Brasilía

Ólýsanlegt draumaferðalag á framandi slóðir Brasilíu, þar sem hver perlan á fætur annarri verður skoðuð í umhverfi sem á sér fáa líka. Hér er einfaldlega á ferðinni draumaferðin, sem enginn ætti að missa af, þar sem náttúra, menning, saga, matur og drykkir leika stórt hlutverk. 

Í þessari meiri háttar ferð verður byrjað á heimsókn til einnar fallegustu borgar veraldar, Rio de Janeiro, sem býr yfir stærsta þéttbýlisskógi veraldar og einni stærstu og mikilfenglegustu náttúrulegu höfn heims ásamt hinum glæsilegu ströndum Copacabana og Ipanema. Í samneyti við þessa mögnuðu náttúru, má sjá fjöruga apa í trjám á hornum næstu götubara, blómlegar orkideur og iðandi litríkt mannlíf. 

Strendurnar einkennast einnig af skemmtilegu mannlífi, þar sem túristar njóta lífsins innan um heimamenn. Þar má sjá fólk við ýmsa leiki og stunda strandíþróttir eins og blak og djarfa brimbrettakappa í öldunum. Þá er ekki óalgeng sjón að sjá fólk með ferskt kókoshnetuvatnsglas í hönd eða sötra  Caipirinha í góðra vina hópi að fylgjast með sólsetrinu við Dois Irmaos, Tveggja-bræðra-tindana. 

Í þessari ferð verður engu til sparað, við munum heimsækja m.a. hina stórfenglegu Kriststyttu, sem var valin ein af sjö undrum veraldar og förum upp á hinn magnaða tind Sykurhleifsins en kletturinn hefur verið settur á heimsminjaskrá UNESCO. Þess má einnig geta að Ríó hefur verið sett á heimsminjaskrá UNESCO og er hún vinsælust borga heim að sækja af ferðamönnum. 

Eftir heimsókn okkar til Rio de Janeiro er haldið inn í hinn stórfenglega þjóðgarð Iguazu, þar sem er að finna magnaða fossa, Iguazú-fossana en þeir eru einir af sjö náttúruundrum veraldar með yfir 275 kraftmikila fossa, sem mynda keðju sem spannar um 2,7 km að lengd og gerir þá að umfangsmestu fossum heims. Fossarnir eru margir um 80 m á hæð og 80% þeirra er að finna Argentínumegin. Árnar sem renna í þá marka landamæri á milli Brasilíu, Argentínu og Paraguay. Fossarnir verða skoðaðir beggja vegna landamæra Brasilíu og Argentínu ásamt því verður valfrjáls möguleiki að skreppa yfir landamæri Paraguay. 

Það er í raun ólýsanleg tilfinning að ganga um svæði fossanna, en frábærar gönguleiðir hafa verið útbúnar fyrir gesti þjóðgarðsins, þannig að ferðamenn komast í mikla nálæga snertingu við þennan ógnarkraft í mögnuðu umhverfi fossanna sem eru með þeim fallegustu í heimi.

Rúsínan í pylsuendanum verður ferð okkar í stærsta regnskóga veraldar, þar sem siglt verður á fimm stjörnu fljótaskipi á Amazon-fljótinu ásamt því að fara á einstakar slóðir heimamanna og frumbyggja skógarins. 

Lífríki og umhverfi svæðisins, sem stundum hafa verið kölluð lungu alheimsins, eiga sér ekkert líkt í heiminum og það er hreinlega erfitt að lýsa því með orðum. 

Í Amazon-skógunum er að finna fjölbreyttasta lífríki veraldar og um einn þriðji alls lífríkis í heiminum má finna í skógunum. Þar eru t.d. flestar tegundir spendýra og fiska og um 80.000 trjá- og runnategundir. 

Hver veit nema að þú eigir eftir að fá draum þinn uppfylltan og sjáir eitthvað af eftirtöldum dýrategundum; pyranea-fiska, anacondur, köngulær af ýmsum stærðum og gerðum, erni, jagúar, bleika höfrunga, apa, froska, caiman (smákrókódíla), túkana, uglur, risa beltisdýr og puma. 

Þetta er einfaldlega heimshluti sem er stórkostlegt að heimsækja!

Sannkölluð póstkortaferð!

• Stærsti regnskógur veraldar!
• Ein fallegasta borg heims!
• Kristsstyttan!
• Sykurhleifurinn!
• 210 ára grasagarður!
• Paradísareyjan Gigoia!
• Iguazu-fossarnir!
• Argentína!
• Samba!
• Frumbyggjar!
• Mögnuð náttúra!
• Friðsæld!
• Eitt af sjö undrum veraldar!
• Fimm stjörnu sigling á Amazon-fljótinu!
• Pírana-fiskveiðar!
• Caiman að kvöldlagi!
• Fljótandi eyjaklasar!
• Gúmmíræktunarsafn!
• Galakvöld!
• Framandi dýralíf!
• Fyrirlestrar!
• Eitt af sjö náttúruundrum veraldar!
• Kennileiti og staðir á heimsminjaskrá UNESCO!
• Fallegustu strendur heims!
• Framandi matur og drykkir!

Landið er þekkt fyrir lifandi menningu, fjölbreytt mannlíf og töfrandi landslag. Í landinu eru meiri háttar falleg strandsvæði, m.a. Copacabana og Ipanema í borginni Rio de Janeiro. 

Þá er landið frægt fyrir tónlistina sína og dansinn, einkum samba og bossa nova og þar er uppruni hinnar stórfenglegu kjötkveðjuhátíðar, hátíðar þar sem engu er til sparað í glæsileika, með stórkostlegustu skrúðgöngum heims, tónlist og dansi. 

Íþróttahefðin skipar einnig stórt hlutverk í Brasilíu, þar sem fótboltinn er fyrirferðamikill en Brasilía hefur hlotið heimsmeistaratitilinn fimm sinnum. Þá var heimsmeistarakeppnin í fótbolta haldin í Brasilíu árið 2014 og svo voru Ólympíuleikarnir haldnir í Ríó De Janeiro árið 2016.

Menning Brasilíu er samofin áhrifum frá frumbyggjum landsins, portúgölskum landvinningarmönnum og þrælum frá Afríku, þar sem skemmtileg blanda af siðum og venjum blandast saman m.a. í mat og tónlist. Brasilíubúar eru þekktir fyrir seiglu, hlýleika og ástríðu, sem eykur aðdráttaraflið til að heimsækja þetta heillandi og magnaða land.

Nokkrar staðreyndir um Brasilíu! 

• Brasilía er stærsta land Suður-Ameríku og er fimmta stærsta land í heimi.
• Landið þekur rúmlega 8 milljón ferkílómetra og er þar með álíka stórt og Ástralía. Í Brasilíu eru um 55 þúsund ferkílómetrar þaktir vatni og tæpur helmingur landsins þakinn skógum. 
• Brasilía nær yfir fjögur tímabelti.
• 60% Amazon-skóganna í Suður-Ameríku tilheyra Brasilíu. 
• Í Brasilíu búa ríflega 216 milljónir manna, flestir í borginni Sao Paulo sem er fimmta fjölmennasta borg veraldar með rúmlega 22,6 milljónir íbúa.
• Brasilia er höfuðborg Brasilíu, en sú borg hefur verið sett á heimsminjaskrá UNESCO. 
• Rio de Janeiro, er án efa ein fallegasta borg heims, hafandi yfir að búa stærsta þéttbýlisskógi veraldar og einni stærstu og mikilfenglegustu náttúrulegu höfn veraldar þá skartar borgin hinum glæsilega tindi Sykurhleifsins, ströndnum Copacabana og Ipanema og yfir allri borginni trónir hin stórfenglega Kriststytta. Ríó hefur líka verið sett á heimsminjaskrá UNESCO, og er hún vinsælust heim að sækja af ferðamönnum. 
• Iguazu-fossarnir eru einir af sjö náttúruundrum veraldar með yfir 275 kraftmikla fossa, sem ná yfir 2,7 km langt svæði. Þeir eru tilkomumestir Argentínumegin!
• Í Brasilíu er töluð portúgalska.

Rio de Janeiro

Stórborgin Rio de Janeiro er önnur stærsta borg Brasilíu á eftir Sao Paulo og var höfuðborg landsins til ársins 1960. Rio de Janeiro er lífleg strandborg sem stendur við hinn fallega Guanabara-flóa, 2550 km sunnan við miðbaug við Atlantshafið. Hún er þekkt fyrir töfrandi landslag með dásamlegum ströndum eins og Ipanema og Copacabana, gróskumikil fjöll og kennileiti eins og Kristsstyttuna og Sykurhleifinn sem hafa verið sett á heimsminjaskrá UNESCO. 

Borgin er einnig fræg fyrir hina stórkostlegu kjötkveðjuhátíð, sem er sú stærsta sinnar tegundar í heiminum en hún einkennist af glæsilegum skrúðgöngum, þar sem heimamenn í skrautlegum búningum dansa og leika líflega samba-tónlist frá morgni til kvölds á meðan á hátíðinni stendur. 

Rio de Janeiro hefur líka ríka menningararfleifð og sögu, og ber arkitektúr borgarinnar þess sterk merki, þar sem arkitektúr frá tímum landvinninga til dagsins í dag blandast saman. Þá setja hinar svokölluðu ,,favelas“ litrík hús fátækrahverfanna svip sinn á hæðir borgarinnar. 

Rio de Janeiro er í raun allt í senn blanda af mikilli náttúrufegurð, skemmtilegri menningu, sögu og einstakri upplifun.

Iguazu-fossarnir

Þjóðgarðurinn Puerto-Iguazú var settur á heimsminjaskrá UNESCO árið 1984 en þar er að finna umfangsmestu fossa heims með yfir 275 fossum sem ná yfir um það bil 3 kílómetra langt svæði. Árnar sem renna í fossana marka landamæri á milli Brasilíu, Argentínu og Paraguay. Frábærar gönguleiðir hafa verið útbúnar í kringum þessa kraftmiklu fossa sem margir hverjir eru um 80 m á hæð en þeir hafa verið valdir sem einir af sjö undrum veraldar.

Manaus

Manaus er heillandi borg staðsett í hjarta Amazon-regnskóganna í Brasilíu en hún gegnir mikilvægu hlutverki vegna staðsetningar sinnar við Amazon-fljótið, þar sem hún hefur verið miðstöð  flutninga innan Amazon-héraðsins. 

Þá ber miðborgin merki velmegunar frá þeim tíma sem gúmmítrjárækt var upp á sitt besta á 19. öld en þar er m.a. að finna glæsilegan arkitektúr í leikhúsi borgarinnar. 

Listir, tónlist, dans og aðrar hefðir borgarinnar er litaðar af ólíkum menningarheimum sem hafa sest þar að í gegnum tíðina, frumbyggjum, Portúgölum, þrælum frá Afríku og öðrum innflytjendum. 

Amazon í Brasilíu

Amazon-fljót rennur í gegnum stærsta regnskóg veraldar en skógurinn þekur heilar 6,7 milljónir ferkílómetra landsvæðis, með átta löndum í Suður-Ameríku. 

Í Amazon-skógunum er að finna fjölbreyttasta lífríki veraldar og um einn þriðji alls lífríkis í heiminum má finna í skógunum. Þar eru t.d. flestar tegundir spendýra og fiska og um 80.000 trjá- og runnategundir. 

Þær tegundir dýra sem má meðal annars finna í skóginum eru pírana-fiskar, slöngur og köngulær af ýmsum stærðum og gerðum, erni, jagúar, bleika höfrunga, apa, froska, caiman (smákrókódíla), túkana, uglur, risa beltisdýr og puma! 

Þess má einnig geta að Amazon-fljótið hefur að geyma fimmtung alls vatns í veröldinni!

Föstudagurinn og laugardagurinn

Ferðadagur – Keflavíkurflugvöllur – París – Rio de Janeiro  

Laugardagurinn

Velkomin til Brasilíu! – Kynningarfundur á hóteli – frjáls dagur

VALFRJÁLST: SAMBA-dansnámskeið

Sunnudagurinn

Markaður – Miðborg Rio de Janeiro og Sykurhleifurinn.

Mánudagurinn 

Dómkirkjan – Arkitektúr – 215 mósaíktröppur – Brúin Arcos da Lapa – Kriststyttan 

Þriðjudagurinn  

Litla Afríka – matarmenning – SAMBA-dansskóli

Miðvikudagurinn

Grasagarður – paradísareyjan Gigoia

Fimmtudagurinn

Ferðadagur – Rio de Janeiro – Iguazu 

Föstudagurinn

Iguazu-fossarnir Brasilíumegin – Fuglagarður – Bátsferð

Laugardagurinn

Iguazu-fossarnir Argentínumegin

Sunnudagurinn

Ferðadagur – Iguazu – Campinas – Manaus 

Mánudagurinn

Skemmtiferðaskip 5* hótel – Sigling á Amazon-fljóti – Sólsetur 

Þriðjudagurinn

Skemmtiferðaskip 5* hótel – Sigling á Amazon-fljóti – Gönguferð – Bátsferðir – Fyrirlestrar – Einstakt lífríki og fljótandi eyjaklasar

Miðvikudagurinn

Skemmtiferðaskip 5* hótel – Sigling á Amazon-fljóti – Frumbyggjar – Píranafiskveiðar – Fyrirlestrar – Bátsferð í myrki – Framandi lifnaðarhættir og heilsað upp á caiman í myrkrinu!

Fimmtudagurinn

Skemmtiferðaskip 5* hótel – Sigling á Amazon-fljóti – Sólarupprás – Bleikir höfrungar – Fyrirlestrar – Gúmmíræktunarsafn – Galakvöld – Dýralíf og framandi saga og menning!

Föstudagurinn

Sólarupprás á Amazon- fljóti – Siglingu lýkur 

Föstudagurinn

Ferðadagur – Manaus – Campinas – Rio de Janeiro

Laugardagurinn

Frjáls dagur í Rio de Janeiro

VALFRJÁLST: Strandferð – kostar aukalega.

Sunnudagurinn

Frjáls dagur

VALFRJÁLST: Einkasigling og matarveisla – kostar aukalega.

Mánudagurinn

Ferðadagar – Rio de Janeiro – París – Keflavíkurflugvöllur

*Ítarlega dagskrá þessarar stórkostlegu ferðar má finna hér fyrir neðan. 

Í skoðunarferðum er þó nokkur ganga. Ef tilhneiging er til sjóveiki, er sniðugt að gera viðeigandi ráðstafanir í siglingum.

Gist verður á framandi og skemmtilegum stöðum.

Í Rio de Janeiro verður gist á Pestana hótelinu í 9 nætur með morgunmat inniföldum. Hótelið sem er fjögurra stjörnu er á besta stað í Rio de Janeiro við eina frægustu strönd heims, Copacabana. Þaðan er stutt í allar áttir og í iðandi mannlíf borgarinnar. Herbergin eru snyrtileg og í þeim er Wi-fi tenging, öryggishólf og loftkæling.  Gestamóttaka er opin allan sólarhringinn.

Í Iguazu verður gist á JL By Bourbon hótelinu í 3 nætur með morgunmat og kvöldmat inniföldum. Hótelið sem er fjögurra stjörnu er vel staðsett með útsýni yfir borgina og stutt til fossanna frægu. Herbergin eru snyrtileg og í þeim er Wi-fi tenging, öryggishólf og loftkæling. Gestamóttaka er opin allan sólarhringinn.

Í Manaus  verður gist á Intercity Manaus hótelinu í 1 nótt með morgunmat inniföldum. Hótelið sem er fjögurra stjörnu er vel staðsett en þaðan er mjög stutt í miðborgina þar sem hið fræga Amazon-leikhús er að finna og eins mjög stutt í verslunarkjarna.

Sigling á Amazonfljóti – Iberostar Heritage Grand Amazon 5*

Hið fljótandi fimm stjörnu glæsihótel, býður upp á einstakt ævintýri um Amazon-skógana, sem stundum eru nefndir lungu jarðar. 

Farþegar geta valið á milli þriggja góðra gistimöguleika á skemmtiferðaskipinu, þ.e. að vera í káetu á Mandí-dekki 1. hæð, Tambaqui-dekki 2. hæð eða Acará-dekki 3. hæð. Allar káeturnar eru jafn stórar og útbúnar með einkasvölum, loftkælingu, sér baðherbergjum, hárblásara, öryggishólfi, minibar, sjónvarpi, sími, fríu wi-fi, herbergisþjónustu á milli klukkan 11 og 23 og vatni á flöskum. Athugið að káeturnar eru reyklausar og sömuleiðis er ekki leyfilegt að reykja úti á svölum. Þá er ekkert einnota plast um borð í skipinu. Á þilfari skipsins er svo sundlaugarsvæði, þar sem hægt er að flatmaga á sólbekkjum og njóta sólar og einstaks útsýnis. 

Káetur skipsins sem eru ætlaðar fyrir tvo farþega eru ýmist með einu tveggja manna rúmi eða tveimur eins manns rúmum. Hótelið ábyrgist ekki hvort verður í boði, það fer eftir framboði hverju sinni. Ekki er möguleiki á þriggja manna káetu

Vinsamlega athugið að ljósmyndir af gististöðum, sem birtar eru á heimasíðu Tíu þúsund feta, eru fengnar frá gististöðunum. Þær eru aðeins til þess að gefa hugmynd um útlit þeirra. Tíu þúsund fet bera ekki ábyrgð á því ef eitthvað hefur breyst á gististöðunum frá því að ljósmyndir voru teknar. Tíu þúsund fet stjórna ekki staðsetningu farþega innan gististaða.

Í þessari sérferð Tíu þúsund feta til Brasilíu fara með þaulreyndir íslenskumælandi fararstjórar, þau Rún Kormáksdóttir og Trausti Hafsteinsson. Þau hafa starfað við margs konar ferðaþjónustu í 25 ár ásamt því að ferðast um víða veröld m.a. á framandi slóðir eins og Brasilíu. Þau munu sjá til þess að farþegar njóti sín til fulls í þessari ævintýralegu draumaferð, þar sem fræðsla og umfram allt ólýsanleg upplifun verður sett í fyrsta sæti. 

Föstudagurinn 9. ágúst 

Ferðadagur – Keflavík – París – Rio de Janeiro

Flogið er frá Keflavíkurflugvelli í næturflugi með Icelandair og er flugið áætlað kl. 0:45 þann 9. ágúst. Áætluð lending er á Charles de Gaulle flugvellinum í París kl. 6:10. Þá verður flogið frá París til Rio kl. 13:15 með flugfélaginu Air France. Áætluð lending á alþjóðaflugvellinum Galeao A.C. Jobim í Rio de Janeiro kl. 19:35. Fyrir utan alþjóðaflugvöllinn í Rio de Janeiro bíður rúta, sem keyrir beint heim á hótel, þar sem hótelið býður upp á kvöldmat og eftir það geta farþegar hvílst eftir langt ferðalag.

Laugardagurinn 10. ágúst

Kynningarfundur – frjáls dagur 

Frjáls dagur til að ná áttum í hinni mikilfenglegu borg Rio de Janeiro. Mælum með að farþegar fari beint út í hið iðandi mannlíf, setji tærnar ofan í mjúkan hvítan sandinn og fái sér sopa af köldu og fersku kókosvatni á Copacabana-ströndinni! Boðið verður upp á kynningarfund kl. 13 inni á sal hótelsins. Hist í gestamóttöku.

VALFRJÁLS FERÐ – KOSTAR AUKALEGA:

Samba-dansnámskeið

Eftir frjálsa upplifun þennan fyrsta dag í Brasilíu er valmöguleiki á að fara saman á  einn af frægustu samba-dansstöðum Rio de Janeiro.

Hópurinn, sem skráir sig til leiks verður sóttur á hótel kl. 19 og þaðan er farið á ógleymanlegan samba-dansstað, þar sem hópurinn verður kynntur fyrir hinni skemmtilegu samba-tónlistarhefð og dansi. Boðið verður upp á klukkutíma dansnámskeið og eftir það verður farið á hinn fræga samba-dansstað Rio-borgar, þar sem hópnum býðst að æfa sig í dansinum undir lifandi tónlist, njóta góðs matar og drykkjar. Athugið að matur og drykkur er innifalinn í verði ferðarinnar. Ferðin tekur á heildina fjóra tíma og verður hópurinn keyrður fram og tilbaka á dansnámskeiðið.

Hér má finna hlekk á vef þessa fræga samba-staðar:

https://www.rioscenarium.com.br/

• Innifalið: Morgunverður, kynningarfundur og íslensk fararstjórn. 
• Ekki innifalið: Hádegisverður og drykkir. Samba-námskeið og kvöldverður.

Sunnudagurinn 11. ágúst 

Markaður – Miðborg Rio de Janeiro – Sykurhleifurinn 

Eftir morgunverð er lagt af stað frá hóteli klukkan 9:00, þar sem hópurinn byrjar á fara á á skemmtilegan útimarkað þar sem hópnum gefst tækifæri til að kynnast matargerðarlist þeirra heimamanna og bragða á nýkreistum og ferskum ávaxtasöfum og sætabrauði og kaupa af heimamönnum ýmis konar handverk.

Eftir það verður farið inn í miðborg Rio de Janeiro, þar sem gengið verður um sögufrægar slóðir, með áherslu á fræðslu um keisaraveldið, lýðveldið og samtímasögu borgarinnar. 

• Gengið verður m.a. að gömlu keisarahöllinni og að kirkju hinnar heilögu Carmenar, þar sem krýningar og konungleg brúðkaup voru haldin. 
• Þá skoðum við heimili hinnar frægu söng- og leikkonu Carmen Miranda, Arco do Teles. 
• Göngutúrinn heldur svo áfram eftir hinu sögufræga stræti Rua do Ouvidor, en það var fyrsta stræti Rio borgar sem fékk gaslýsingu en strætið einkennist af skemmtilegu mannlífi, þar sem samba-dansinn, glæsileg kaffihús og verslanir eru áberandi. 
• Síðan verður haldið að kirkju Merchants en hún varð fyrir fallbyssuskoti, þar sem einungis klukka kirkjunnar eyðilagðist. 
• Eftir það verður farið að Casa França, fyrrum tollhúsi borgarinnar.
• Göngutúrinn endar svo á heimsókn í seðlabankann og kirkju hinnar heilögu Candelária. 

Klukkan 13:00 er áætlað að fara á Cais do Oriente í hádegismat, þar sem boðið verður upp á þriggja rétta máltíð. 

Eftir hádegisverðinn er förinni heitið með kláfi upp á Sykurhleifinn, Pão de Açúcar, sem hefur verið settur á heimsminjaskrá UNESCO. Þaðan blasir við óviðjafnalegt útsýni til allra átta, meðal annars til hinnar mögnuðu Kriststyttu og yfir frægustu strendur Rio borgar. 

Deginum lýkur svo heima á hóteli klukkan 19:00.

• Nauðsynlegt að vera í góðum strigaskóm, hafa vatnsflösku við höndina og nasl í bakpoka spillir ekki. Minnum líka á þann góða sið að gefa innfæddum staðarleiðsögumanni þjórfé.
• Innifalið: Morgunverður, hádegisverður, íslensk fararstjórn, þjónusta staðarleiðsögumanns, akstur og aðgöngumiði og ferð með kláfi upp á Sykurhleifinn. 
• Ekki innifalið: Kvöldverður og drykkir.

Mánudagurinn 12. ágúst 

Dómkirkjan – Arkitektúr – 215 mósaíktröppur – Brúin Arcos da Lapa – Kriststyttan   

Eftir morgunverð er lagt af stað frá hóteli klukkan 9:00. 

• Fyrsta stopp verður gert við samba-skóla borgarinnar sem hafa það að markmiði að viðhalda hinni frægu danshefð Brasilíubúa og þjálfa þá fyrir hina árlegu skrúðgöngu á stærstu kjötkveðjuhátíð heims. 
• Þessu næst verður farið í hina stórkostlegu dómkirkju borgarinnar.
• Eftir heimsóknina í dómkirkjuna verður farið á hið fallega aðaltorg Rio-borgar, þar sem farið verður yfir stórmerkilega sögu arkitektúrs á svæðinu. 
• Þá höldum við að Escadaria Selaron, sem er frægt fyrir 215 mósaík-skreyttar tröppur eftir frægan listamann frá Chile. 
• Síðan verður farið að Arcos da Lapa, sem var reist af gamalli fyrirmynd brúa yfir stór árgljúfur. Brúin tengir gamla bæinn við hið skemmtilega listamannahverfi Santa Teresa en eitt sinn var hægt að taka sporvagn á milli hverfanna. 

Frá klukkan 12:30 til 14:30 verður farið í hádegisverð í borgarhluta, sem er orðinn meira en 100 ára.  (Máltíð ekki innifalin í verði ferðarinnar).

Eftir mat verður keyrt að Corcovado hæðinni, þar sem farþegar fá lestarmiða til að fara með lest í gegnum Tijuca skóginn. Upp á Corcovado-hæðinni blasir síðan við hin magnaða 30 metra háa Kriststytta, sem breiðir út stóran faðminn yfir borgina. En styttan var valin sem eitt af sjö undrum heims árið 2007. Frjáls tími verður veittur við styttuna til klukkan 17:00. 

Ferð dagsins lýkur á hóteli klukkan 18:00. 

• Nauðsynlegt að vera í góðum strigaskóm, hafa vatnsflösku við höndina og nasl í bakpoka spillir ekki. Minnum líka á þann góða sið að gefa innfæddum staðarleiðsögumanni þjórfé.
• Innifalið: Morgunverður, íslensk fararstjórn, þjónusta staðarleiðsögumanns, lestarferð og aðgöngumiði að Kristsstyttunni.
• Ekki innifalið: Hádegis- og kvöldverður og drykkir. Heimsókn inn í samba-skólann.

Þriðjudagurinn 13. ágúst 

Litla Afríka – matarmenning – samba-dansskóli 

Eftir morgunverð verður lagt af stað klukkan 9:00 frá hóteli og farið inn í heim, sem sögubækur samtímans hafa ekki farið mörgum orðum um. 

Gengið verður í gegnum einn mikilvægasta en jafnframt einn dökkasta söguhluta Rio de Janeiro borgar, þar sem farið verður yfir sögu þrælanna, sem fluttir voru til landsins eins og hvern annan söluvarning. Einnig verður farið yfir þau áhrif sem menning Afríku hefur haft á samfélagið í Rio de Janeiro m.a. í matargerðarlist, tónlist, trúarbrögðum og myndlist. Þess má geta að hverfið var valið eitt af 25 flottustu hverfum veraldar!

Eftir gönguna kl. 12:30 verður farið á Dida bar, þar sem verður hægt að velja á milli rækju- eða smokkfiskréttar eldaða að hætti afrískrar matarmenningar með brasilísku ívafi og boðið upp á einn óáfengan drykk með.

Eftir hádegismat verður farið í heimsókn í einn af aðal samba-skólum Rio de Janeiro, þar sem farið verður yfir sögu samba og karnaval-skrúðgöngunnar. Boðið verður upp á að fara í búninga, taka örfá dansspor, myndatökur og að lokum verður skálað í einum af þjóðardrykkjum Brasilíubúa, caipirinha.

Eftir menningarlegan dag verður hópnum skilað aftur heim á hótel klukkan 18.

• Nauðsynlegt að vera í góðum strigaskóm, hafa vatnsflösku við höndina og nasl í bakpoka spillir ekki. Aur fyrir hádegismat. Minnum líka á þann góða sið að gefa innfæddum staðarleiðsögumanni þjórfé.
• Innifalið: Morgunverður, hádegisverður með einum óáfengum drykk, íslenskir fararstjórar, staðarleiðsögumaður, rútuferðir og samba-skóli.
• Ekki innifalið: Kvöldverður og drykkir. 

Miðvikudagurinn 14. ágúst

Grasagarður – paradísareyjan Gigoia 

Eftir morgunverð verður lagt af stað klukkan 9:00 með rútum og ekið í grasagarð Rio-borgar. Þar verður tekinn göngutúr með leiðsögn og farið yfir 210 ára gamla sögu þessa fallega og merka garðs, sem var stofnaður af João ríkisstjóra Portúgal, sem vildi að reist yrði stofnun til að viðhalda loftgæðum fyrir plöntutegundir víðsvegar að úr heiminum. Í dag er þar eitt aðal rannsóknarsetur grasafræðinnar, þar sem fjölbreytileiki flórunnar nýtur sín.

Í hádeginu verður komið við á einum besta steikarstað Rio de Janeiro, Mocellin steikhúsinu, þar sem gæða nautasteikur eru grillaðar af einstakri fagmennsku, þannig að kjötið bráðnar í hverjum munnbita. Með kjötinu er boðið upp á vín frá litlum framleiðendum, sem leggja ríka áherslu á gæði framleiðslunnar. 

Eftir hádegismat verður farið í stutta siglingu í kringum paradísareyjuna Gigoia, sem stundum hefur verið kölluð Votlendi Brasilíu. Í þessari einstöku ferð innan borgarmarkanna er engu líkara en farið sé aftur í tímann, þar sem ferðalangnum er í skamma stund kippt út úr skarkala borgarinnar yfir í villta náttúru, þar sem finna má krókódíla og fjöldann allan af fuglategundum í sínu náttúrulega umhverfi. Á eyjunni búa ríflega 3.000 manns, sem lítið fer fyrir, engir bílar né vegir og mannlífið litað af ólýsanlegri ró.

Deginum lýkur um kl. 17:00 á hótelinu.

• Nauðsynlegt að vera í góðum strigaskóm, hafa vatnsflösku við höndina og nasl í bakpoka spillir ekki. Aur fyrir hádegismat. Minnum líka á þann góða sið að gefa innfæddum staðarleiðsögumanni þjórfé.
• Innifalið: Morgunverður á hóteli, hádegisverður á einum besta steikarstað Rio de Janeiro, íslenskir fararstjórar, staðarleiðsögumaður, rútuferðir og aðgangsmiðar í garðinn og í siglinguna. 
• Ekki innifalið: Kvöldverður og drykkir.

Fimmtudagurinn 15. ágúst 

Ferðadagur – Rio de Janeiro – Iguazu

Eftir morgunverð er skráning út af hóteli og lagt af stað kl. 7:30 þaðan er ekið út á flugvöll og flogið með LATAM flugfélaginu frá Rio de Janeiro kl. 11:15. Áætluð lending á flugvellinum í Iguazu er kl. 13:30. Rúta sækir hópinn og er ekið beinustu leið heim á hótel, þar sem hópurinn kemur sér vel fyrir. Frjáls dagur það sem eftir lifir dags, þar sem hægt er að njóta hvíldar á hóteli, fara á markað í miðbænum eða taka strætó yfir til Paraguay, þar sem er að finna minjagripaverslanir og markaði. Hafið í huga að mikilvægt er að taka með vegabréf yfir landamærin og skilja eftir allt skart og önnur verðmæti. 

• Nauðsynlegt að taka með sér allan farangur til Iguazu. Taka með vegabréf til Paraguay og skilja allt skart og önnur verðmæti eftir í læstu öryggishólfi á hóteli í Iguazu. 
• Innifalið: Morgunmatur, íslenskir fararstjórar og rútuferðir.
• Ekki innifalið: Hádegis- og kvöldverður og drykkir. 

*Ath. flugáætlun gæti breyst.

Föstudagurinn 16. ágúst 

Iguazu-fossarnir Brasilíumegin – Fuglagarður – Bátsferð

Eftir morgunverð kl. 8:30 verður hópurinn sóttur á hótelið og lagt af stað í heilsdagsferð, þar sem hinir stórfenglegu Iguazu-fossar verða skoðaðir frá sjónarhorni Brasilíu. Gengið verður um þetta fallega svæði og farið út á útsýnispalla sem veita einstaka sýn yfir fossana, þá verður farið í magnaða bátsferð og skemmtilegur fuglagarður heimsóttur. Áætlað verður að leggja af stað úr þjóðgarðinum kl. 17:00.

• Nauðsynlegt að vera vel skóaður og ekki vitlaust að taka með sér regnslá eða regnjakka fyrir siglinguna.
• Innifalið: Morgunmatur og hádegisverður. Sigling, fuglagarður, íslenskir fararstjórar, staðarleiðsögumaður og rútuferðir.
• Ekki innifalið: Kvöldverður og drykkir. 

Laugardagurinn 17. ágúst 

Iguazu-fossarnir Argentínumegin

Eftir morgunmat verður hópurinn sóttur kl. 8:30 og farið með hann yfir til Argentínu, þar sem deginum verður eytt í að þræða stíga sem liggja á ótrúlegustu stöðum yfir þetta gríðarlega stóra vatnasvæði en fossarnir þykja mun tilkomumeiri séðir frá Argentínu. Hér verður gefinn góður tími til að rölta um svæðið og njóta þessarar ótrúlegu náttúrufegurðar. 

• Nauðsynlegt að vera með vegabréf til Argentínu, góðum skóm og fatnaði sem er annað hvort fljótur að þorna eða vera með regnslá eða regnjakka.
• Innifalið: Morgun- hádegisverður, íslenskir fararstjórar, staðarleiðsögumaður og rútuferðir.
• Ekki innifalið: Kvöldverður og drykkir. 

Sunnudagurinn 18. ágúst 

Ferðadagur – Iguazu – Campinas – Manaus

Sunnudaginn 18. ágúst er áætlað flug frá flugvellinum í  Iguazú kl. 5:45 með flugfélaginu AZUL með millilendingu í Campinas, þar sem áætluð lending er kl. 7:20. Frá Campinas verður flogið kl. 9:35 og áætluð lending í Manaus er kl. 12:20. Þar mun rúta bíða hópsins og keyra með hann heim á hótel. Athugið að tímasetning fyrir rútu að morgni 18. ágúst í Iguazu verður auglýst síðar.

Við komuna til Manaus tekur við akstur með rútu heim á hótel, þar sem farþegar geta komið sér fyrir. Frjáls tími tekur síðan við þar sem hægt verður að njóta eftirmiðdagsins til dæmis með rölti um miðborg Manaus og góðum kvöldverði á velvöldu veitingahúsi áður en lagst verður til hvílu fyrir spennandi ferðalag daginn eftir.

• Nauðsynlegt að taka með sér allan farangur.
• Innifalið: Íslenskir fararstjórar og rútuferðir. Hægt að fá morgunverðarbox, en það þarf að biðja um það daginn áður í gestamóttöku hótelsins.
• Ekki innifalið: Hádegis- og kvöldverður og drykkir. 

*Ath. flugáætlun gæti breyst.

Mánudagurinn 19. ágúst

Sigling kl. 15:00 – Skemmtiferðaskip 5* hótel – Sigling á Amazon-fljóti

Eftir morgunverð á hóteli er frjáls tími í Manaus til hádegis, þá þurfa farþegar að skrá sig út af hóteli kl. 12 og verða sóttir á rútu fyrir framan hótel. Þaðan verður keyrt niður á höfnina í Manaus, þar sem skemmtiferðaskipið bíður eftir hópnum. Þá hefst vel skipulögð skemmtileg dagskrá sem er innifalin í verði siglingarinnar.

15:00 Skráning um borð í skipið.

18:00 Lagt af stað frá Manaus og siglt á Rio Negro (Svarta fljóti) í sólsetrinu. 

18:00 – 20:00 Skráning í skoðunarferðir.

20:00 – 21:30 Kvöldverður á Kuarup veitingastaðnum.

Þriðjudagurinn 20. ágúst

Skemmtiferðaskip 5* hótel – Sigling á Amazon-fljóti

5:30 – 11:00 Léttur morgunverður á þilfari.

7:00 – 9:00 Morgunverður  á Kuarup veitingastaðnum.

8:00 – 10:00 Gönguferð um svæði Jaraqui með áherslu á einstakt dýralíf og gróður eða bátsferð um þröngan árfarveg Igarapés á svæði Jaraqui. 

11:30 – 12:00 Fræðsla um Amazon-skógana inni á sal; Salão Lua. 

12:00 Heimsókn upp í brú til skipstjóra – mæting í gestamóttöku.

12:00 – 14:00 Léttur hádegisverður á þilfari.

12:30 Skemmtiatriði á þilfari.

13:00 – 14:30 Hádegisverður á Kuarup veitingastaðnum.

15:00 Heimsókn upp í brú til skipstjóra – mæting í gestamóttöku.

16:30 Fræðsla um Bleiku höfrungana í Amazon-fljótinu í Salão Lua. 

17:00 – 19:00 Bátsferð um eyjarnar Trés Bocas sem eru hluti af öðrum stærsta fljótandi eyjaklasa í heiminum.

20:00 – 21:30 Kvöldmatur á Kuarup veitingastaðnum.

21:30 Skemmtiatriði á þilfari.

Miðvikudagurinn 21. ágúst  

Skemmtiferðaskip 5* hótel – Sigling á Amazon-fljóti

5:30 – 11:00 Léttur morgunverður á þilfari.

7:00 – 9:00 Morgunverður  á Kuarup veitingastaðnum.

8:00 – 10:00 Skoðunarferð á slóðir frumbyggja í Rio Cuieiras, þar sem kynntir verða lifnaðarhættir, siðir og afurðir. Möguleiki á að kaupa handverk heimamanna. 

11:30 – 12:00 Fræðsla um fiska sem lifa í Amazon í Salão Lua. 

12:00 Heimsókn upp í brú til skipstjóra – mæting í gestamóttöku.

12:00 – 14:00 Léttur hádegisverður á þilfari.

12:30 Skemmtiatriði á þilfari.

13:00 – 14:30 Hádegisverður á Kuarup veitingastaðnum.

15:00 Heimsókn upp í brú til skipstjóra – mæting í gestamóttöku.

16:00 Bátsferð og heimsókn á sveitabæ innfæddra í Ariaú héraði eða pýraneaveiðar í Ariaú héraði.

19:30 Skemmtiatriði á þilfari.

20:00 – 21:30 Kvöldmatur á Kuarup veitingastaðnum.

21:30 – 22:30 Bátsferð í myrkrinu innan um caiman krókódíla.

Fimmtudagurinn 22. ágúst 

Skemmtiferðaskip 5* hótel – Sigling á Amazon-fljóti

5:30 – 11:00 Léttur morgunverður á þilfari.

5:45 – 6:45 Sólarupprás á Amazon. Siglt um Ariaú svæðið og fylgst með fuglum byrja daginn í landslagi Amazona-skóganna sem er engu líkt, baðað friðsæld og  geislum morgunsólarinnar. 

7:00 – 9:00 Morgunverður  á Kuarup veitingastaðnum.

8:00 – 10:00 Bleikir höfrungar heimsóttir í sínu náttúrulega umhverfi Amazon-fljótsins og komið við á fallegri strönd við árbakkann.

11:30 – 12:00 Fræðsla um fugla  sem lifa í Amazon í Salão Lua. 

12:00 Heimsókn upp í brú til skipstjóra – mæting í gestamóttöku.

12:00 – 14:00 Léttur hádegisverður á þilfari.

12:30 Skemmtiatriði á þilfari.

13:00 – 14:30 Hádegisverður á Kuarup veitingastaðnum.

14:30 – 16:30 Heimsókn á áhugavert safn, þar sem saga gúmmíræktar er rakin, m.a. hvernig menn högnuðust á stuttum tíma á ræktuninni á kostnað frumbyggjanna. Farið inn á endurgerð heimili hinna svokölluðu gúmmíbaróna og aðstöðu vinnuaflsins.

19:45 – 21:30 Gala kvöldverður á Kuarup veitingastaðnum.

21:30 Þjóðleg sýning í Salão Lua

Föstudagurinn 23. ágúst 

Skemmtiferðaskip 5* hótel – Sigling á Amazon-fljóti

5:30 – 8:00 Léttur morgunverður á þilfari.

6:00 – 6:15 Fylgst með þar sem Svartafljót og Hvítafljót mætast.

7:00 – 8:00 Morgunverður  á Kuarup veitingastaðnum.

8:00 Koma í höfninni í Manaus.

8:00 – 8:30 Skila lyklum að káetu og farið í land í Manaus.

• Nauðsynlegt fyrir siglingu að hafa bólusetningaskírteini, vegabréf, sundföt og moskítófælandi efni. Mælum með langerma bolum/skyrtum/útivistarjakka og síðbuxum í sólarupprás og við sólsetur og eins í einstökum ferðum. 
• Innifalið í siglingu: Tveir íslenskir fararstjórar, akstur til og frá flugvelli, flug til og frá Manaus, ein nótt á hóteli með morgunverði í Manaus, akstur að skemmtiferðaskipi, sigling með öllu inniföldu, öryggishólf í káetu, sýningar um borð og staðarleiðsögumenn í öllum ferðum og fyrirlesarar (athugið að fyrirlestrar verða á ensku). Akstur frá skemmtiferðaskipi á flugvöll. Hafnar- og þjónustugjöld. 
• Ekki innifalið: Gjald fyrir mótefnapróf er ekki innifalið, en það er skylda að greiða fyrir það ef farþegar eru ekki með fullgilt bólusetningaskírteini, prófið kostar 18USD eða 90BRL.

Föstudagurinn 23. ágúst

Ferðadagur – Manaus – Campinas – Rio de Janeiro

Eftir siglingu kl. 8:00 fá farþegar tækifæri á að skoða sig um á markaði við höfnina og kaupa sér minjagripi. Síðan er ekið beint út á flugvöll en þaðan verður flogið kl. 13:15 með flugfélaginu AZUL til Rio de Janeiro með millilendingu í Campinas. Áætluð lending þar er kl. 18:00. Áætluð brottför frá Campinas er kl. 19:45 og lending í Rio de Janeiro kl. 20:50. Þaðan verður keyrt beint heim á hótel.

• Nauðsynlegt að hafa vegabréf og allan farangur!
• Innifalið: Morgunmatur á skipinu. Íslensk fararstjórn, þjónusta staðarleiðsögumanns og rútuferð á flugvöll. 
• Ekki innifalið: Hádegis- og kvöldverður. Drykkir.

*Ath. flugáætlun gæti breyst.

Laugardagurinn 24. ágúst

Frjáls dagur

VALFRJÁLS FERÐ – KOSTAR AUKALEGA:

Einkasigling og matarveisla – Hálfsdagsferð – Kl. 10 – 15

Eftir morgunverð kl. 10:00 verður farið í skemmtisiglingu þar sem markmið dagsins verður að njóta góða veðursins, fagurs útsýnis í dásamlegum víkum og við fallegar strendur Rio de Janeiro og njóta vellystinga í mat og drykk en um borð verður boðið upp á sannkallaða matarveislu að hætti heimamanna, þar sem engu verður til sparað ásamt því að boðið verður upp á úrval valinna drykkja. 

• Nauðsynlegt að njóta lífsins í þessari ferð! Mælt er með að setja þjórfé í bauk á bátnum.
• Innifalið: Rútuferð, staðarleiðsögumenn, sigling með matarveislu og drykkjum. 

Sunnudagurinn 25. ágúst 

Frjáls dagur

VALFRJÁLS FERÐ – KOSTAR AUKALEGA:

Strandferð – önnur sýn á Rio de Janeiro! – Kl. 9:00 – 16:00 

Eftir morgunverð klukkan 9:00 verður lagt af stað með rútum í skemmtilega strandferð á svæði sem gefur ferðalöngum nýja og fallega sýn á borgarsvæði Rio de Janeiro.  Strendurnar Grumari og Prainha eru margrómaðar fyrir fegurð sína og einstaka kyrrð og friðsæld. Þarna eru engin byggð aðeins móðir náttúra í allri sinni dýrð, strendur umvafðar iðagrænum skógi og tærum sjó Atlantshafsins. Á ströndinni er öll aðstaða til að láta sér líða vel og til að njóta dagsins, sólstólar, sólhlífar, veitingastaður og salerni. 

Aksturinn tekur um eina og hálfa klukkustund og því gefst einstakt tækifæri til þess að njóta og virða fyrir sér allt það sem fyrir augu ber á leiðinni. 

Eftir sól og sælu á ströndinni er lagt af stað heim á leið klukkan 16:00.  

• Nauðsynlegt að hafa strandskó, sundföt og strandhandklæði (handklæði fást á hóteli). Minnum líka á að taka aur fyrir hádegismat og þann góða sið að gefa innfæddum staðarleiðsögumanni þjórfé.
• Innifalið: Morgunmatur, íslenskir fararstjórar, staðarleiðsögumaður, rútuferð á einkastrandsvæði.
• Ekki innifalið: Hádegismatur og kvöldverður og drykkir.

Mánudagurinn 26. ágúst – 27. ágúst 

Ferðadagar – Rio de Janeiro – París – Keflavík 

Farþegum gefst tækifæri á að njóta lífsins á eigin vegum, þar til þeir verða sóttir á hótel kl. 18:30 mánudaginn 26. ágúst. Það er þó mikilvægt að allir skrái sig út af hóteli kl. 12:00 en hægt verður að geyma töskur í töskugeymslu hótelsins og njóta sundlaugarsvæðis á hótelinu fram að brottför . Flogið er með Air France frá alþjóðaflugvellinum Galeao A.C. JOBIM í Rio de Janeiro klukkan 21:55 og er áætluð lending í París á Charles de Gaulle flugvellinum þriðjudaginn 27. ágúst kl. 14:10. Þaðan er svo flogið sama dag til Keflavíkur með Icelandair kl. 17:00 og áætluð lending á Íslandi kl. 18:30.

• Nauðsynlegt að hafa vegabréf og allan farangur!
• Innifalið: Morgunmatur á hóteli. Íslensk fararstjórn og rútuferð á flugvöll.

Vinsamlega athugið

Ofangreind dagskrá er birt með fyrirvara. Tíu þúsund fet áskilja sér rétt til að breyta dagskrá ef á þarf að halda með tilliti til veðurs og annarra aðstæðna, að sjálfsögðu með heill farþega í fyrirrúmi. 

Flug

• Flug til Rio de Janeiro 
• Flug til Iguazu
• Flug til Manaus
• Flug til Rio de Janeiro
• Flug til Íslands
• Flugvallagjöld og skattar

Farangur

• Ferðataska 20 kg
• Handfarangur 8 kg

Hótel

• Gisting í 9 nætur á Pestana 4* hóteli í Rio de Janeiro
• Gisting í þrjár nætur á JL By Bourbon 4* hóteli í Iguazu
• Gisting í eina nótt á Intercity Manaus 4* hóteli í Manaus
• Gisting í 4 nætur á 5* stjörnu skemmtiferðaskipi m/ öllu inniföldu. Iberostar Heritage Grand Amazon

Fæði

• Morgunmatur á öllum gististöðum ferðarinnar
• Hádegismatur í þremur skoðunarferðum í Rio de Janeiro
• Hádegismatur í tveimur skoðunarferðum í Iguazu
• Kvöldmatur fyrsta kvöldið í Rio de Janeiro
• Allt innifalið, matur og drykkir í öll mál, á fljótandi hóteli í Amazon-skógunum

Akstur

• Rútuferðir á alla flugvelli og gististaði ferðarinnar
• Rútuferðir í öllum skoðunarferðum

Sigling

• 5* sigling á Amazon-fljótinu
• Hafnar- og þjónustugjöld

Skoðunarferðir

• Tvær heilsdagsferðir í Rio de Janeiro, m.a. Kristsstyttan og Sykurhleifurinn
• Ein heilsdagsferð um 210 ára gamlan grasagarð Rio de Janeiro og sigling til paradísareyjarinnar, Gigoia
• Heilsdagsferð um eitt skemmtilegasta hverfi Rio de Janeiro, Litlu Afríku og samba-dansskóli
• Aðgöngumiðar; lestarmiðar að Kristsstyttunni og miðar í kláf upp á Sykurhleifinn
• Tvær heilsdagsferðir m/hádegismat í Iguazu, fossar skoðaðir Brasilíu- og Argentínumegin, fuglagarður og bátsferð innan um fossana
• Allar skoðunarferðir í Amazon-siglingu, tvær ferðir á dag í Amazon-skógunum

Fararstjórn

• Vönduð íslensk fararstjórn tveggja þaulreyndra fararstjóra Tíu þúsund feta
• Þjónusta staðarleiðsögumanna

Í nafni náttúrunnar

• Gróðursetning á trjám á Íslandi fyrir hvern farþega sem fer í ferðina

EKKI INNIFALIÐ

• Hádegismatur, nema þar sem það er tekið fram
• Kvöldverður, nema í siglingu í Amazon
• Drykkir, nema í siglingu í Amazon og þar sem það er tekið fram
• Mótefnapróf fyrir siglingu
• Valfrjálsir dagskrárliðir
• Ferðatryggingar
• Þjórfé

• Stuðningssokkar geta komið sér vel fyrir langt flug, en þeir geta minnkað líkur á bjúg og blóðtappa í fótum. 
• Léttur bakpoki, þægilegir gönguskór, göngusokkar, göngubuxur/stuttbuxur, útivistarbolur eða skyrta, derhúfa, létt peysa og vindjakki. 
• Vatnsflaska.
• Sólarvörn (einnig fyrir varir) og sólgleraugu. 
• Sundföt og strandskór en handklæði er óþarfi. 
• Hleðslubanki fyrir síma getur verið sniðugur og gott að búa til pláss fyrir myndir á minniskubbi myndavélar. 
• Þá er gott að hafa göngustafi (þeir sem eru vanir því). 
• Plástur, hælsærisplástur, sótthreinsikrem og handspritt. 
• Steinefnatöflur, verkjatöflur og pappírsþurrkur. (Klósettrúlla getur komið sér vel í bakpoka)
• Skordýrafælandi efni til að verjast moskítóbitum og ekki vitlaust að vera með höfuðnet. Þá er mælt með því að taka B12 vítamín nokkrum vikum fyrir brottför og fyrir þá sem eru með sterk ónæmisviðbrögð vegna skordýrabita gætu þurft að huga að því að taka viðeigandi ofnæmistöflur. 
• Varðandi vegabréf, þá þurfa íslenskir ríkisborgarar ekki VISA til að komast inn í landið en gæta þarf að gildistíma vegabréfs.
• Gjaldmiðillinn er brasilískt Reais (BRL – R$), 1R$ eru 29 ísl.kr, hægt er að nálgast miðilinn í Brasilíu. 
• Afrit og ljósmynd af vegabréfi.
• Einnig þarf að taka með bólusetningaskírteini og gæta þess að vera með allar bólusetningar sem þarf, en mælt er með bólusetningu eigi seinna en 6 vikum fyrir áætlaða brottför, hér er t.d. hægt að finna nánari upplýsingar um bólusetningar og góð ráð fyrir ferðalagið: 

https://www.vinnuvernd.is/bolusetningar-ferdalog og 

https://www.heilsuvera.is/efnisflokkar/lyf-og-bolusetningar/bolusetningar-fullordinna/bolusetningar-ferdamanna/ 

• Í Brasilíu er malaría landlæg og því ráðlagt að taka malaríutöflur. 
• Þeir sem eru viðkvæmir í maga ættu að huga að töflum sem eru góðar fyrir þarmaflóruna. 
• Þá þarf að huga að ferðatryggingum tímanlega. (ekki innifalið)
• Þeir sem ferðast með lyf, ættu að hafa þau í upprunalegum pakkningum. 
• Sums staðar er gott að vera með millistykki til þess að stinga raftækjum í samband.
• Við mælum með því að fólk skilji alla skartgripi eftir heima og taki sem minnst af verðmætum með sér.

Athugið að listinn er ekki tæmandi og aðeins til viðmiðunar.