Ferðaskrifstofan Tíu þúsund fet hefur sett í sölu yndislega aðventurferð til Prag, höfuðborgar Tékklands. Þar má finna frábærar aðstæður fyrir ferðamanninn: Fjölskrúðuga menningu, mikla sögu, iðandi mannlíf, ljúffenga matargerð og hugljúfa aðventustemningu. Gist á mjög vel staðsettu og huggulegu 5* hóteli með morgunverði. Glæsileg dagskrá í boði og vönduð íslensk fararstjórn þaulreyndra fararstjóra Tíu þúsund feta.
Trausti Hafsteinsson, sölustjóri ferðaskrifstofunnar Tíu þúsund fet, er ánægður með að hafa sett aðventuferðina í loftið. „Prag er yndisleg borg heim að sækja. Þar er ógrynni af fallegum byggingum í borginni og sagan drýpur af hverju strái. Í Prag líður mér stundum eins og ég sé staddur fyrir framan stórfenglegt málverk. Á aðventunni skartar borgin sínu fegursta, skreytt fallegum jólaljósum og víða má finna skemmtilega jólamarkaði, með ýmsum freistingum. Það verður ljúft að fara með góðan hóp til að upplifa jólastemninguna í hinni fögru Prag,“ segir Trausti.
Ef þig langar til að koma með í aðventurferðina með eigendum ferðaskrifstofunnar Tíu þúsund feta, þeim Rún og Trausta, þá er hér hlekkur til að tryggja þér sæti.
