Aðventuferð til Prag

Tíu þúsund fet kynna dásamlega aðventuferð til jólaborgarinnar Prag, höfuðborgar Tékklands. Dvalið er á huggulegu 5* hóteli í miðbænum þar sem vel fer um farþega. 

Þaulreyndir íslenskumælandi fararstjórar halda utan um hópinn og fræða um land, menningu, siði og þjóð. Frábær dagskrá í boði: Bæjarferð, kastalaferð, dagsferð í Terezín-þrælkunarbúðir nasista og jólamarkaðir.

Hér er frábært tækifæri til að upplifa stórbrotna aðventumenningu og njóta óþrjótandi afþreyingarmöguleika í yndislegri og fallegri jólaborg.

• Stórbrotin menning!
• Iðandi mannlíf!
• Dásamleg aðventustemning!
• Sögufrægar UNESCO slóðir!
• Glæsileg dagskrá!
• Vönduð íslensk fararstjórn!
• Meiriháttar matur!
• Endalausir verslunarmöguleikar!
• Jólamarkaðir!
• Fræðandi bæjarferð!
• Kastalaferð!
• Terezín-þrælkunarbúðir nasista.

Prag, höfuðborg Tékklands, er þekkt fyrir sögufrægar slóðir, fallegan arkitektúr og iðandi mannlíf. Hún er líka þekkt sem falleg jólaborg á aðventunni. Borgin stendur við Moldána og er oft kölluð „Móðir borganna“ vegna fjölbreytts byggingarstíls sem er allt frá gotneskum dómkirkjum til barokk- og nýklassískra bygginga.

Í höfuðborginni má finna fjölda merkilegra staða og kennileita. Eitt af helstu kennileitum Prag er Prag-kastali, sem gnæfir yfir borgina og býður upp á stórkostlegt útsýni yfir hana. Gamla borgin er einnig mjög vinsæl, sérstaklega Gamla torgið með Maríu kirkjunni frá Týn og stjörnufræðiklukkunni í ráðhústurninum. Borgin er þekkt fyrir fallegar göngugötur fullar af iðandi mannlífi og skemmtilegum verslunum og kaffihúsum. Þá er tékkneska höfuðborgin einnig fræg fyrir stórbrotið menningarlíf, þar á meðal tónlist, leikhús og listasýningar. Í gegnum aldirnar hefur borgin verið heimili margra frægra listamanna, svo sem Mozart og Kafka. Borgin á sér einnig gríðarlega mikla sögu, sérstaklega tengda trúarstríðum og sósíalisma.

Til að fullkomna heimsókn til Prag verður svo að ganga yfir Karlsbrúna, sem er ein af elstu steinbrúm Evrópu, og skoða skúlptúrana sem prýða hana. Prag er borg sem sameinar allt í senn; sögu, menningu og fegurð!

Prag er skemmtilegur áfangastaður fyrir alla, hvort sem þú ert að leita að menningu, mat, tónlist, iðandi stórborgarlífi eða einfaldlega afslöppun. Borgin býður upp á fjölbreytta afþreyingu við allra hæfi.

• Tónleikar og klassísk tónlist: Borgin er þekkt fyrir að bjóða upp á heimsklassa tónleika, þar sem m.a. er hægt að heimsækja dómkirkjur og sögulegar byggingar og hlusta á flutning klassískrar tónlistar eins og á verkum eftir hið þekkta tónskáld, Mozart.
• Leikhús: Prag hefur ríka leikhúshefð, þar á meðal þjóðleikhús og smærri leikhús sem sýna bæði hefðbundin leikverk og eins nútímaverk.
• Listagallerí: Mörg listagallerí bjóða upp á sýningar á samtímalist og klassískum verkum.
• Kráarrölt: Prag er þekkt fyrir bjórinn sinn og hefðina á að fara á krá. Mikið úrval er á skemmtilegum krám þar sem þú getur smakkað svalandi bjór þeirra heimamanna.
• Matarupplifanir: Maturinn í Prag er fjölbreyttur en líka nokkuð framandi. Þú getur farið á matreiðslu námskeið, heimsótt markaði eða borðað á hefðbundnum veitingastöðum sem bjóða upp á tékkneska matargerð.
• Kaffihús: Prag er full af huggulegum kaffihúsum, þar sem þú getur notið þess að gæða þér á kaffi á meðan þú virðir fyrir þér fjölskrúðugt mannlíf þessarar einstöku borgar.
• Markaðir: Víða má finna skemmtilega markaði, þar sem þú getur keypt handverk, mat og minjagripi. Í ferðinni okkar verða jólamarkaðir borgarinnar í fullu fjöri.
• Söfn: Mörg áhugaverð og skemmtileg söfn má finna innan borgarinnar, m.a. sjónblekkingarsöfn, safn rithöfundarins Franz Kafka, þjóðminjasafnið, tæknisafn, stálsafnið og sögusafn um Prag.
• Næturlíf: Í Prag er að finna líflegt næturlíf með mörgum börum, klúbbum og tónleikastöðum sem bjóða upp á skemmtun fram á rauðar nætur.

Hér eru dæmi um áhugaverða staði til að heimsækja:

• Pragkastali: Í Litla bænum er að finna hinn stórkostlega Prag-kastala og hina tignarlegu Vítusardómkirkju og uppi á hæðinni er einstakt útsýni yfir borgina.
• Gamla borgin: Er sögulegur miðpunktur Prag-borgar en hún einkennist af einstakri sögu og menningu ásamt glæsilegum byggingarstíl.
• Karlsbrúin: Þessi fallega steinbrú tengir Gömlu borgina við Litla bæinn yfir Moldá og er hún prýdd mörgum styttum og þar hafa listamenn borgarinnar vanið komur sína og boðið upp á tónlist, myndlist og fallegt handverk. Hún er sérstaklega falleg á kvöldin.
• Moldá: Meðfram ánni liggja göngustígar beggja vegna árinnar, þar sem hægt er að rölta og virða fyrir sér fegurð borgarinnar. Einnig er hægt að njóta þess að fara í siglingar á ánni á fljótabátum.
• Petrín-hæðin: Hæð sem býður upp á frábært útsýni yfir Prag. Þar er einnig Petrín-turninn, sem líkist Eiffel-turninum í París.
• Vaslavs-torgið: Stórt torg í miðborginni, þar sem margar verslanir, veitingahús og menningarstofnanir er að finna, m.a. þjóðminjasafnið.
• Žižkov sjónvarpsturninn: Óvenjulegur sjónvarpsturn sem býður upp á flott útsýni yfir borgina. Turninn er einna þekktastur fyrir skúlptúra af börnum sem klifra upp á hann.
• Kampa-eyja: Friðsæl eyja við Vltava-fljótið með fallegum garði og listagalleríum.

Fimmtudagur

Ferðadagur

Föstudagur

• Fræðandi bæjarferð með íslenskri fararstjórn – 4 klst.

Laugardagur

• Fræðandi kastalaferð og „Litli bærinn“ með íslenskri fararstjórn.

Valfrjálsir dagskrárliðir:

• Terezín-þrælabúðirnar.

Sunnudagur

Frjáls morgunn í borginni.

Valfrjálsir dagskrárliðir:

• Notaleg hádegissigling á Moldánni með hádegisverðarhlaðborði.

Flogið heim til Íslands.

Gist er á 5* hótelinu Grandium Hotel Prague með morgunmat inniföldum.

Hótelið er ótrúlega vel staðsett í miðborg Prag. Þar má finna veitingastað og barþjónustu ásamt því að gjaldfrjálst þráðlaust net býðst gestum. Í hverju herbergi má finna loftkælingu og flatskjá með gervihnattasjónvarpi.

Gestamóttaka hótelsins er opin allan sólarhringinn.

Grandium hótelið er í stuttri göngufjarlægð frá gamla bæjarhlutanum í Prag og tekur aðeins um 5-10 mínútur að ganga á hið fræga Gamlabæjartorg og í nærliggjandi verslunarmiðstöðvar.

Vinsamlega athugið að ljósmyndir af gististöðum, sem birtar eru á heimasíðu Tíu þúsund feta, eru fengnar frá gististöðunum. Þær eru aðeins til þess að gefa hugmynd um útlit þeirra. Tíu þúsund fet bera ekki ábyrgð á því ef eitthvað hefur breyst á gististöðunum frá því að ljósmyndir voru teknar. Tíu þúsund fet stjórna ekki staðsetningu farþega innan gististaða.

Í borgarferðum Tíu þúsund feta fara þaulreyndir íslenskumælandi fararstjórar með í ferðirnar. Rún og Trausti hafa starfað við margs konar ferðaþjónustu í 25 ár ásamt því að ferðast um víða veröld og eru viskubrunnar um sögu og menningu Prag.

Rún og Trausti munu sjá til þess að farþegar upplifi og njóti sín til fulls í þessari draumaferð til Prag, þar sem fræðsla og umfram allt skemmtileg upplifun verður sett í forgang.

Flug:

• Flug fram og tilbaka með Play
• Flugvallagjöld og skattar

Farangur:

• Ferðataska 20 kg
• Persónulegur hlutur sem rúmast undir sæti

Hótel:

• Gisting á 5* hóteli í 3 nætur

Fæði:

• Morgunmatur á hóteli

Akstur

• Akstur til og frá flugvelli í Prag

Ferðir

• Bæjar- og kastalaferð í borginni

Fararstjórn

• Vönduð íslensk fararstjórn

Í nafni náttúrunnar

• Gróðursetning á trjám á Íslandi fyrir hvern farþega sem fer í ferðina.  

EKKI INNIFALIÐ

• Hádegisverður
• Kvöldverður
• Valfrjálsir dagskrárliðir
• Ferðatryggingar
• Gistináttaskattur
• Þjórfé