæta þarf að gildistíma vegabréfs sums staðar þarf gildistíminn að vera 6 mánuðir frá komu til landsins. 
• Gjaldmiðlarnir eru nokkrir og hægt að nálgast þá í viðkomandi löndum. Mælum með að fólk hafi einnig evrur og dollara, þar sem víða er tekið við þeim gjaldmiðlum og auðvitað greiðslukort. 
• Gjaldmiðillinn í Mongólíu er Tögrög, í Kína kínverskt Yuan Renminbi, í Nepal nepalskt Rupee og í Bútan bútanskt ngultrum.
• Afrit og ljósmynd af vegabréfi.
• Útprentaður flugmiði og afrit af honum.
• Alþjóðlegt ökuskírteini og afrit af því. Hægt að sækja um skírteinið hér:

https://www.fib.is/is/ferdalog/althjodlegt-okuskirteini

• Heilsufarsskírteini og afrit af því.
• Einnig þarf að taka með bólusetningaskírteini og gæta þess að vera með allar bólusetningar sem þarf, en mælt er með bólusetningu eigi seinna en 6 vikum fyrir áætlaða brottför, hér er t.d. hægt að finna nánari upplýsingar um bólusetningar og góð ráð fyrir ferðalagið: 

https://www.vinnuvernd.is/bolusetningar-ferdalog og 

https://www.heilsuvera.is/efnisflokkar/lyf-og-bolusetningar/bolusetningar-fullordinna/bolusetningar-ferdamanna/ 

• Í Nepal, Tíbet og Kína er malaría landlæg og því ráðlagt að taka malaríutöflur. 
• Þeir sem eru viðkvæmir í maga ættu að huga að töflum sem eru góðar fyrir þarmaflóruna. 
• Þá þarf að huga að ferðatryggingum tímanlega. Mælum með góðum tryggingu og taka afrit af gögnum. (ekki innifalið)
• Þeir sem ferðast með lyf, ættu að hafa þau í upprunalegum pakkningum. 
• Sums staðar er gott að vera með millistykki til þess að stinga raftækjum í samband.
• Við mælum með því að fólk skilji alla skartgripi eftir heima og taki sem minnst af verðmætum með sér.

Athugið að listinn er ekki tæmandi og aðeins til viðmiðunar.