Ferðalýsing

Tíu þúsund fet kynna meiriháttar ferð til Lundúna, þar sem farið verður á sögufrægar slóðir hins merka forsætisráðherra Bretlands, Winston Churchill. Dvalið er á huggulegu 4* hóteli, þar sem vel fer um farþega.

Þaulreyndur íslenskumælandi fararstjóri, Lilja Hilmarsdóttir, heldur utan um hópinn. Vönduð og spennandi dagskrá í boði. Í þessa skemmtilegu ferð okkar kemur einnig Illugi Jökulsson, þar sem rithöfundurinn skemmtilegi fræðir okkur á sinn einstaka hátt um sögu Winston Churchill.

Hér er á ferðinni fróðleg og skemmtileg menningarferð, þar sem fræðsla, einstök saga, mannlíf og góðar veigar skipa stórt hlutverk.

Hápunktar ferðarinnar

Sögufræg borg!
Winston Churchill!
Illugi Jökulsson!
Vönduð fræðsla!
Menning og listir!
Glæsilegar byggingar!
Sögufrægar slóðir!
Iðandi mannlíf!
Vönduð íslensk fararstjórn!

Hvað veistu um áfangastaðinn?

Lundúnir

Lundúnir eru ekki bara höfuðborg Bretlands, þær eru heill heimur út af fyrir sig. Borgin sameinar konunglega hefð, ríka sögu og lifandi nútímamenningu á einstakan hátt og býður upp á óteljandi upplifanir fyrir alla aldurshópa og áhugasvið.

Hér mætast fortíð og framtíð. Þú gengur fram hjá konungshöllum og sögufrægum byggingum, á meðan líflegar götur, fjölbreytt menning og nýjustu straumar í tísku, listum og matargerð skapa góða stemningu. Lundúnir eru borg þar sem hvert hverfi hefur sína sérstöðu allt frá glæsileika Westminster og Kensington til líflegra hverfa Shoreditch og Camden.

Saga Lundúna er áþreifanleg, Big Ben, Westminster Abbey, Tower of London og Buckingham-höll eru aðeins nokkur af þeim kennileitum sem segja sögu heimsveldis, konunga, byltinga og stórviðburða. Samhliða þessu eru Lundúnir ein helsta menningarborg heims, með heimsþekkt söfn eins og British Museum, National Gallery og Tate Modern.

Borgin er paradís fyrir þá sem kunna að meta fjölbreyttan og góðan mat. Í borginni er að finna allt frá hefðbundnum breskum krám til Michelin-stjörnu veitingastaða, endalaust úrval fjölþjóðlegra veitingastaða og spennandi matarmarkaði.

Fyrir þá sem hyggjast kíkja í verslanir, þá eru möguleikarnir óendanlegir, allt frá skemmtilegum fatamörkuðum til verslana sem selja hönnunarvörur og iða verslunargöturnar af fjölbreyttu mannlífi.

Einng er hægt að njóta góðrar slökunar eða útivistar á víðáttumiklum grænum svæðum innan borgarinnar en í Hyde Park, Regent’s Park og Richmond Park er tilvalið að fara í göngutúr með nesti og nýja skó og njóta afslöppunar mitt í stórborginni. Við Thames-ána má njóta útsýnis, gönguferða og bátsferða sem sýna borgina frá nýju sjónarhorni.

Í borginni ríkir hreinlega einstakt andrúmsloft, sem gerir Lundúnir að einni mest spennandi borg heims. Hvort sem þú sækist eftir menningu, sögu, verslun, tónlist, leikhúsi, íþróttum eða einfaldlega góðri borgarstemningu, þá hafa Lundúnir eitthvað að bjóða.

Viltu vita meira?

Sir Winston Churchill (1874–1965) skapaði sér miklar vinsældir fyrir forystu sína á stríðsárunum. Hann fæddist í Blenheim-höll og vakti fyrst athygli sem hermaður og rithöfundur áður en hann settist á þing aðeins 25 ára gamall, árið 1900. Ferill hans var frá upphafi eins og rússíbani, fullur af dramatískum sveiflum og óvæntum uppákomum.

Hann skipti um stjórnmálaflokk tvisvar, barðist gegn kosningarétti kvenna, missti embætti sitt, barðist í skotgröfum fyrri heimsstyrjaldarinnar, kallaði Gandhi „hálfnakinn fakír“ og varð háværasti gagnrýnandi breskrar tilslökunarstefnu gagnvart Adolf Hitler.

Churchill heillaði þjóð sína í meira en hálfa öld. Sem hermaður, stjórnmálamaður, rithöfundur, sagnfræðingur, listamaður og ræðumaður mótaði hann Bretland á ótal sviðum. En það var einkum hlutverk hans sem forsætisráðherra í seinni heimsstyrjöldinni sem hann er þekktastur fyrir, þegar hann leiddi þjóðina til sigurs, en tapaði svo í kjölfarið þingkosningunum.

Þessi ferð veitir einstakt tækifæri til að kynnast þessum mikla manni og feta í fótspor hans, frá bernskuárum hans í Blenheim-höll, gegnum hans „stærstu stund“ í stríðsherstjórnarrýmum ríkisstjórnarinnar og inn í einkalíf hans á heimili sínu í Chartwell. Jafnframt gefst kostur á að heimsækja minna þekkta staði sem tengjast ferli hans, svo sem heimili hans í London og Admiralty-bygginguna.

Dagskrá

Fimmtudagur 24. september

Ferðadagur & stærsta stundin

Flogið er frá Keflavíkurflugvelli með flugfélaginu Icelandair kl. 7:40 og lent í Lundúnum kl. 11:55. Rúta bíður farþega fyrir utan flugstöðvarbygginguna en þaðan er keyrt heim á gott hótel, þar sem farþegar geta skráð sig inn og komið sér fyrir inn á herbergjum.

Stutt neðanjarðarlestarferð flytur okkur til Westminster, þar sem við skoðum þinghúsin frá Parliament Square og rifjum upp hinar kraftmiklu ræður og harðorðu orðaskipti Churchills í breskum stjórnmálum. Við styttu hans fræðumst við um hlutverk hans í því að leiða þjóðina til sigurs á „myrkustu stund“ hennar í síðari heimsstyrjöldinni.

Við göngum síðan eftir Whitehall að einstökum stríðsherstjórnarrýmum Churchills og Churchill-safninu, þar sem við komumst nær manninum og hlutverki hans sem stríðsleiðtoga. Djúpt neðanjarðar var þessi staður traust sprengjubyrgi, þar sem ríkisstjórnin stýrði stríðsrekstrinum á verstu tímum loftárásanna í Lundúnum. Þar sjáum við meðal annars fundarherbergi ríkisstjórnarinnar, kortasalinn, svefnherbergi Churchills og aðra sögufræga staði sem tengjast lífi hans.

Áfram göngum við eftir Whitehall og skoðum þekkt kennileiti sem Churchill þekkti vel, þar á meðal Downing Street, heimili hans sem forsætisráðherra, minnisvarðann Cenotaph, Horse Guards og Admiralty Arch, þar sem hann starfaði sem flotamálaráðherra.

Föstudagur 25. september

Upphafið í Blenheim

Dagurinn hefst snemma með lestarferð til Oxfordshire, sem tengist Churchill-fjölskyldunni sterkum böndum. Fyrsti viðkomustaðurinn er St. Martin’s-kirkjan í hinu fallega þorpi Bladon, þar sem við heimsækjum leiði Winstons Churchill og eiginkonu hans, auk foreldra hans og annarra fjölskyldumeðlima.

Þaðan er stutt ferð í Blenheim-höll, sem er enn heimili hertogans og hertogaynjunnar af Marlborough. Höllin gegndi lykilhlutverki í lífi Churchill og þar sjáum við meðal annars svefnherbergið þar sem hann fæddist 30. nóvember árið 1874. Við göngum einnig um fallega hallargarðana sem voru honum svo kærir og heimsækjum Díönuhofið, þar sem hann bað um hönd framtíðareiginkonu sinnar, Clementine Hozier.

Laugardagur 26. september

Sveitasetrið Chartwell

Einn af hápunktum ferðarinnar er heimsókn á heimili Churchill í Chartwell í Kent, sem er stutt og notaleg lestarferð frá miðborg Lundúna. Churchill bjó á þessu stórbrotna sveitasetri frá árinu 1922 og þar til skömmu fyrir andlát sitt.

Við skoðum m.a. vinnuherbergið hans, þar sem hann skrifaði fjölmargar bækur og ræður og kíkjum inn í borðstofuna, þar sem Churchill tók á móti fjölda merkilegra gesta. Farið verður út í hina friðsælu garða við sveitasetrið, en þar naut hann þess að slaka á og mála myndir. Stemningin í Chartwell er einstök og auðvelt að ímynda sér stjórnmálamenn og áhrifafólk heimsækja staðinn og ræða stórmál samtímans í þessum rýmum.

Sunnudagur 27. október

Rík arfleifð

Á síðasta degi ferðarinnar förum við með lest til Cambridge og heimsækjum Churchill-skjalasafnið, sem geymir einstakt safn skjala um líf Churchill og hlutverk hans sem stríðsleiðtoga. Í fylgd safnstjóra fáum við tækifæri til að skoða nokkur ómetanleg skjöl, þar sem við fáum enn betri innsýn í líf þessa einstaka manns.

Að skoða þessa þjóðargersemi er fullkomin lokapunktur ferðarinnar.

Að lokinni heimsókn á skjalasafnið gefst tími til að kanna Cambridge á eigin vegum, til dæmis með hádegisverði á hinum sögufræga Eagle Pub, þar sem flugmenn bandaríska og breska flughersins hittust á stríðsárunum en þar má enn sjá undirskriftir, slagorð og teikningar þeirra í loftinu. Að lokum er haldið út á flugvöll og flogið heim til Íslands kl. 21:55 og er áætluð lending á Keflavíkurflugvelli kl. 23:35.

Vinsamlega athugið

Ofangreind dagskrá er birt með fyrirvara. Tíu þúsund fet áskilja sér rétt til að breyta dagskrá ef á þarf að halda með tilliti til veðurs og annarra aðstæðna, að sjálfsögðu með heill farþega í fyrirrúmi.

Ummæli farþega

Ef þú ert að spá í fararstjórninni, þá eru hér nokkur meðmæli frá farþegum okkar, sem hjálpa þér vonandi við að taka ákvörðun um að koma með í þessa ævintýraferð:

,,Takk fyrir frábæra ferð! Mæli svo sannarlega með 10.000 ferðum – allt skipulag, þjónusta og upplifun til fyrirmyndar. Sérstakar þakkir fyrir að halda svona vel um hópinn – algjörlega ógleymanleg ferð.”

Kolbrún Vídalín, Sagan öll með Illuga á S-Ítalíu 2025

„Hjartans þakkir fyrir frábæra ferð. Við fengum að sjá svo marga stórkostlega staði og fræðast um fólk og atburði löngu liðanna tíma. Ógleymanlegt ferðalag. Takk Rún, Trausti og Illugi. Við Styrmir mælum svo sannarlega með Tíu þúsund fetum.”

Helga María Jónsdóttir, Sagan öll með Illuga á S-Ítalíu 2025

,,Kærar þakkir fyrir frábæra ferđ. Ég vona svo sannarlega ađ ég komist í fleiri ferđir međ ykkur. Gangi ykkur vel í framtìđinni. Þiđ rokkiđ. Takk öll fyrir frábæra samfylgd undanfarna daga. Þakkir til ykkar, Rún og Trausti fyrir gott skipulag, alúđ og hlýju út alla ferđina. Takk Illugi fyrir fróđleik, bæđi huggulegan og óhuggulegan á međan á ferđinni stóđ. Ég vona svo sannarlega ađ ég komist í fleiri ferđir međ ykkur. “

Ásta Björk Sveinbjörnsdóttir, Sagan öll með Illuga á S-Ítalíu 2025

,,Bestu þakkir fyrir okkur. Þetta er búin að vera frábær ferð og ógleymanleg í alla staði. Rún, Trausti og Illugi, þið eruð öll frábær.“

Guðmundur Haukur, Sagan öll með Illuga á S-Ítalíu 2025

,,Bestu þakkir fyrir frábæra ferð. Þið eruð frábær.“

Jóhanna Kristín Jósefsdóttir, Sagan öll með Illuga á S-Ítalíu 2025

Ferðalagið

Gisting

Í London verður gist á 4* hóteli með morgunverði í miðborginni.

Á hótelinu eru hugguleg herbergi, sem eru búin helstu þægindum, með þráðlausu gjaldfrjálsu neti, loftkælingu, öryggishólfi, minibar, sjónvarpi, baðvörum og hárblásara.

Vinsamlega athugið að ljósmyndir af gististöðum, sem birtar eru á heimasíðu Tíu þúsund feta, eru fengnar frá gististöðunum. Þær eru aðeins til þess að gefa hugmynd um útlit þeirra. Tíu þúsund fet bera ekki ábyrgð á því ef eitthvað hefur breyst á gististöðunum frá því að ljósmyndir voru teknar. Tíu þúsund fet stjórna ekki staðsetningu farþega innan gististaða.

Fararstjóri

Í ferðum Tíu þúsund feta fara ávallt þaulreyndir íslenskumælandi fararstjórar með í ferðirnar. Lilja Hilmarsdóttir hefur starfað við margs konar ferðaþjónustu í 35 ár ásamt því að ferðast um víða veröld.

Lilja mun sjá til þess að farþegar upplifi og njóti sín til fulls í þessari draumaferð um söguslóðir Lundúna, þar sem fræðsla og umfram allt skemmtileg upplifun verður í fyrirrúmi.

Sagan öll með Illuga Jökuls

Illugi Jökuls fræðir farþega

Í þessa ævintýralegu ferð okkar til Lundúna kemur Illugi Jökulsson með okkur þar sem rithöfundurinn skemmtilegi fræðir okkur á sinn einstaka hátt um sögu Winston Churchill og siði lands og þjóðar.

Illugi er sonur Jóhönnu Kristjónsdóttur og Jökuls Jakobssonar. Elísabet Jökulsdóttir rithöfundur og Hrafn Jökulsson eru alsystkini hans. Illugi er giftur leikkonunni Guðrúnu Gísladóttur. Dóttir þeirra er útvarpskonan Vera Illugadóttir.

Illugi gekk í Menntaskólann í Reykjavík, en hætti skólagöngu sinni 1979, þá í sjötta bekk. Hann hóf störf sem blaðamaður á Vísi í apríl 1979 og starfaði þar til vors 1981. Árið 1986 hóf Illugi umsjón sína á útvarpsþættinum „Frjálsar hendur“ á Rás 1 og hefur sinnt því starfi nánast sleitulaust síðan. Illugi stofnaði tímaritið Sagan öll árið 2007 og gegndi þar ritstjórnarstörfum. Einnig stofnaði hann og ritstýrði tímaritinu Skakki turninn, þar sem hann vann með Veru.

Innifalið

Flug

Flug með Icelandair frá Keflavíkurflugvelli til Lundúna.
Flug með Icelandair frá Lundúnum til Keflavíkurflugvallar.
Flugvallagjöld og skattar.

Farangur

Ferðataska 23 kg
Handfarangur 10 kg

Hótel

Gisting í 3 nætur á 4* hóteli í Lundúnum

Fæði

Morgunverður

Akstur

Akstur til og frá flugvelli í Lundúnum.
Rútuferðir í öllum skoðunarferðum.

Skoðunarferðir

Allar skoðunarferðir með íslenskri fararstjórn
Aðgöngumiðar í auglýstum skoðunarferðum

Fararstjórn

Sagan öll með Illuga Jökulssyni
Vönduð íslensk fararstjórn þaulreynds fararstjóra Tíu þúsund feta.
Þjónusta staðarleiðsögumanna.

Í nafni náttúrunnar

Gróðursetning á trjám á Íslandi fyrir hvern farþega sem fer í ferðina.

EKKI INNIFALIÐ

Hádegis- og kvöldverður
Drykkir
Valfrjálsir dagskrárliðir og annað sem ekki er tilgreint sem innifalið
Gistináttaskattur
Ferðatryggingar
Þjórfé

Fyrir nánari upplýsingar

Sagan öll með Illuga Jökuls – Winston Churchill