Matarsaga Ítalíu – Sigurlaug Margrét Jónadóttir

Tíu þúsund fet kynna meiri háttar veisluferð til Ítalíu, þar sem Sigulaug Margrét Jónasdóttir, útvarps- og sjónvarpskona, kynnir hina dásamlegu matarmenningu Ítala fyrir landanum. Dvalið verður á huggulegu hóteli í Rómarborg.

Sigurlaug Margrét Jónasdóttir, hefur góða reynslu af því að vera fararstjóri á Ítalíu, þar sem hún starfaði til margra ára. Hún mun sjá um að halda vel utan um hópinn og fræða um land, menningu, siði og þjóð með áherslu á matarmenningu hennar. Vönduð dagskrá í boði og mikið innifalið, meðal annars bæjarrölt með Illuga Jökulssyni rithöfundi og heimsókn á ítalskan vínbúgarð með matarnámskeiði og vínsmökkun.

Hér er á ferðinni fróðleg og skemmtileg matarmenningarferð, þar sem einstök náttúra, saga, mannlíf og dásamlegur matur og góðar veigar skipa stórt hlutverk.

• Sögufræg borg!
• Fagurt landslag!
• Borgarrölt með Illuga Jökuls!
• Meiriháttar matargerð!
• Matarsmökkun í Róm!
• Cappucino!
• Espresso!
• Ís!
• Skinkur og ostar!
• Ljúffeng vín!
• Vínrækt!
• Pizzunámskeið!
• Pastagerð!
• Caravaggio bar-hopp!
• Matarveisla og vín á vínbúgarði!
• Vönduð fræðsla!
• Menning og listir!
• Glæsilegar byggingar!

Ítalía

Ítalía liggur við Miðjarðarhafið á Appenína-skaganum í Suður-Evrópu og hefur lögun landsins verið líkt við háhæla stígvél. Landið er 301.340 ferkílómetrar að stærð og á landamæri að Frakklandi, Sviss, Austurríki og Slóveníu. Þá umlykur Ítalía tvö sjálfstæð ríki, San Marínó og Vatíkanið. 

Fjöldi íbúa er tæplega 59 milljónir og er landið það þriðja fjölmennasta innan aðildarríkja Evrópusambandsins. Flestir íbúanna búa í höfuðborginni Róm eða tæplega 3 milljónir. Á Ítalíu er opinbera tungumálið ítalska en mállýskurnar eru margar og ólíkar eins og á Sikiley, í Napolí og í Feneyjum. Margir leita til Ítalíu til að læra þetta skemmtilega tungumál.

Veðrið er fjölbreytt og skiptist eftir landshlutum, en Miðjarðarhafsloftslag er þó ríkjandi með heitum og þurrum sumrum og mildum vetrum. Í norðrinu, sérstaklega í Alpafjöllunum einkennist veðrið hins vegar af köldum vetrum og snjókomu og heitum sumrum.

Ítalíu á sér gríðarlega langa og ríka sögu, sem nær mörg þúsund ár aftur í tímann, þar sem ýmsar fornþjóðir lögðu grunn að ýmsum menningarlegum þáttum landsins en samspil þeirra við sögulega atburði hafa mótað þjóðarvitund þeirra í gegnum tíðina. 

Ítalir búa yfir ríkri menningarhefð og listum, þar sem þeir hafa lagt mikið að mörkum til bókmennta, tónlistar og vísinda svo fátt eitt sé nefnt en Dante, Verdi, Vivaldi og Galileo Galilei voru allir frá Ítalíu. Þá er landið þekkt fyrir einstakan arkitektúr,  myndlist og skúlptúra, eins og St. Péturskirkjuna í Vatíkaninu, Colosseum í Róm og listamennirnir Leonardo da Vinci, Michelangelo og Raphael Sanzio, Ítalía er með flest svæði í heimi á heimsminjaskrá UNESCO, þar á meðal borgir eins og Feneyjar, Flórens og fornborgina Pompei. Þá er Ítalía heimsþekkt fyrir matargerðina sína, þar sem þeir bjóða upp á heimsins bestu pastarétti, pizzur og auðvitað langbesta ísinn. Þá er að finna héruð á Ítalíu sem rækta heimsklassa ólífur og vinna þeir ýmsar olíur úr þeim. Ítalir eru einnig þekktir fyrir vínræktina, sem þeir hafa stundað í hundruð ára og toppurinn verður að teljast eftirréttarvínið þeirra, limoncello.

Landslagið á Ítalíu er afar fjölbreytt, allt frá snævi þöktum tindum Alpafjalla í norðri yfir í sólríkar strendur við Miðjarðarhafið, þar sem Amalfi-ströndin verður að teljast sú vinsælasta. Þá má finna þar gróðursælar hæðir og fjöll og grösug flatlendi, þar sem ýmis ræktun á sér stað.

NOKKRAR STAÐREYNDIR UM ÍTALÍU

• Etna er stærsta og virkasta eldfjall heims, en þar gýs um 200 sinnum á ári!
• Elsti starfandi háskóli Evrópu er staðsettur í borginni Bologna, stofnaður árið 1088.
• Ítalir fundu upp espresso-kaffivélina og á Ítalíu má finna yfir 160.000 kaffitería.
• Yfir 350 tegundir af pasta er að finna í ítalskri matargerð!
• Ítalir fundu upp fyrstu gleraugun!
• Í Feneyjum er að finna yfir 400 brýr!
• Páfagarður í Róm er minnsta og fámennasta sjálfstæða ríki heims!
• Ítalía býr yfir 58 stöðum sem hafa verið settir á heimsminjaskrá UNESCO!
• Lífaldur Ítala er með þeim hæsta sem gerist í heiminum!
• Ítalir nota yfir 250 handabendingar til þess að tjá enn frekar það sem þeir segja!
• ,,Gelato” ísinn var fundinn upp á endurreisnartímanum í Flórens!
• Fyrsti pizzastaðurinn var opnaður í Napolí árið 1830!
• Róm er borg gosbrunnanna, en þar er að finna yfir 2.000 gosbrunna!
• Á hverjum degi henda ferðamenn samtals 3.000 evrum í Trevi gosbrunninn!
• Píanó var fundið upp á Ítalíu!
• Colosseum í Róm er stærsta hringleikahús veraldar!

Það er í raun ekki hægt að fanga allt sem Ítalía hefur upp á að bjóða í stuttu máli, landið er einfaldlega frábært heim að sækja og um það þarf ekki að hafa fleiri orð!

Róm

Róm sem er höfuðborg Ítalíu er staðsett á Mið-Ítalíu á vesturströndinni á bökkum Tíber-fljótsins og umlykur borgin borgríkið Vatíkanið, þar sem höfuðstöðvar kaþólsku kirkjunnar er með aðsetur páfans. Borgin er stundum kölluð ,,borgin eilífa” en til forna var hún höfuðborg heimsveldisins.

Í Róm er að finna marga áhugaverða staði ásamt skemmtilegum afþreyingarmöguleikum og dásamlegum mat.

Róm er einna þekktust fyrir hinar frægu byggingar, Colosseum, sem er stærsta hringleikahús veraldar þar sem m.a. glæsilegar bardagasýningar fóru fram og svo hin ægifagra Péturskirkja sem er stærsta kirkja Evrópu. Pantheon í Róm er síðan meðal best varðveittu bygginga heims, en arkitektúrinn þykir einstakur, sérstaklega fyrir sakir hvolfþaksins sem er það stærsta sinnar tegundar úr óstyrkri steypu. 

Þá eru málverk Michaelangelo, Botticello og félaga á veggjum Sixtínsku kapellunnar í Vatíkaninu engu lík en þau teljast til frægustu listaverka sögunnar. Í Róm er síðan að finna hið forna Rómatorg eða Roman Forum, þaðan sem borgin byrjaði að vaxa en þar var miðpunktur viðskipta, menningar og stjórnsýslu Rómaveldis. Navónutorg telst síðan vera eitt fegursta torg Rómar, en áður fyrr var þar leikvangur Circus Agonalis. Þá má ekki nefna Róm án þess að minnast á Spænsku tröppurnar og Trevi-brunninn, þar sem þúsundir evra enda daglega ofan í brunninum.

Hægt er að finna söfn af ýmsu tagi í borginni, m.a. þjóðminjasafnið, sem inniheldur mikið af fornleifum og listaverkum frá Rómaveldi. Galleria Borghese listasafnið er líka skemmtilegt heim að sækja, með málverkum eftir snillinga eins og Michelangelo og Raphael. Þá er þar einnig að finna listasafn tileinkað samtímalist.

Matar- og vínmenning þeirra heimamanna einkennist af heimagerðu pasta, þar sem þekktustu pastaréttir Rómar eru Cacio e Pepe og Carbonara. Þá eru Rómarbúar snillingar í pizzugerð og er pizza al Taglio ein af þeim vinsælustu en hún minnir á heimagerðar kassalaga pizzur með þykkum botni, bragðgóðri sósu, áleggi og ljúffengum þykkum mozzarella osti. Ítalir elska líka ís en ítalska ísinn er mjög víða hægt að finna í borginni. Róm er síðan umkringd frægum vínræktarsvæðum eins og Frascati og Castelli Romani og er auðvelt að fara í vínsmökkun á velvöldum vínbúgörðum. 

Róm er einfaldlega borg borganna!

Miðvikudagur 14. október

• Flogið með Icelandair frá Keflavík kl. 7:50 – Lending í Róm kl. 14:35 
• Gist á 4* hóteli í Róm

Fimmtudagur 15. október

• Bæjarrölt með Illuga Jökulssyni
• Gist á 4* hóteli í Róm

Hugmyndir að auka afþreyingu

• Skoðunarferð um Vatíkanið og Sixtínsku kapelluna.

Föstudagur 16. október

• Leyndardómar matargerðar í Róm – matarsmökkunartúr
• Barhopp með Sigurlaugu
• Gist á 4* hóteli í Róm

Laugardagur 17. október

• Matreiðslunámskeið og veisla á ítölskum vínbúgarði
• Gist á 4* hóteli í Róm

Sunnudagur 18. október

• Ferðadagur
• Flogið með Icelandair frá Róm kl. 15:45 – Lending í Keflavík 18:35

Ítarlegri dagskrá má sjá hér að neðan.

Í Róm verður gist á 4* hótelinu UNA Hotel Empire með morgunverði.

Hótelið er vinalegt og staðsett í göngufæri frá miðbænum. 

Á hótelinu eru hugguleg herbergi, sem eru búin helstu þægindum, með þráðlausu gjaldfrjálsu neti, loftkælingu, öryggishólfi, minibar, sjónvarpi, baðvörum og hárblásara. 

Maturinn á gististaðnum er fjölbreyttur og þar geta allir fundið eitthvað gómsætt til að kitla bragðlaukana, sem hinir ítölsku kokkar sjá um að matreiða fyrir mannskapinn. Ríkulegt morgunverðarhlaðborð en einnig er hægt að borða á veitingastað hótelsins að loknum viðburðaríkum dögum í Róm. Á verönd hótelsins er barsvæði, sem býður upp á ljúffenga kokteila og léttmeti.

Vinsamlega athugið að ljósmyndir af gististöðum, sem birtar eru á heimasíðu Tíu þúsund feta, eru fengnar frá gististöðunum. Þær eru aðeins til þess að gefa hugmynd um útlit þeirra. Tíu þúsund fet bera ekki ábyrgð á því ef eitthvað hefur breyst á gististöðunum frá því að ljósmyndir voru teknar. Tíu þúsund fet stjórna ekki staðsetningu farþega innan gististaða.

Í sælkeraferð, Tíu þúsund feta, til Ítalíu fer Sigurlaug Margrét Jónasdóttir en hún starfaði til margra ára á Ítalíu og er viskubrunnur um sögu og menningu Ítalíu.

Hún er ein ástsælasta útvarps- og sjónvarpskona landsins en hún er umsjónarmaður sjónvarpsþáttanna Matarsaga Íslands og Okkar á milli á RÚV og útvarpsþáttanna Segðu mér á Rás 1.

Sigurlaug er dóttir útvarpsmannsins Jónasar Jónassonar og dagskrárgerðarkonunnar Sigrúnar Sigurðardóttur. Hún mun sjá til þess að farþegar upplifi og njóti sín til fulls í þessari draumaferð um matargerðarlist Ítala, þar sem fræðsla og umfram allt skemmtileg matarupplifun verður í fyrirrúmi.

Illugi Jökuls fræðir farþega

Í þessa ævintýralegu ferð okkar um S-Ítalíu kemur Illugi Jökulsson með okkur þar sem rithöfundurinn skemmtilegi fræðir okkur á sinn einstaka hátt um sögu og siði lands og þjóðar. 

Illugi er sonur Jóhönnu Kristjónsdóttur og Jökuls Jakobssonar. Elísabet Jökulsdóttir rithöfundur og Hrafn Jökulsson eru alsystkini hans. Illugi er giftur leikkonunni Guðrúnu Gísladóttur. Dóttir þeirra er útvarpskonan Vera Illugadóttir.

Illugi gekk í Menntaskólann í Reykjavík, en hætti skólagöngu sinni 1979, þá í sjötta bekk. Hann hóf störf sem blaðamaður á Vísi í apríl 1979 og starfaði þar til vors 1981. Árið 1986 hóf Illugi umsjón sína á útvarpsþættinum „Frjálsar hendur“ á Rás 1 og hefur sinnt því starfi nánast sleitulaust síðan. Illugi stofnaði tímaritið Sagan öll árið 2007 og gegndi þar ritstjórnarstörfum. Einnig stofnaði hann og ritstýrði tímaritinu Skakki turninn, þar sem hann vann með Veru.

Flug

• Flug með Icelandair frá Keflavíkurflugvelli til Rómar 
• Flug með Icelandair frá Róm til Keflavíkurflugvallar
• Flugvallagjöld og skattar

Farangur

• Ferðataska 23 kg
• Handfarangur 8 kg

Hótel

• Gisting í 4 nætur á 4* hóteli í Róm

Fæði

• Morgunmatur
• Matartúr
• Matar- og vínsmökkun

Akstur

• Akstur til og frá flugvöllum í Róm.
• Rútuferðir í skoðunarferðum, þar sem farið er með rútum

Skoðunarferðir

• Leyndardómar matargerðar í Róm
• Bæjarrölt með Illuga Jökulssyni
• Caravaggio bar-hopp (ath. drykkir eru ekki innifaldir)
• Matarnámskeið, veisla og vínsmökkun á vínbúgarði

Fararstjórn

• Vönduð íslensk fararstjórn Tíu þúsund feta með Sigurlaugu Margréti Jónasdóttur.
• Þjónusta staðarleiðsögumanna.

Í nafni náttúrunnar

• Gróðursetning á trjám á Íslandi fyrir hvern farþega sem fer í ferðina.

EKKI INNIFALIÐ

• Kvöldverður
• Drykkir nema þar sem það er tekið fram
• Vín í bar-hoppi
• Valfrjálsir dagskrárliðir
• Gistináttaskattur
• Ferðatryggingar
• Þjórfé

Miðvikudagur 14. október – Ferðadagur

Flogið með Icelandair frá Keflavík kl. 7:50 og lent á Leonardo da Vinci flugvelli í Róm kl. 14:35. Rúta bíður hópsins fyrir utan flugstöðvarbygginguna og fer með hann beinustu leið heim á hótel, þar sem farþegar geta komið sér fyrir.

Frjáls dagur til að njóta í Róm og ef áhugi er fyrir að borða saman kvöldverð, er hægt að koma því við.

• Nauðsynlegt: Að kanna gildistíma vegabréfs fyrir brottför.
• Innifalið: Flug með Icelandair og rúta frá flugvelli að hóteli í Róm. Íslensk fararstjórn.
• Ekki innifalið: Kvöldverður
• Gisting: 4* hótel í Róm.

Fimmtudagur 15. október – Gönguferð um miðborg Rómar með Illuga Jökulssyni

Frjáls tími um morguninn.

Hugmyndir að auka afþreyingu

• Skoðunarferð um Colosseum, Roman Forum og Palatine-hæð (valfrjálst)

Klukkan 14:00 fer hópurinn saman í gönguferð á sögufrægar slóðir Rómar með Illuga Jökulssyni rithöfundi. Fyrst verður gengið að Pantheon, þar sem við kíkjum inn í musterið og virðum fyrir okkur ótrúlegan arkitektúr þess. Því næst verður komið við hjá Trevi gosbrunninum, þar sem sú hefð, að kasta evru út í brunninn, hefur skapast í gegnum tíðina fyrir góðri lukku. Eftir það verður gengið að Spænsku tröppunum, lengstu og breiðustu tröppum Evrópu en þær eru jafnframt eitt helsta kennileiti borgarinnar þar sem  margir viðburðir hafa verið haldnir í gegnum tíðina. 

Þá göngum við frá spænska torginu og upp tröppurnar að Trinita dei Monti kirkjunni, þar sem fallegt útsýni gefst yfir svæðið. 

Röltið endum við á einu af vinsælli torgum Rómar, Navona-torgið, þar sem sem hinn frægi gosbrunnur hinna fjögurra áa stendur fyrir miðju torgi, en torgið er líka þekkt fyrir fjöldann allan af skemmtilegum kaffiteríum og veitingahúsum með iðandi mannlífi og þar ætlar hópurinn einmitt að njóta góðs kvöldverðar (valfrjáls hádegisverður) 

• Nauðsynlegt: Að vera með vatn.
• Innifalið: Morgunverður, hádegisverður, matur og drykkir í matarsmökkunarferð, rútuferð og íslensk fararstjórn.
• Ekki innifalið: Kvöldverður og valfrjálsir dagskrárliðir.
• Gisting: 4* hótel í Róm.

Föstudagur 16. október – Leyndardómar matargerðar í Róm – Matarsmökkun – Barhopp í Róm

Eftir morgunverð verður hópurinn sóttur heim á hótel og farið í matartúr, þar sem leyndardómar ítalskrar matarmenningar verða kynntir með matarsmökkun af ýmsu tagi.

Kíkt verður á elstu kaffihús Rómar, þar sem boðið verður upp á fróðleik um hið ljúfenga ítalska kaffi og kaffibolla; cappuccino og espresso. Boðið verður upp á bestu pizzusneiðarnar frá Róm og farið á elsta markað borgarinnar, þar sem boðið verður upp á ostasmökkun; Pecorino Romano osti. Þá fer enginn til Rómar án þess að smakka dæmigert pasta frá Róm. Í ferðinni verður einnig komið við í sælkeraverslun, þar sem boðið verður upp á smökkun á alls kyns bragðgóðum pylsum, skinkum og ostum ásamt ljúffengu ítölsku víni. Að endingu verður farið saman í hádegisverð, þar sem boðið verður upp á spaghetti carbonara, réttur sem á ættir sínar að rekja til Rómar. Í eftirrétt verður boðið upp á ekta ítalskan ís!

Eftir hádegismat er frjáls tími til að njóta alls þess sem Róm hefur uppá að bjóða. Um kvöldið fer hópurinn á barhopp í Róm með Sigurlaugu.

Hugmyndir að auka afþreyingu

• Skoðunarferð um Vatíkanið og Sixtínsku kapelluna (valfrjálst)

• Nauðsynlegt: Að vera með vatn.
• Innifalið: Morgunverður, hádegisverður, matur og drykkir í matarsmökkunarferð, rútuferð og íslensk fararstjórn.
• Ekki innifalið: Kvöldverður og valfrjálsir dagskrárliðir.
• Gisting: 4* hótel í Róm.

Laugardagur  17. október – Matreiðslunámskeið og veisla í ítölskum vínbúgarði: Pastagerð – Pizzugerð – Foccaccia – Vínsmökkun

Eftir morgunverð verður hópurinn sóttur með rútu fyrir utan hótelið. Síðan verður keyrt rétt út fyrir Rómarborg og farið í kastalaheimsókn, þar sem boðið verður upp á ítalskt matreiðslunámskeið og vínsmökkun. Að lokinni matargerð, verður haldin matarveisla í kastalanum og notið góðra veiga. Að lokinni matarveislu verður farið aftur til Rómar, þar sem hópurinn nýtur alls þess sem borgin hefur upp á að bjóða í frjálsum tíma.

• Nauðsynlegt: Að vera með vatn.
• Innifalið: Morgunverður, matreiðslunámskeið, matarveisla, rútuferð og íslensk fararstjórn.
• Ekki innifalið: Kvöldverður
• Gisting: 4* hótel í Róm.

Sunnudagur 18. október – Ferðadagur

Eftir morgunmat er frjáls tími til klukkan 13:00 en þá verður hópurinn sóttur heim á hótel og keyrður út á flugvöll, Leonardo da Vinci í Róm. Þaðan er áætlað flug með Icelandair kl. 15:45 en lending í Keflavík er kl. 18:35. 8.10.

• Nauðsynlegt: Að taka allan farangur, skrá sig út af hóteli fyrir hádegi og taka með sér vegabréfið!
• Innifalið: Morgunverður, rútuferð út á flugvöll og íslensk fararstjórn.
• Ekki innifalið: Hádegisverður

Vinsamlega athugið

Ofangreind dagskrá er birt með fyrirvara. Tíu þúsund fet áskilja sér rétt til að breyta dagskrá ef á þarf að halda með tilliti til veðurs og annarra aðstæðna, að sjálfsögðu með heill farþega í fyrirrúmi.

• Stuðningssokkar geta komið sér vel fyrir flugið, en þeir geta minnkað líkur á bjúg og blóðtappa í fótum. 
• Léttur bakpoki.
• Þægilegir strigaskór og sokkar.
• Fatnaður sem hentar heitu loftslagi.
• Sandalar.
• Vatnsflaska.
• Sólarvörn (einnig fyrir varir).
• Sólgleraugu. 
• Sundföt og strandskór. 
• Hleðslubanki fyrir síma getur verið sniðugur og gott að búa til pláss fyrir myndir á minniskubbi myndavélar. 
• Plástur, hælsærisplástur, sótthreinsikrem og handspritt. 
• Steinefnatöflur, verkjatöflur og pappírsþurrkur. (Klósettrúlla getur komið sér vel í bakpoka)
• Skordýrafælandi efni til að verjast moskítóbitum. Þá er mælt með því að taka B12 vítamín nokkrum vikum fyrir brottför og fyrir þá sem eru með sterk ónæmisviðbrögð vegna skordýrabita gætu þurft að huga að því að taka viðeigandi ofnæmistöflur. 
• Varðandi vegabréf, þá þurfa íslenskir ríkisborgarar ekki VISA til að komast inn í landið en gæta þarf að gildistíma vegabréfs.
• Gjaldmiðillinn er evra og víða er hægt að nálgast miðilinn á Ítalíu. Gott að hafa greiðslukort, ekki bara í símanum. 
• Afrit og ljósmynd af vegabréfi.
• Þá þarf að huga að ferðatryggingum tímanlega. (ekki innifalið)
• Þeir sem ferðast með lyf, ættu að hafa þau í upprunalegum pakkningum og geyma í handfarangri. 
• Ekki þarf sérstök millistykki til að stinga raftækjum í samband.
• Við mælum með því að fólk skilji alla skartgripi eftir heima og taki sem minnst af verðmætum með sér.

Athugið að listinn er ekki tæmandi og aðeins til viðmiðunar.