Perú & Bólivía

Mögnuð ferð undir merkjum National Geographic þar sem sérfræðingur á þeirra vegum fylgir okkur um þessar stórkostlegu slóðir Perú og Bólivíu m.a. um Cusco fyrrum höfuðborg Inkanna. Þá förum við í ótrúlega lestarferð um Andes-fjöllin og upplifum hina týndu borg, Machu Picchu.

Við heimsækjum líka Isla del Sol, eyjuna á Titicaca-vatninu sem talin er hafa verið fæðingarstaður sólguðs Inkanna. Þá ferðumst við yfir hinar mögnuðu salstléttur Bólivíu, sem eru þær stærstu og víðfeðmustu í veröldinni.

Sérfræðingar National Geographic þekkja svæðið eins og lófann sinn og tryggja að ferðalagið verði sem þægilegast og ánægjulegast. Þeir hafa góða þekkingu á löndunum, menningu og sögufrægum stöðum þeirra ásamt því að á velvöldum augnablikum fáum við staðarleiðsögumenn til að auka enn frekar á upplifunina.

• Stórkostleg náttúra!
• Týnda borgin Machu Picchu!
• Höfuðborg Inkanna!
• Ein hæsta borg veraldar!
• Lestarferð!
• Andes-fjöllin!
• Isla del Sol!
• Titicaca-vatnið!
• Víðfeðmustu saltsléttur veraldar!
• Menning innfæddra!
• Matarhefðir innfæddra!
• National Geographic!

Perú er staðsett í vestanverði S-Ameríku og er landið þekkt fyrir ríka sögu, fjölbreytt landslag, líflega menningu og dásamlega matargerð. Til að átta sig á fjölbreytileika landsins þá má innan landmæra þess finna Andes-fjöllin, Amazon-regnskógana, Kyrrahafsstrandlengju og hásléttur Altiplano. Að ógleymdum demöntum á borð við týndu borgina Machu Picchu, Heilaga dalinn og Titicaca-vatnið.

Menning Perú hefur orðið fyrir áhrifum víða að, til að mynda spænskum, afrískum og asískum áhrifum. Þrátt fyrir það hefur heimafólk náð að halda þétt í tungumál sitt, hefðir og klæðaburð. Til að tryggja það sem best eru innlendar hátíðir algengar þar sem dans, tónlist og búningar skipa ríkan sess. Sögu landsins er hægt að rekja langt aftur í tímann en menningarsamfélag Inkanna er án efa merkasta tímabil Perú, háþróað samfélag af mikilli stærðargráðu þess tíma.

Perú er afar vinsæll áfangastaður ferðafólks sem kemur þangað til að virða fyrir sér hinar merku minjar Inkanna og stórfenglegt landslagið. Þá njóta ferðamenn eldamennskunnar hjá heimafólki en það er líka þekkt fyrir fallegt handverk og vefnað.

Bólivía býður bæði upp á fjölbreytileika í landslagi og töfrandi menningu. Hið eina sem landið skortir er að hafa hvergi landamæri við sjó en innan þeirra má finna hin stórfenglegu Andes-fjöll, Amazon-skóga, Titicaca-vatnið og Uyuni-saltslétturnar. Í landinu eru nokkrir innlendir ættbálkar sem allir tala ólíka tungu, s.s. Quechua, Aymara og Guarani. Þá má finna mikinn fjölbreytileika í dýralífi, meðal annars jagúar, lamadýr og condorar.

Landið fékk ekki sjálfstæði sitt fyrr en snemma á 19. öldinni, eftir hetjulega baráttu Símón Bolívar.

Bólivía er í raun allt í senn, blanda menningar, náttúru, sögu og matargerðar.

Cusco
Fyrrum höfuðborg Inkanna, Cusco, er staðsett í Suðaustur-Perú. Borgin er þekkt fyrir vel varðveittar minjar frá tímum Inka, þegar borgin bar heitið Tawantinsuyu, og arkitektúr spænsku landvinningarmannanna sem tóku landið yfir. Mannlífið í borginni þykir líflegt og þar býðst úrval afþreyingar, s.s. fallegar gönguleiðir, reiðtúrar og fjallahjólaferðir.

Mikilvægi Cusco var mikið en talað hefur verið um hana sem miðpunkt Inka-samfélagsins. Minjarnar eru svo margar í borginni að miðbærinn hefur í heild sinni verið færður undir heimsminjavernd UNESCO. Glæsibyggingar, kirkjur og torg eru hreinlega út um allt í Cusco. Þá er borgin stundum kölluð „hliðið að Machu Picchu“ en hingað koma ferðamenn gjarnan til að venja sig við þunna loftið áður en haldið er upp í týndu borgina.

Lima
Lima er höfuðborg Perú og er hefðubundin stórborg að hætti S-Ameríku með iðandi mannlífi og fallegum byggingum, listasöfnum og þjóðlegum sýningarsölum. Oft er talað um hana sem matarhöfuðborg álfunnar þar sem finna má úrval perúskra veitingastaða og opna matarmarkaði.

Miðbærinn í Lima hefur einnig verið færður í heild sinni inn á heimsminjaskrá UNESCO þar sem finna má glæsibyggingar spænskra landvinningamanna, kirkjur og falleg torg. Þá er borgin þekkt fyrir blómlegt næturlíf með lifandi tónlistarviðburðum, börum og næturklúbbum. Miraflores og Barranco hverfin eru einna þekktust þar sem auðvelt er að ferðast um fótgangandi eða hjólandi.

La Paz
La Paz er höfuðborg Bólivíu og er þriðja stærsta borg landsins. Hún er víðfræg fyrir ótrúlega staðsetningu sína í kringlulaga dal umkringdum fallegum fjöllum en La Paz er staðsett í 3.650 m hæð yfir sjávarmáli. Það gerir borgina að einni hæstu höfuðborg heims yfir sjávarmáli.

Í borginni má finna áhugaverða blöndu af þjóðlegri og nútímalegri menningu. Nornamarkaðurinn (Mercado de las Brujas, San Francisco kirkjan, Murillo-torgið og Tungldalurinn eru meðal lykilstaða til að heimsækja í La Paz. Hingað er algengt að ferðamenn komi, einkum þeir sem eru á leið til Titicaca-vatnins og salstléttanna í Uyuni.

Uyuni
Bærinn Uyuni er staðsettur í suðvesturhluta Bólívíu, nærri hinum frægu saltsléttum sem eru þær stærstu og víðfeðmustu í veröldinni. Slétturnar eru eitt risastór náttúruundur sem spanna yfir 10 þúsund ferkílómetra svæði og eru þær fjölsóttasti ferðamannastaður landsins.

Bærinn er gjarnan notaður sem bækistöð þeirra sem heimsækja saltslétturnar. Í nágrenni Uyuni má einnig finna litrík svæði stöðuvatna, lestakirkjugarðinn og heita hveri og læki ásamt einstöku klettalandslagi. Úti á sléttunum mynda þær ótrúleg spegiláhrif sem ljósmyndarar hafa ánægju og gaman af því að leika sér með.

Í ferðinni er mikilvægt að vera heilsuhraustur og vera reiðubúinn til að takast á við líkamlega hreyfingu, göngu, hjólatúr og kayak-róður. Áfangastaðir eru í mikilli hæð og því hætta á háfjallaveiki.

Gist verður á eftirfarandi stöðum eða sambærilegum.

Hotel Antigua Miraflores í Lima.

Hótel Mabey Urubamba í Urubamba.

Hotel Taypikala Machupicchu í Aguas Calientes.

Taypikala Hotel Cusco í Cusco.

Hotel Rosario Lago Titicaca í Copacabana.

Attix Boutique Hotel í La Paz.

Hotel Parador Santa Maria í Sucre.

Hotel Museo Cayara í Potosi.

Luna Salada Hotel í Uyuni.

Í þessari ævintýralegu sérferð Tíu þúsund feta fara þaulreyndir íslenskumælandi fararstjórar með í ferðina, þau Rún Kormáksdóttir og Trausti Hafsteinsson. Þau hafa starfað við margs konar ferðaþjónustu í 25 ár ásamt því að ferðast um víða veröld m.a. á framandi slóðir Perú og Bólivíu.

Flug:

• Flug fram og tilbaka
• Innanlandsflug
• Flugvallagjöld og skattar.

Farangur:

• Ferðataska 20 kg
• Handfarangur 8 kg

Sigling:

• Sigling á Titicaca. 

Hótel:

• Gisting í 15 nætur.

Fæði:

• Morgunmatur (15), hádegisverður (5) og kvöldverður (5) samkvæmt ferðalýsingu.

Akstur

• Akstur til og frá flugvelli
• Akstur í skoðunarferðum

Skoðunarferðir

• Lestarferð í Heilaga dalnum
• Leiðsögn um Machu Picchu
• Borgarferð um La Paz
• Ferð um Uyuni-saltslétturnar

Fararstjórn

• Þjónusta og leiðsögn staðarleiðsögumanna
• Vönduð íslensk fararstjórn tveggja þaulreyndra fararstjóra Tíu þúsund feta