Æfingaferð á Tenerife

Tíu þúsund fet kynna æfingaferð til Tenerife fyrir karla- og kvennalið í ýmsum boltaíþróttum. Ferðin hentar vel fyrir  íþróttafólk í til að mynda handbolta, körfubolta og blaki.  Miðað er við beint flug frá Keflavíkurflugvelli. 

Dvalið er í huggulegum strandbæ á norðurhluta eyjarinnar fögru þar sem finna má allt til alls fyrir sólþyrsta ferðalanga. Æfingaaðstaðan er til fyrirmyndar, jafnt í góðri íþróttahöll sem og flottri líkamsræktarstöð sem hvoru tveggja má finna í göngufjarlægð frá gististaðnum.

Hér er frábært tækifæri til að æfa við bestu aðstæður og njóta óþrjótandi afþreyingarmöguleika á sólríkum slóðum. Þú finnur ekki betri leið til að hrista hópinn saman og æfa liðið fyrir komandi keppnir á Íslandi.

• Stórbrotin náttúra.
• Skemmtilegur strandbær.
• Fyrirmyndar æfingaaðstaða.
• Vönduð og vel útbúin líkamsrækt. 
• Góður 4* gististaður.
• Óþrjótandi afþreyingarmöguleikar.

Tenerife er stærsta og fjölsóttasta eyjan af þeim átta eyjum sem tilheyra Kanaríeyjunum. Hún er staðsett mitt á milli eyjanna Gran Canaria, La Gomera og La Palma. Tenerife er eldfjallaeyja sem talin er að hafi myndast fyrir 8 milljónum ára. Hún er í u.þ.b. 300 km fjarlægð frá meginlandi Afríku og í u.þ.b. 1300 km frá meginlandi Spánar. Eyjan er 2.034 ferkílómetrar að flatarmáli og er eins og þríhyrningur í laginu og fer hún hækkandi eftir því sem nær dregur miðju og nær hámarki með Pico del Teide sem er hæsta fjall Spánar í 3.718 m hæð yfir sjávarmáli. Santa Cruz er höfuðborgin þar sem búa um 250.000 íbúar en á eyjunni búa tæplega milljón manns. 

Meðalhiti á Tenerife er í kringum 22-25 °C en athugið að hitastigið getur verið lægra upp til fjalla.

Í Puerto de la Cruz er að finna glæsilegan sundlaugargarð opinn almenningi, Lago Martíanez, og flottasta dýragarð veraldar, Loro Parque. Í strandbænum má finna notalegar strandir og óþrjótandi afþreyingarmöguleika, s.s. fjórhjóla- og jetski-safarí, skútusiglingar og fjörugt næturlíf. Ef óskað er eftir geta Tíu þúsund fet líka boðið góða og vandaða þjónustu íslenskra fararstjóra og frábærar skoðunarferðir og afþreyingu.

Æfingar fara fram í flottri íþróttahöll í bænum þar sem liðin fá 90 mínútna æfingatíma á hverjum degi ásamt 60 mínútum í þreksal tvisvar í viku. Notkun á harpix er heimil í höllinni. Íþróttagólf salarins er nýlegt og uppfyllir það alþjóðlega íþróttastaðla. Þá hefur öll lýsing í höllinni nýlega verið tekin í gegn til að hýsa sem flestar íþróttagreinar.

Þrekæfingar fara fram í glæsilegri líkamsræktarstöð í strandbænum. Bæði stöðin og íþróttahöllin eru í göngufæri við hótelið.

Fimmtudagurinn 22. ágúst

Ferðadagur (Flug kl. 14:20)

Föstudagurinn 23. ágúst

Æfingar & þjálfun. Almenn skemmtun og fjör. 

Laugardagurinn 24. ágúst

Æfingar & þjálfun. Almenn skemmtun og fjör. 

Sunnudagurinn 25. ágúst

Æfingar & þjálfun. Almenn skemmtun og fjör. 

Mánudagurinn 26. ágúst

Æfingar & þjálfun. Almenn skemmtun og fjör. 

Þriðjudagurinn 27. ágúst

Æfingar & þjálfun. Almenn skemmtun og fjör. 

Miðvikudagurinn 28. ágúst

Æfingar & þjálfun. Almenn skemmtun og fjör. 

Fimmtudagurinn 29. ágúst

Ferðadagur (Flug kl. 21:55)

Gist er á 4* hótelinu AF Valle Orotava með hálfu fæði og drykkjum með kvöldmat innifalið.

Það er vel staðsett hótel í Puerto de la Cruz, einum af stærri strandbæjum eyjarinnar fögru. Sameignarsvæði hótelsins er fallegt og innréttað í notalegum stíl. Móttakan er opin allan sólarhringinn. Herbergin eru björt, snyrtileg og vel útbúin með flatskjá, minibar og þráðlausu interneti. Á hótelinu er sundlaugasvæði með tveimur sundlaugum og sólbekkjum. Þar er einnig heilsulind og líkamsræktaraðstaða. Veitingastaður og hótelbar eru með snyrtilegasta móti. 

Æfingar fara fram í flottri íþróttahöll í bænum þar sem liðin fá 90 mínútna æfingatíma á hverjum degi ásamt 60 mínútum í þreksal tvisvar í viku. Notkun á harpix er heimil í höllinni.

Vinsamlega athugið að ljósmyndir af gististöðum, sem birtar eru á heimasíðu Tíu þúsund feta, eru fengnar frá gististöðunum. Þær eru aðeins til þess að gefa hugmynd um útlit þeirra. Tíu þúsund fet bera ekki ábyrgð á því ef eitthvað hefur breyst á gististöðunum frá því að ljósmyndir voru teknar. Tíu þúsund fet stjórna ekki staðsetningu farþega innan gististaða.

Flug:

• Flug fram og tilbaka með Play.
• Flugvallagjöld og skattar.

Farangur:

• Ferðataska 20 kg
• Handfarangur 8 kg

Hótel:

• Gisting á 4* hóteli í 7 nætur í strandborginni Puerto del la Cruz.

Fæði:

• Hálft fæði á hóteli.
• Drykkir með kvöldmat.

Æfingar

• 6×90 mínútur í íþróttahöll.
• 2×60 mínútur í þreksal.

Akstur

• Akstur til og frá flugvelli á Tenerife.

Í nafni náttúrunnar

• Gróðursetning á trjám á Íslandi fyrir hvern leikmann sem fer í ferðina.  

EKKI INNIFALIÐ

• Íslensk fararstjórn
• Hádegisverður
• Valfrjálsir dagskrárliðir
• Ferðatryggingar
• Þjórfé