Frábær gönguferð á Madeira fyrir göngugarpa sem kunna að meta friðsæld og ósnortna náttúru ásamt því að hafa gaman af að kynnast menningu og sögu eyjaskeggja, m.a. í mat og drykk, þannig að upplifun göngugarpsins er eins og að vera staddur á fallegu póstkorti hverju sinni.
Fyrir náttúruunnendur og göngufólk er Madeira sannkölluð draumaeyja með brattar fjallshlíðar, gróskumikla skóga, hengibrýr, fossa, klettóttar strendur og stórbrotið útsýni. Þessi gróskumikla perla í miðju Atlantshafi býður upp á óteljandi gönguleiðir þar sem útsýni, kyrrð og náttúrufegurð sameinast á einstakan hátt.
Madeira státar af fjölbreyttri náttúru allt frá Miðjarðarhafsgróðri og blómstrandi görðum yfir í lárviðarregnskóga sem eru á heimsminjaskrá UNESCO. Þetta er staðurinn þar sem þú gengur í gegnum árstíðirnar á einum degi – allt umvafið suðrænum litum, fuglasöng og fersku fjallalofti.
Madeira er áfangastaður sem nærir bæði líkama og sál.
Í þessari einstöku gönguferð á Madeira kemst göngugarpurinn ekki bara í snertingu við hina ósnortnu friðuðu náttúru, heldur upplifir hann einnig sterkt hvernig lífið á Madeira var áður en ferðamannastraumurinn barst til eyjarinnar. Gengið verður í mikilli fjallafegurð, þar sem landslagið einkennist af miklum andstæðum, hrauni og iðagrænum gróðri, með háum og tignarlegum fjöllum og djúpum dölum og gljúfrum.
Fáir staðir í heiminum bjóða upp á jafn fjölbreyttar og stórkostlegar gönguleiðir og Madeira – gróðursæl og fjalllend eyja í miðju Atlantshafi.
Komdu með í gönguferð um eyjuna sem aldrei hættir að heilla. Madeira bíður – nú er að reima á sig gönguskóna!
Madeira er portúgalskur eyjaklasi í Atlantshafi, staðsettur um 1.000 km suðvestur af Portúgal og um 700 km frá ströndum Marokkó. Eyjaklasinn samanstendur af aðaleyjunni Madeira, minni eyjunni Porto Santo og tveimur óbyggðum eyjaklösum: Ilhas Desertas og Ilhas Selvagens. Flatarmál Madeira-eyju er um 740 km² og íbúafjöldinn er um 260.000 íbúar en þar af búa um 110.000 í höfuðborginni Funchal.
Madeira-eyjar eru að uppruna eldfjallaeyjur, myndaðar af neðansjávareldgosum fyrir um 5 milljónum ára. Hæsti tindur eyjarinnar er Pico Ruivo í 1.862 m.y.s.
Á Madeira má segja að ríki eilíft vor, þ.e. milt og gott loftslag allt árið um kring með litlum sveiflum milli árstíða. Meðalhiti eru 16-20 gráður að vetri til og 23-26 gráður að sumri. Mikill munur getur verið á veðri eftir hæð og staðsetningu – á einum degi getur þú upplifað sól, ský og regn í sömu göngunni!
Madeira er þekkt fyrir ótrúlega fjölbreytni í náttúru og gróðri, sem verður sérstaklega áberandi á gönguferðum. Eyjan er af mörgum talin ein besta göngueyja álfunnar með yfir 2.000 km af gönguleiðum.
Madeira er líkt og lifandi listaverk – þar sem brött fjöll og grasi grónar hlíðar mætast við djúpbláan sjó og hver beygja á göngustígunum leiðir þig inn í nýja vídd náttúrufegurðar. Madeira er eldfjallaeyja og landslagið hefur mótast af bröttum hlíðum, gróskumiklum dölum og fjölbreytilegri gróðurþekju sem breytist með hæð og hitastigi.
Madeira er líka sannkölluð matarparadís – ferskir sjávarréttir, úrval suðrænna ávaxta og heimalagaðar kræsingar sem kitla bragðlaukana.
Ein af einstöku sérkennum eyjarinnar eru gömlu áveitusíkin sem liggja þvert um fjöll og skóga og bjóða upp á yfir 2.000 km af merktum gönguleiðum. Þessar leiðir veita ekki aðeins einstakt tækifæri til að komast nær náttúrunni, heldur eru þær líka hluti af lifandi sögu og menningu eyjarinnar.
Á Madeira sameinast gönguævintýri og afslöppun á einstakan hátt.
Cristiano Ronaldo, einn frægasti íþróttamaður heims, fæddist í Madeira árið 1985.
Churchill kom reglulega til Madeira til að slaka á og mála landslag – hann dvaldi oft í Camara de Lobos.
Á Madeira er engin náttúruleg sandströnd. Sandurinn á Porto Santo var fluttur inn frá Afríku!
Eyjan hefur verið sjálfstjórnarsvæði innan Portúgal síðan 1976 með eigið þing og stjórn.
Eyja sem var „uppgötvuð“ fyrir tilviljun! Madeira var uppgötvuð árið 1419 þegar portúgalskir landkönnuðir reru í átt að stormi – og enduðu á þessu gróskumikla, óbyggða eylandi. Nafnið „Madeira“ merkir viður – sem gefur til kynna hversu skógivaxin hún var við komu þeirra.
Hér má ganga skýjum ofar – bókstaflega! Á háum tindum Madeira, t.d á Pico do Arieiro og Pico Ruivo, er algengt að skýin liggi neðan við gönguleiðina – svo þú ert bókstaflega skýjum ofar á göngu þinni.
Gengið gegnum vatnsgöng! Madeira er einstök fyrir levadas – manngerðar vatnsrásir sem leiða vatn frá fjöllum niður í byggð. Í dag eru þær notaðar sem rúmlega 2.000 km löngar gönguleiðir, sem gerir eyjuna að sannkallaðri paradís fyrir göngufólk.
Eyjan sem á sitt eigið vín… og sína eigin kökutegund!
Madeira-vín er frægt um allan heim og var eitt af uppáhalds vínum George Washington. Madeira-kaka (sem við þekkjum sem döðluköku) er líka algeng á jólum – en upprunalega kemur hún frá Bretum sem bjuggu á eyjunni
Lárviðar-regnskógurinn – Töfraskógurinn sem lifði af ísöld. Regnskógurinn á Madeira, Laurisilva, er milljón ára gamall og hefur lifað af ísöldina – þetta sérstaka vistkerfi er svo sjaldgæft að það er á heimsminjaskrá UNESCO.
Toboggan-farartækin sem svífa niður götur borgarinnar. Í Monte, uppi í fjallshlíðinni yfir Funchal, er hægt að setjast í körfu úr viði og reipi og renna niður steinlagðar götur á 2-3 metra hraða – stjórnað af tveimur „toboggan-mönnum“ í hvítum fatnaði og með stráhatta.
Fólk í Funchal borðar bananabrauð með túnfiski. Madeira elskar að blanda saman brögðum – eitt dæmi er steiktur banani með túnfiski eða espada (djúpsjávarfiski). Óvenjuleg en ótrúlega vinsæl blanda!
Íbúar Madeira tala portúgölsku, en með sérstökum hreim og orðalagi sem getur jafnvel verið erfitt fyrir meginlands-Portúgali að skilja! Margir tala þó líka góða ensku – sérstaklega í ferðaþjónustu.
Þú getur tekið göngu frá regnskógi yfir í eldfjallalandslag á einum degi! Þar sem eyjan er bæði fjöllótt og fjölbreytt að náttúru – geturðu byrjað gönguna í grænum skógum, gengið yfir opna hásléttu og endað á brún klettodda með útsýni yfir hafið – allt á einum degi.
31. mars | Koma til Madeira
1. apríl | Funchal, Monte & Levada – Heilsdagsferð með léttum göngutúr
,,Stórkostleg ferð í alla staði og frábærar gönguleiðir sem komu svo sannarlega á óvart. Yndislegir fararstjórar sem kunna sitt fag og halda vel utanum hópinn. Takk kærlega fyrir mig.“
Sigurlaug Margrét Bragadóttir (2025)
,,Stórkostleg ferð með frábærum fararstjórum sem eru svo ljúf og ekkert mál hjá þeim ef þarf að taka smá beygju og halda vel um hópinn sinn og erum bara eins og ein þétt fjölskylda ! Takk kærlega fyrir okkur.“
Björg Long (2025)
,,Frábær ferð í alla staði og mikil fagmennska í öllu. Engin vandamál bara lausnir. Þakkir skulu þið hafa fyrir. Mæli 10.000% með.“
Guðrún Ásdís Eysteinsdóttir (2025)
,,Frábær ferð. Hver dagur var nýtt ævintýri með ótrúlega skemmtilegum og jákvæðum farastjórum og göngugörpum. Farastjórarnir stóðu sig einstaklega vel og gerðu ferðina ógleymanlega með frábæri þekkingu, húmor og fagmennsku. Hlakka til næstu ferðar og tíu þúsund þakkir fyrir mig“
Andrea Vikarsdóttir (2025)
Ferðin flokkast undir það sem kallast miðlungs erfið en mikilvægt er að göngufólk sé í góðu gönguformi.
Gist er á 4* Raga hótelinu með hálfu fæði.
Hótelið er vel staðsett í Funchal, einum af stærri strandbæjum eyjarinnar fögru. Sameignarsvæði hótelsins er fallegt og innréttað í notalegum stíl. Móttakan er opin allan sólarhringinn. Herbergin eru björt, snyrtileg og vel útbúin með flatskjá, minibar og þráðlausu interneti. Á hótelinu er sundlaugasvæði með tveimur sundlaugum og sólbekkjum. Þar er einnig heilsulind og líkamsræktaraðstaða. Veitingastaður og hótelbar eru með snyrtilegasta móti.
Öll herbergi hótelsins eru innréttuð með hlýlegum litum og búin fyrsta flokks húsbúnaði.
Vinsamlega athugið að ljósmyndir af gististöðum, sem birtar eru á heimasíðu Tíu þúsund feta, eru fengnar frá gististöðunum. Þær eru aðeins til þess að gefa hugmynd um útlit þeirra. Tíu þúsund fet bera ekki ábyrgð á því ef eitthvað hefur breyst á gististöðunum frá því að ljósmyndir voru teknar. Tíu þúsund fet stjórna ekki staðsetningu farþega innan gististaða. Athugið einnig að gististaðir geta breyst en þá er ávallt boðið upp á sambærilega gististaði eða betri.
Tíu þúsund fet bera ekki ábyrgð á yfirbókunum gististaða. Samkvæmt starfsreglum gististaða hafa hótel og íbúðahótel leyfi til að yfirbóka gistirými og komi til yfirbókunar hjá gististöðum er gististaðurinn ábyrgur fyrir að útvega viðskiptavinum okkar sambærilegt eða betra hótel.
Í gönguferðum Tíu þúsund feta fara þaulreyndir íslenskumælandi fararstjórar með í ferðirnar. Rún og Trausti hafa ríflega 25 ára reynslu á ferðalögum með Íslendina á erlendri grundu og hafa farið í margar gönguferðir sem leiðsögumenn erlendis.
Nú gefst gönguáhugafólki einstakt tækifæri til þess að ganga með þeim fallegar gönguleiðir í stórbrotnu landslagi, sem fáir hafa kynnst á Madeira.
Ferðadagur
Koma til Madeira. Flug með Play frá Keflavík. Eftir að farangur hefur verið sóttur og farið er í gegnum toll, taka fararstjórar á móti hópnum og fara með honum beint heim á hótel.
Flug:
Farangur:
Hótel:
Fæði:
Akstur
Skoðunarferðir
Fararstjórn
Í nafni náttúrunnar
EKKI INNIFALIÐ
