Dublin – Árshátíðarferð

Tíu þúsund fet bjóða nú upp á glæsilega árshátíðarferð fyrirtækja og hópa til Dublinar, líflegu höfuðborgar Írlands. Þar má finna frábærar aðstæður til að njóta lífsins: Iðandi mannlíf, sögufræga staði, fallega almenningsgarða, skemmtilegt mannlíf, alþjóðleg veitingahús og líflega kráarstemningu.

Skemmtileg dagskrá í boði og vönduð íslensk fararstjórn þaulreyndra fararstjóra Tíu þúsund feta.

Ferðalýsing

Tíu þúsund fet kynna skemmtilega borgarferð fyrir allar tegundir hópa, til Dublinar, höfuðborgar Írlands. Dvalið er á huggulegu hóteli í miðbænum þar sem vel fer um farþega.

Þaulreyndir íslenskumælandi fararstjórar halda utan um hópinn og fræða um land, menningu, siði og þjóð. Vönduð dagskrá í boði.

Hér er frábært tækifæri til að upplifa líflega menningu og njóta óþrjótandi afþreyingarmöguleika í skemmtilegri borg. Þú finnur ekki betri leið til að hrista hópinn saman með tilheyrandi kráarstemningu og næturlífi.

Hápunktar ferðarinnar

Lífleg menning!
Iðandi mannlíf!
Skemmtileg dagskrá!
Vönduð íslensk fararstjórn!
Endalausir verslunarmöguleikar!
Fræðandi bæjarferð!
Ljúffengir veitingastaðir!
Fallegir almenningsgarðar!
Sögufrægar byggingar!
Fjörug kráarstemning!
River dance!
Guinness verksmiðjan!
Jameson brugghús!
Elsta krá Írlands!
Elsta bókasafn heims!

Hvað veistu um áfangastaðinn?

Dublin er höfuðborg Írlands og hefur verið það frá miðöldum. Borgin er rík af sögu, merkum byggingum og líflegum hverfum, ásamt rólegum og fallegum almenningsgörðum.

Borgin er þekkt fyrir margar frægar byggingar eins og Dómkirkju hins heilaga Patreks, Dublinarkastala, Samuel Beckett brúna og Trinity háskólann.

Þá er þar að finna eitt elsta brugghús Evrópu, þar sem Guinness fjölskyldan hefur rekið framleiðslu á bjór í áraraðir við miklar vinsældir. Þá eru heimamenn þekktir fyrir góð Whiskey en Jameson safnið er að finna í Dublin. Víða um Dublin má finna líflegar krár, og verður kráarhverfið Temple Bar að teljast vinsælast meðal ferðamanna, en þeir sem kíkja á krárnar upplifa fljótt fjöruga stemningu, þar sem lifandi tónlist einkennir þær flestar og einstök gestrisni heimamanna. Elstu krá Írlands, er að finna í borginni.

Í borginni er boðið upp á margar sýningar á hinum þekkta írska river-dans, þar sem fótafimi dansaranna er engri lík og víða gefst heimamönnum tækifæri til að læra þessu ótrúlega flottu dansspor.

Í Dublin eru nokkrir fallegir almenningsgarðar, þar sem hægt er að njóta slökunar innan um fallegan gróður þeirra. Phoenix garðurinn er þeirra stærstur en hann er einnig stærsti lokaði borgargarður Evrópu en þar er m.a. búsvæði nokkurra dádýra, sem eiga það til að sýna sig, gestum garðsins til mikillar ánægju.

Dublin er með fjölbreytt úrval góðra veitingastaða, þar sem finna má mat við allra hæfi en einn vinsælasti veitingastaður þeirra er staðsettur inn í gamalli kirkju.

Frá Dublin er stutt í allar áttir og meðal annars út í fallega náttúru og til skemmtilegra smábæja. Howth er t.d. fallegur írskur sjávarbær í aðeins hálftíma lestarferð frá Dublin, en þar er hægt að fá heimsins besta fish and chips og hægt að taka sér göngu yfir ægifögrum klettabjörgum rétt utan við bæinn.

Nokkrar staðreyndir um Dublin!

Brazen Head er krá sem hefur verið starfrækt í meira en 800 ár!
Phoenix garðurinn er tvöfalt stærri en Central Park í New York!
Guinness gerði 9.000 ára leigusamning sem er enn við gildi!
Þjóðartákn Írlands er harpa!
Jarðneskar leifar af hinum heilaga Valentínusi, dýrlingi ástarinnar, má finna í Dublin!
Bram Stoker, sem skrifaði söguna um Drakúla, gekk í háskóla í Dublin!
Breiðasta umferðarbrú Evrópu er í Dublin!
Yfir 30.000 kastala má finna á Írlandi!
Einn elsti viti heims er á Írlandi!

Dagskráin í hnotskurn

Föstudagur

Ferðadagur – Flug frá Keflavíkurflugvelli og akstur á hótel.

Laugardagur

Létt ganga um miðborgina með íslenskri fararstjórn.

Valfrjálsir dagskrárliðir:

Heimsókn í Guinness verksmiðjuna
Heimsókn á Whiskey-safn
River dance kennsla og sýning
Árshátíðarkvöldverður

Sunnudagur

Frjáls dagur í borginni

Valfrjálsir dagskrárliðir:

Göngutúr um Phoenix Park
Glasnevin-kirkjugarðurinn
Kvöldmatur í The Church
The Irish Rock ´n´Roll Museum
Heimsókn til sjávarbæjarins Howth

Mánudagur

Ferðadagur. Akstur á flugvöll og flogið til Íslands.

Ferðalagið

Gisting

Gist verður á huggulegu 4* hóteli í miðborginni, The Leonardo Hotel Dublin, Parnell Street.

Öll herbergi hótelsins eru snyrtileg og rúmgóð með öllu því sem til þarf til að njóta verunnar. Þráðlaust net og loftkælingu má finna í þeim öllum en innréttingarnar eru nútímalegar, huggulegar og bjartar.

Gestamóttakan er opin allan sólarhringinn.

Vinsamlega athugið að ljósmyndir af gististöðum, sem birtar eru á heimasíðu Tíu þúsund feta, eru fengnar frá gististöðunum. Þær eru aðeins til þess að gefa hugmynd um útlit þeirra. Tíu þúsund fet bera ekki ábyrgð á því ef eitthvað hefur breyst á gististöðunum frá því að ljósmyndir voru teknar. Tíu þúsund fet stjórna ekki staðsetningu farþega innan gististaða.

Fararstjórar

Í borgarferðum Tíu þúsund feta fara þaulreyndir íslenskumælandi fararstjórar með í ferðirnar. Rún og Trausti hafa starfað við margs konar ferðaþjónustu í 25 ár ásamt því að ferðast um víða veröld, en þau hafa meðal annars verið með hópa í Dublin.

Rún og Trausti munu sjá til þess að farþegar upplifi og njóti sín til fulls í þessari skemmtiferð til Dublinar, þar sem fræðsla og umfram allt skemmtileg upplifun verður sett í forgang.