Veröld Veru – Ævintýri á Balkanskaga

Tíu þúsund fet kynna meiriháttar ævintýraferð á Balkanskaganum, þar sem farið verður um Króatíu, Bosníu-Hersegóvínu, Svartfjallaland og Albaníu. Flogið er til hinnar fallegu höfuðborgar Zagreb í Króatíu og dvalið á góðum hótelum alla ferðina. Síðan er flogið heim frá Tirana-borg í Albaníu. 

Þaulreyndir íslenskumælandi fararstjórar halda utan um hópinn ásamt því að útvarpskonan Vera Illugadóttir veitir fræðslu um menninguna, siðina og segir sögur af fólkinu í löndunum sem við heimsækjum. Ferðin er full af flottri dagskrá, matar- og vínsmökkun í fallegu umhverfi.

Hér er frábært tækifæri til að njóta skemmtilegrar menningar á fallegum slóðum Balkanskagans þar sem sagan drýpur af hverju strái og njóta einstakrar fræðslu Veru.

• Vera Illuga!
• Króatía!
• Svartfjallaland!
• Albanía!
• Bosnía-Hersegóvína!
• Fróðleikur!
• Einstök menning!
• Stórbrotin náttúra!
• Iðandi mannlíf!
• Sögufrægar UNESCO slóðir!
• Meiriháttar matargerð!
• Tveir þaulreyndir íslenskumælandi fararstjórar!

Króatía er heillandi land á Balkanskaga í Suðaustur-Evrópu. Landið stendur við Adríahafið og á landamæri að Slóveníu, Ungverjalandi, Serbíu, Svartfjallalandi og Bosníu og Hersegóvínu. Landið telur 56.542 ferkílómetra og þar búa tæplega fjórar milljónir manna. Zagreb er höfuðborg Króatíu og þar búa ríflega 680 þúsund manns.

Króatía býr yfir einstakri náttúrufegurð en stór svæði hafa hlotið náttúruvernd og þar af hafa átta svæði verið gerð að þjóðgörðum. Landið er gróðursælt og nokkuð er um fjalllendi, þar sem hæsti tindurinn, Dinara, rís í 1.831 metra hæð í Dínarísku Ölpunum ásamt því að þar má finna fjölda fallegra áa og fossa. Við strendur Króatíu má telja yfir þúsund eyjar, sem samanlagt eru um 3.300 ferkílómetrar. Stærstu eyjarnar eru Cres og Krk en Hvar-eyjan er sú vinsælasta og einnig sú sólríkasta í Evrópu.

Sögu Króatíu er hægt að rekja langt aftur um aldir og má þar finna margar mjög áhugaverðar borgir m.a. frá tímum Rómverjanna. En elsti bær Evrópu, Vinkovci, er að finna í Króatíu og þar hefur samfelld byggð  varað í 8.300 ár.

Matarmenning Króatíu er afar heillandi og fjölbreytt. Allt frá ljúffengum sjávarréttum við strendurnar til fjölbreyttra kjöt- og grænmetisrétta inn til landsins. Þess má geta að í Króatíu eru heimsins stærstu heimkynni trufflusveppa. Þá hafa heimamenn stundað vínrækt til margra ára, enda búa þeir yfir sérstaklega góðu loftslagi til ræktunar. Þekktasta vínið er ræktað við Dalmatíu-strandlengjuna.

Svartfjallaland er einstök náttúruperla, þar sem há og gróðursæl fjöll einkenna landslagið. Landið er á Balkanskaga og á strönd að Adríahafi og landamæri að Albaníu, Serbíu, Króatíu, Bosníu og Hersegóvínu. Landið telur 13.812 ferkílómetra og þar búa ríflega 625 þúsund íbúar. Höfðuðborgin heitir Podgorica og þar búa um ríflega 212 þúsund manns.

Náttúran í Svartfjallalandi býr yfir mikilli fjölbreytni og hefur henni oft verið líkt við sannkallaða náttúruparadís. Fjöllin ná að jafnaði 1000 metra hæð yfir sjávarmáli og hæst trónir tindurinn, Zla Kolata, í 2.534 metra hæð yfir sjávarmáli, við landamæri Albaníu. Landið einkennist einnig af fallegum dölum og sléttlendi má finna í suðri en um það renna fallegar ár eins og Ribnica og Moraca, sem enda við Skadarvatn. Fyrir áhugafólk um útivist er því margt í boði, allt frá klettaklifri og skemmtilegum fjallgöngum yfir í ævintýralegar kayakferðir.

Í Svartfjallalandi er einnig fjölbreytt dýralíf, með villtum dýrum eins og björnum, úlfum, villisvínum, dádýrum og refum. Þar er líka fjölskrúðugt fuglalíf og stundum má reka augun í hópa af villtum hestum.

Svartfjallaland á sér langa sögu, en svæðið sem landið liggur á, á sér sögu sem rekja má aftur til 6. aldar. Landið var hluti af Júgóslavíu meirihluta 20. aldarinnar en áður var það sjálfstætt land. Eftir upplausn Júgóslavíu var landið í  ríkjasambandi við Serbíu en Svartfjallalandi lýsti yfir formlegu sjálfstæði árið 2006.

Matarmenningin er ríkuleg og einkennist einkum matreiðslu fersks sjávarfangs. Grillaður fiskur með olífuolíu, hvítlauki, salti og góðu kryddi þykir til dæmis herramanns matur. Þá er smokkfiskur, kolkrabbi og skelfiskur algengur á borðum heimamanna.

Vínrækt er stunduð á suðurhluta landsins og nálægt ströndunum. Hún á sér langa sögu og búa þeir yfir mörgum tegundum vínþrúga en vinsælasta og besta vínið er að margra mati Vranac.

Albanía hefur lítt verið uppgötvuð meðal ferðamanna en landið er sannkölluð náttúruparadís, rík af menningu, sögu, fornum borgum og gestrisnum íbúum. Landið er í Suðaustur-Evrópu og á landamæri að Kosóvó, Svartfjallalandi, Norður-Makedóníu og Grikklandi. Það á strendur að Adríahafi og Jónahafi, sem bæði eru hluti af Miðjarðarhafinu. Albanía er 28.748 ferkílómetrar að stærð og telur tæpar 3 milljónir manna. Flestir búa í höfuðborginni Tirana eða um 600.000 íbúar.

Landið býr yfir mikilli fjölbreytni, þegar kemur að dýralífi, landslagi og veðurfari. Gróðursælt fjalllendi er áberandi, þar sem hæsti tindur er Mount Korab, 2.752 m. Þessi gróðursæld skapar góðar aðstæður fyrir fjölda dýrategunda, en þar má finna dýr eins og villiketti, gráúlfa, rauðrefi og fjölda fuglategunda, þar á meðal þjóðarfuglinn þeirra, gullörninn. Þá má finna mikilvæg búsvæði ýmissa dýrategunda við árósa, votlendi, stöðuvötn og strendur eins og flæmingja, sela og skjaldbaka. Við þetta má svo bæta að um 3.500 tegundir plantna má finna í Albaníu og eiga grasalækningar sér langa hefð og sögu í landinu. Strendurnar þykja afar fallegar og sjórinn við þær er kristaltær.

Albanía er einnig rík af sögu og menningu. Þar má finna margar fornar borgir, sem bera vitni um glæsilega fortíð, eins og Gjirokastër og Berat, sem eru báðar á heimsminjaskrá UNESCO. Borgirnar einkennast báðar af gömlum steinsteyptum húsum og þröngum strætum en þar má finna heimkynni frægra kirkna og kastala, sem segja sögur um ótrúlega útlegð og harða baráttu fyrri tíma.

Menning og matargerð Albaníu endurspeglast af blandaðri matarmenningu, þar sem hún hefur m.a. orðið fyrir áhrifum frá Ítalíu og Grikklandi.  Heimamenn leggja mikið upp úr fersku hráefni og eru þekktir fyrir djúpsteikt sjávarfang og ljúffenga kjötrétti, þar sem hvítlaukurinn er notaður óspart og svo eru þeir einnig þekktir fyrir bragðgóða osta. Með matnum er síðan hægt að fá ljúffeng vín frá vínræktarhéruðum víða um landið.

Bosnía-Herzegóvína er náttúruperla á Balkanskaga og full af ríkri menningu og sögulegum minjum. Landið, sem er afar fjalllent á landamæri að Króatíu, Serbíu og Svartfjallalandi en stuttur kafli í suðvestri liggur að Adríahafi. Nafn landsins er samansett úr tveimur héruðum landsins, Bosníu og Hersegóvínu og er landið 51.209 ferkílómetrar og telja íbár landsins rúma 3,5 milljón manna en í höfuðborginni Sarajevó búa tæplega þrjúhundruð þúsund íbúar þar.

Bosníu-Herzegóvína er sannkölluð paradís fyrir náttúruunnendur og fólk sem hefur gaman af hvers kyns útivist. Fjalllendi er áberandi og hefur landið verið vinsælt meðal göngu- og hjólreiðafólks. Þar eru einnig falleg vötn og heimsfrægir fossar eins og Kravice-fossinn og hafa þau svæði verið mikið sótt af þeim sem vilja njóta lífsins á fljótandi farskjótum eins og kajökum og bátum. Hæsti tindur Bosníu-Hersegóvínu er Maglić en það er 2.386 m á hæð. Í suðri og suðvestri má einkennis Hersegóvína-héraðið af láglendi og fallegum ströndum. Í náttúrunni má finna fjölda dýra eins og birna, úlfa, refa, otra og fálka ásamt fjölskrúðugrar plöntuflóru.

Bosnía-Herzegóvína á sér djúpa og flókna sögu. En þjóðin hefur þurft að ganga í gegnum ótrúleg átök og breytingar. En þar má finna fjölda sögulegra minja sem endurspegla þrautseigju og von þeirra sem þar búa. Þar hafa margar minjar verið settar á heimsminjaskrá UNESCO, m.a. í höfuðborginni Sarajevo. En það er áberandi hversu mikið  tímabil islamskrar menningar við kristið samfélag og gyðingdóm trúarbrögð tengjast í höfuðborginni. Borgarstyrjaldir setja líka sitt mark á söguna og er óhætt að segja að þaðan fari ferðamenn fullir umhugsunar.

Matargerðin er einstaklega fjölbreytt og einkennist af blöndum ólíkra trúarheima, þar sem austrið og vestrið mætast. Dajdži og ćevapi eða grillaðar kjötbollur eru meðal mest áberandi réttanna en þær þykja einstaklega bragðgóðar. Þá er nauðsynlegt að prófa heimagert baklava í eftirrétt! Heimamenn eru þekktir fyrir litlar vínræktir en að sama skapi fyrir góð vín, sem einkennast af ferskleika.

Nokkrar staðreyndir um Balkan-löndin

• Á Balkan-skaganum er að finna elstu borgir heims!
• Albanir eru með elstu Evrópubúunum og eru með sitt eigið tungumál, sem tengist latínu að uppruna.
• Balkan er tyrkneskt orð og merki fjall!
• Fólkið er vinalegt og má búast við faðmlagi hvenær sem er og oft verður ókunnugt fólk bestu vinir á augnabliki!
• Á Balkan-skaga mætist austrið og vestrið!
• Gyðingdómur, islam og kristni eru trúarbrögð sem mætast oft í einni og sömu borginni!
• Kaffi er ekki bara drykkur, heldur ,,helgisiður“!
• Prútt er í hávegum haft á Balkan-skaganum.
• Stórfenglegt landslag einkennir öll löndin!
• Fegurð landanna felst ekki bara í því sem þú sérð, heldur einnig í sögunni sem þú heyrir!
• Maturinn fær þig til að líða eins og heima hjá þér!
• Það er ekki alltaf auðvelt að komast yfir landamæri landa á Balkan-skaganum!

Í þessa ævintýralegu ferð okkar um Balkanskagann kemur Vera Illugadóttir með okkur þar sem útvarpskonan skemmtilega fræðir okkur á sinn einstaka hátt um sögu og siði þjóðanna.

Vera er íslensk útvarpskona og rithöfundur. Hún vinnur sem dagskrárgerðarkona hjá Ríkisútvarpinu og hefur frá árinu 2016 verið framleiðandi og þulur útvarps- og hlaðvarpsþáttarins Í ljósi sögunnar á Rás 1.

Sunnudagur 18. október

Ferðadagur – Flogið til Zagreb

Mánudagur 19. október

Zagreb

Þriðjudagur 20. október

Zagreb – Pletvice þjóðgarðurinn – Zadar

Miðvikudagur 21. október

Zadar – Split

Fimmtudagur 22. október

Split

Föstudagur 23. október

Split – Mostar

Laugardagur 24. október

Mostar – Peljesac – Dubrovnik

Sunnudagur 25. október

Dubrovnik

Mánudagur 26. október

Dubrovnik – Niksic – Zabljak

Þriðjudagur 27. október

Zabljak – Budva

Miðvikudagur 28. október

Budva

Fimmtudagur 29. október

Budva – Skadar – Tirana

Föstudagur 30. október

Tirana – Kruje

Laugardagur 31. október

Tirana

Sunnudagur 1. nóvember

Ferðadagur – Flogið til Keflavíkur

Í ferðinni er ávallt gist á 4* hótelum.

• Gist í Zagreb – Hotel Zonar

• Gist í Zadar – Hotel Kolovare

• Gist í Split – Hotel Marvie

• Gist í Dubrovnik – Grand Hotel Park

• Gist í Mostar – Hotel Mostar

• Gist í Žabljak – Hotel Soa

• Gist í Budva – Hotel Millennium

• Gist í Tirana – Hotel Metro Terminal

Vinsamlega athugið að ljósmyndir af gististöðum, sem birtar eru á heimasíðu Tíu þúsund feta, eru fengnar frá gististöðunum. Þær eru aðeins til þess að gefa hugmynd um útlit þeirra. Tíu þúsund fet bera ekki ábyrgð á því ef eitthvað hefur breyst á gististöðunum frá því að ljósmyndir voru teknar. Tíu þúsund fet stjórna ekki staðsetningu farþega innan gististaða.

Í framandi ferðum Tíu þúsund feta fara þaulreyndir íslenskumælandi fararstjórar með í ferðina. Rún og Trausti hafa starfað við margs konar ferðaþjónustu í 27 ár ásamt því að ferðast um víða veröld. 

Rún og Trausti munu sjá til þess að farþegar upplifi og njóti sín til fulls í þessari draumaferð um Balkanskagann, þar sem fræðsla og umfram allt skemmtileg upplifun verður sett í forgang.

Flug:

• Flug fram og tilbaka
• Flugvallagjöld og skattar

Farangur:

• Ferðataska 20 kg
• Persónulegur hlutur sem passar undir sæti

Hótel:

• Gisting á 4* hótelum í 13 nætur

Fæði:

• Hálft fæði
• 1x vínsmökkun

Akstur

• Allur akstur í ferðinni

Ferðir

• Ferðir samkvæmt auglýstri dagskrá

Fararstjórn

• Vera Illugadóttir
• Rún Kormáksdóttir og Trausti Hafsteinsson
• Þjónusta staðarleiðsögumanna

Í nafni náttúrunnar

• Gróðursetning á trjám á Íslandi fyrir hvern farþega sem fer í ferðina.  

EKKI INNIFALIÐ

• Hádegisverður
• Drykkir
• Valfrjálsir dagskrárliðir og annað sem ekki er tilgreint sem innifalið
• Ferðatryggingar
• Gistináttaskattur
• Þjórfé

Sunnudagur 18. október

Ferðadagur

Flogið er frá Keflavíkurflugvelli aðfaranótt 18. október með flugfélaginu Lufthansa kl. 1:10 og millilent í Munchen í Þýskalandi kl. 7:00. Þaðan er flogið kl. 11:30 til Zagreb í Króatíu, þar sem lending er áætluð kl. 12:35 . Rútur bíða farþega fyrir utan flugstöðvarbygginguna en þaðan er keyrt heim á hótel, þar sem farþegar geta skráð sig inn á herbergi og notið hvíldar eftir ferðalagið. Síðdegis hittist hópurinn og fer saman í létt rölt í nágrenni gististaðarins. Áður en gengið verður til náða á hótelinu snæðum við þar kvöldverð saman. 

• Innifalið: Rútuferð frá flugvelli, kvöldverður og bæjarrölt með íslenskri fararstjórn. 
• Ekki innifalið: Drykkir, hádegisverður.
• Gisting: 4* Zonar hótel

Mánudagur 19. október

Zagreb

Eftir morgunverð verður farið í bæjarferð í borginni en hana byrjum við á Ban Jelacis torginu og fikrum okkur þaðan að dómkirkjunni í Zagreb, Dolac-markaðnum og Tkalciceva-stræti sem áður hýsti öll helstu vændishús borgarinnar. Göngutúrinn færum við svo upp á hæðir gamla bæjarins þar sem við virðum m.a. fyrir okkur Markúsar-kirkjuna og ráðhúsið ásamt því að heimsækja hið áhugaverð safn brostinna ástarsambanda (e. Museum of Broken Relationships).

Eftir hádegi kíkjum við í Mirogoj-kirkjugarðinn og í safnaheimsókn á Zagreb City Museum sem einblínir á sögu borgarinnar. Um kvöldið verður okkur svo boðið upp á kvöldverð á hótelinu.

• Nauðsynlegt að hafa með sér vatn.
• Innifalið: Morgun- og kvöldverður, íslensk fararstjórn og bæjarferð.
• Ekki innifalið: Drykkir og hádegisverður.
• Gisting: 4* Zonar hótel.

Þriðjudagur 20. október

Zagreb – Plitvice þjóðgarðurinn – Zadar

Eftir morgunverð verður ekið til hins fagra Plitvice þjóðgarðar, sem stundum hefur verið kölluð Perla Króatíu þekktur fyrir ótrúlega náttúrufegurð. Í garðinum verður dvalið í dágóða stund þar sem hægt er að taka fallega göngutúra til að njóta fegurðarinnar þar sem finna má kristaltært vatn, fossa og skemmtilegar gönguleiðir. 

Síðdegis ökum við áfram til Zadar þar sem við tökum létta bæjarferð að kvöldlagi en í henni sjáum við t.d. rómverskar minjar, hina hringlaga Donatus-kirkju og sólsetrið við sjávarsíðuna. Kvöldverður fer síðan fram á hótelinu.

• Nauðsynlegt að hafa með sér vatn og jafnvel steinefnatöflur.
• Innifalið: Morgun- og kvöldverður, íslensk fararstjórn og rútuferð.
• Ekki innifalið: Drykkir og hádegisverður.
• Gisting: 4* Kolovare hótel.

Miðvikudagur 21. október

Zadar – Split

Að morgunverði loknum höldum við ferð áfram eftir hinni fögru strandlengju Króatíu og setjum stefnuna á Split, borgina sem er fræg fyrir fallegt bæjarstæði við heillandi strendur suðurhluta Dalmatíu-héraðs. Borgin hefur verið sett á heimsminjaskrá UNESCO en þar má finna heillandi arkitektúr frá miðöldum og einstaka sögu við hvert götuhorn. Miðborgin er umkringd borgarmúrum sem bjóða upp á fagurt útsýni yfir borgina og kristaltæran sjóinn. Þess má geta að borgin er einkum fræg meðal aðdáenda sjónvarpsþáttanna Game of Thrones, þar sem mörg atriði voru tekin upp í borginni.

Við komuna til Split höldum við rakleiðis í Diocletian-höllina, rómverskar minjar í hjarta borgarinnar. Við þræðum síðan þröng stræti gömlu borgarinnar sem eru full af búðum og kaffihúsum, lítum við á Peristil-torginu, skoðum Domnius-dómkirkjuna og röltum svo eftir Riva-sjávarsíðunni. Um kvöldið er hægt að skjótast upp á Marjan-hæðina sem býður upp á stórkostlegt útsýni yfir borgina en kvöldverður fer síðan fram á hótelinu.

• Nauðsynlegt að hafa með sér vatn og jafnvel steinefnatöflur.
• Innifalið: Morgun- og kvöldverður, íslensk fararstjórn og rútuferð.
• Ekki innifalið: Drykkir og hádegisverður.
• Gisting: 4* Marvie hótel.

Fimmtudagur 22. október

Split

Eftir morgunverð verður boðið upp á frjálsan dag í borginni. Til að mynda getur þú tekið þér sundsprett við Bacvice-ströndina líflegu, farið í bátsiglingu út í Hvar og Brac eyjarnar eða skotist í Klis-virkið, einn af frægari tökustöðum Game of Thrones. Kvöldverður fer fram á hótelinu. 

• Nauðsynlegt að hafa með sér vatn og jafnvel steinefnatöflur.
• Innifalið: Morgun- og kvöldverður.
• Ekki innifalið: Drykkir og hádegisverður.
• Gisting: 4* Marvie hótel.

Föstudagur 23. október

Split – Mostar

Eftir morgunverð verður ekið til Bosníu og Herzegóvínu en fljótlega má finna mun á menningu og andrúmslofti á því ferðalagi. Við virðum fyrir okkur „Gömlu brúna“ (Stari Most) en þessi táknræna ottómaníska brú frá 16. öld er á heimsminjaskrá UNESCO og er tákn Mostar. Hún býður upp á stórkostlegt útsýni yfir Neretva-ána og er fræg fyrir stökkkeppnir sem haldnar eru við brúna.

Mostar er rík af sögu, líflegri menningu og heillandi byggingarlist. Í þröngum steinlögðum götum miðborgarinnar er að finna gamla bazarinn (Bazar Kujundžiluk) með ýmsu handverki, góðgæti og minjagripum. Þar er líka að finna Koski Mehmed Pasha moskuna frá byrjun 17. aldar en farið verður upp í mínórettu moskunnar þar sem finna má glæsilegt útsýni yfir borgina. Þá tökum við rólegt rölt við sjávarsíðuna í sólsetrinu og njótum svo kvöldverðar á hótelinu.

• Nauðsynlegt að hafa með sér vatn.
• Innifalið: Morgunverður og kvöldverður, íslensk fararstjórn og rútuferð.
• Ekki innifalið: Hádegisverður.
• Gisting: 4* Mostar hótelið.

Laugardagur 24. október

Mostar – Peljesac – Ston – Dubrovnik

Að loknum morgunverði yfirgefum við Mostar og ferðumst um Peljesac-hérað sem er þekkt fyrir að vera eitt helsta vínræktarhérað Króatíu. Þar ætlum við að sjálfsögðu að gera stopp í vínsmökkun þar sem við fáum að smakka á Plavac Mali, einu þekktasta rauðvíni héraðsins.

Á leiðinni heimsækjum við einnig sögufrægan miðbæ Ston en þar má finna varnarmúra frá miðöldum sem gjarnan eru sagðir þeir lengstu í álfunni. Bærinn er einnig þekktur fyrir saltvinnslu í nágrenninu og er hann líka mikill ostrubær þannig að aðdáendur þeirra gætu notið ljúffengs hádegisverðar í Ston.

Að endingu ökum við svo til Dubrovnik þar sem kvöldverður fer síðan fram á hótelinu.

• Nauðsynlegt að hafa með sér vatn.
• Innifalið: Morgunverður, vínsmökkun og kvöldverður, íslensk fararstjórn og rútuferð.
• Ekki innifalið: Hádegisverður.
• Gisting: 4* Grand Hotel Park

Sunnudagur 25. október

Dubrovnik

Að loknum morgunverði verður ekið frá Zablijak um stórbrotið fjalllendi Rugova til Peja borgar í Kosovo, þar sem landslagið á leiðinni einkennist af stórfenglegum gljúfrum og frábærum gönguleiðum. Á leiðinni heimsækjum við feðraveldi Peja og kíkjum inn í Orthodox-klaustur, sem hefur verið sett á heimsminjaskrá UNESCO.

• Nauðsynlegt að hafa með sér vatn.
• Innifalið: Morgun- og kvöldverður, íslensk fararstjórn og rútuferð.
• Ekki innifalið: Drykkir og hádegisverður.
• Gisting: 4* Grand Hotel Park

Mánudagur 26. október

Dubrovnik – Niksic – Zabljak

Eftir morgunverð verður ekið til Durmitor þjóðgarðsins í Svartfjallalandi, þar sem dagsins verður notið í stórkostlegu umhverfi og gengið í kringum hið fagra Black Lake eða Svartavatn. Durmitor þjóðgarðurinn er með mikið aðdráttarafl meðal ferðamanna þar sem einstök gljúfur ánna Draga, Susica, Komarnica og Tara einkenna landslagið en þess má geta að Tara-gljúfrið er það dýpsta í allri Evrópu. Þarna eru einstakar gönguleiðir og er þetta líka vinsæll áfangastaður fyrir þá sem stunda fjallaklifur og kanósiglingar.  

Eftir útiveru í þessari einstöku náttúruparadís verður ekið til bæjarins Niksic þar sem finna má afslappað andrúmsloft en þar komum við við á Frelsistorginu þar sem finna má handverksbúðir, kaffihús og Basil-dómkirkjuna. Þaðan höldum við til Zablijak, bæjar sem er staðsettur í miðju Durmitor í 1.456 m hæð yfir sjávarmáli í Svartfjallalandi og er þar með hæsti bær á Balkanskaga. Bærinn á sér langa sögu, þar sem mörg áföll hafa dunið á bænum á stríðstímum.

Kvöldverður fer fram á hótelinu.

• Nauðsynlegt að hafa með sér vatn.
• Innifalið: Morgun- og kvöldverður, íslensk fararstjórn og rútuferð.
• Ekki innifalið: Drykkir og hádegisverður.
• Gisting: 4* Soa hótel.

Þriðjudagur 27. október

Zabljak – Budva

Að loknum morgunverði verður ekið til Budva-borgar sem er ein af fjölsóttustu áfangastöðum ferðamanna í Svartfjallalandi, þekkt fyrir sögufrægar byggingar, fallegar strendur og blómlegt mannlíf. Saman heimsækjum við gamla borgarhlutann (Stari Grad) sem er umkringdur borgarmúrum frá miðöldum. 

Í gamla bænum heimsækjum við m.a. Citadel-virkið og St. Ivan og Santa Maria kirkjurnar ásamt því að upplifa mannlífið í þessum gamla borgarhluta Budva. Kvöldverður verður síðan í boði á hótelinu.

• Nauðsynlegt að hafa með sér vatn og jafnvel steinefnatöflur.
• Innifalið: Morgunverður og kvöldverður, íslensk fararstjórn og rútuferð.
• Ekki innifalið: Drykkir og hádegisverður.
• Gisting: 4* Millennium hótel.

Miðvikudagur 28. október

Budva

Að loknum morgunverði verður boðið upp á frjálsan dag í borginni en hún er ein af fallegri strandborgum sem finna má við Adríahafið. Hægt er að fara í skoðunarferðir til Perast og Sveti Stefan.

Boðið er upp á kvöldverð á hótelinu.

• Nauðsynlegt að hafa með sér vatn.
• Innifalið: Morgun- og kvöldverður.
• Ekki innifalið: Drykkir og hádegisverður.
• Gisting: 4* Millennium hótel.

Fimmtudagur 29. október

Budva – Skadar – Tirana

Að loknum morgunverði verður ekið áleiðis til höfuðborgarinnar Tirana í Albaníu. Á leiðinni komum við við hjá Skadar-vatni, sem er það stærsta sem finna má á Balkanskaganum. Þar verður okkur boðið í ljúfa siglingu innan fjölskrúðugs fuglalífs og fallegs útsýnis við vatnið sem er nærri landamærum Svartfjallalands og Albaníu. 

Eftir siglinguna förum við svo yfir landamærin og komum til Tirana fyrir kvöldverð sem fram fer á hótelinu.

• Nauðsynlegt að hafa með sér vatn og jafnvel steinefnatöflur.
• Innifalið: Morgun- og kvöldverður, íslensk fararstjórn og rútuferð. Sigling á Skadar-vatni. 
• Ekki innifalið: Drykkir og hádegisverður.
• Gisting: 4* Metro Terminal hótel.

Föstudagur 30. október

Tirana – Kruje

Að loknum morgunverði förum við í borgarferð í Tirana og heimsækjum við m.a. Skanenberg-torgið, Blloku-hverfið, Et-hem Bey moskuna og Bunk´Art 2 safnið. Ekki er útilokað að við höldum upp í kirkjuturn borgarinnar þar sem finna má stórbrotið útsýni yfir torgið og höfuðborgina. 

Síðdegis ökum við svo til fjallabæjarins Kruje, eins af sögufrægari stöðum Albaníu. Það var einmitt í þeim bæ sem þjóðhetjan Skanderberg tengist en hann leiddi uppreisnina gegn Ottómönum á 16. öldinni.

Kvöldverður verður síðan í boði á hótelinu.

• Nauðsynlegt að hafa með sér vatn og jafnvel steinefnatöflur.
• Innifalið: Morgunverður og kvöldverður, íslensk fararstjórn og rútuferð.
• Ekki innifalið: Drykkir og hádegisverður.
• Gisting: 4* Metro Terminal hótel.

Laugardagur 31. október

Tirana

Frjáls dagur í borginni. Hér er til að mynda hægt að fara með Dajti-kláfnum upp á Dajti-hæðina nærri borginni. Á leiðinni upp er frábært útsýni og á hæðinni eru síðan stuttar gönguleiðir í gegnum skóglendið. Þá er líka hægt að fara í ferð til Berat, borgarinnar með hina þúsund glugga, sem er þekkt fyrir arkitektúr Ottómana og færð hefur verið inn á heimsminjaskrá UNESCO. Þar má heimsækja Berat-kastala og ganga um gamlar götur Mangalem- og Gorica-hverfanna. 

• Nauðsynlegt að hafa með sér vatn.
• Innifalið: Morgunverður og kvöldverður.
• Ekki innifalið: Drykkir og hádegisverður.
• Gisting: 4* Metro Terminal hótel.

Sunnudagur 1. nóvember

Ferðadagur

Hópurinn er sóttur á hótel og keyrður út á flugvöll, þar sem hann á flug með Lufthansa kl. 6:05 frá Tirana í Albaníu til Frankfurt, þar sem millilent verður kl. 8:30. Þaðan verður flogið kl. 11:35 til Keflavíkurflugvallar, þar sem áætluð lending er kl. 14:30.